ଜୟପୁର ୩୧।୭: କ୍ଲାସରୁମ୍‌ରେ ବୁଲିଲା ଛୁରି । ସ୍କୁଲରେ ପଶି ଆତଙ୍କ ଖେଳାଇଲେ ଅଣଛାତ୍ର । ଦଶମ ଶ୍ରେଣୀ ଛାତ୍ରକୁ ଛୁରି ଭୁସି କଲେ ହତ୍ୟା । କ୍ଲା ପଢୁଥିବା ସମୟରେ ଜଣେ ଅଣଛାତ୍ର ତାଙ୍କୁ ଡାକି ନେଇ ଛୁରି ଭୁସି ଦେଇଥିବା ଅଭିଯୋଗ ହୋଇଛି । ଜୟପୁର ବାରିଣୀପୁର ପ୍ରୋଜେକ୍ଟ ହାଇ ସ୍କୁଲରେ ଘଟିଛି ଏଭଳି ଅଭାବନୀୟ ଘଟଣା ।

ଜୟପୁର ବାରିଣୀପୁର ପ୍ରୋଜେକ୍ଟ ହାଇ ସ୍କୁଲରେ ପାଠପଢ଼ା ଚାଲିଥିବା ବେଳେ କ୍ଲାସ୍ରୁ ଜଣେ ଛାତ୍ରଙ୍କୁ ଜଣ ଅଣଛାତ୍ର ଡାକି ନେଇଆସିଥିଲେ । ଛାତ୍ରଙ୍କୁ ଅଣଛାତ୍ର ଜଣଙ୍କ ଛୁରି ଭୁସି ଦେଇଥିଲେ । ଗୁରୁତର ଅବସ୍ଥାରେ ଛାତ୍ରଙ୍କୁ ସ୍ଥାନୀୟ ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କୁ ମୃତ ଘୋଷଣା କରିଛନ୍ତି ଡାକ୍ତର । ଅଭିଯୁକ୍ତ ଛାତ୍ର ଜଣଙ୍କ ଗତ ବର୍ଷ ଦଶମ ପାସ୍ କରିଥିବା ଜଣାପଡିଛି ।

Also Read:- ପ୍ରେମିକାଙ୍କୁ ଭେଟିବାକୁ କାର୍ ଭଡ଼ା କରି ଆସିଲେ ନୂଆପଡ଼ାରୁ ଗଞ୍ଜାମ, ଖୁଣ୍ଟରେ ବନ୍ଧାହୋଇ ଛେଚା ଖାଇଲେ

ସେପଟେ କିନ୍ତୁ ପ୍ରଧାନ ଶିକ୍ଷକ କହିବା କଥା ଖାଇବା ଛୁଟିରେ ଛାତ୍ରଙ୍କୁ ଆକ୍ରମଣ ହୋଇଥିଲା । ତେବେ କୌଣସି ପୂର୍ବ ଶତ୍ରୁତାକୁ ନେଇ ହତ୍ୟାକାଣ୍ଡ ଘଟିଥିବା କୁହାଯାଉଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ଅଭିଯୁକ୍ତ ଛାତ୍ର ଜଣଙ୍କ ଘଟଣାସ୍ଥଳରୁ ଚମ୍ପଟ ମାରିଥିବା ବେଳେ ପୋଲିସ ତାଙ୍କୁ ଧରିବାକୁ ବିଭିନ୍ନ ସ୍ଥାନରେ ଛାନଭିନ କରୁଛି ।

ଘରୋଇ ମେଡିକାଲରେ ଛାତ୍ରଙ୍କ ମୃତଦେହ ପଡିଥିବା ବେଳେ କାନ୍ଦ ବୋବାଳିରେ ଫାଟି ପଡୁଥିଲା ମେଡିକାଲ ପରିସର । ପୁଅକୁ ହରାଇ ଦୁଃଖରେ ଭାଙ୍ଗି ପଡ଼ିଛନ୍ତି ପୂରା ପରିବାର ।