ଫିଫା ବିଶ୍ୱକପ୍ ୨୦୨୬:ଫୁଟବଲ୍ ବିଶ୍ୱକପ୍ର ମହାସମର ଚାଲିଥିବା ବେଳେ ଫ୍ରାନ୍ସର ଅଧିନାୟକ କିଲିଆନ୍ ଏମ୍ବାପେ ନିଜର ଦବଦବା ଜାରି ରଖିଛନ୍ତି। ପ୍ରତି ଚାରି ବର୍ଷରେ ଥରେ ଆସୁଥିବା ଏହି ମଞ୍ଚରେ ଏମ୍ବାପେ କେବଳ ଖେଳୁନାହାନ୍ତି, ବରଂ ନୂଆ ଇତିହାସ ଲେଖୁଛନ୍ତି। ୨୦୨୬ ବିଶ୍ୱକପ୍ରେ ସେ ଦଳର ନେତୃତ୍ୱ ନେବା ସହ ନିଜର ସର୍ବଶ୍ରେଷ୍ଠ ଫର୍ମରେ ଅଛନ୍ତି।

ଏମ୍ବାପେଙ୍କ ନୂତନ ବିଶ୍ୱ ରେକର୍ଡ

ସୁଇଡେନ୍ ବିପକ୍ଷରେ ଚମତ୍କାର ଦୁଇଟି ଗୋଲ୍ ମାରି ଏମ୍ବାପେ ବିଶ୍ୱକପ୍ ଇତିହାସରେ ଏକ ନୂତନ ରେକର୍ଡ ଛୁଇଁଛନ୍ତି। ଏମ୍ବାପେ ବର୍ତ୍ତମାନ ବିଶ୍ୱକପ୍ ନକଆଉଟ୍ ପର୍ଯ୍ୟାୟରେ ମୋଟ୯ଟି ଗୋଲ୍ସ୍କୋର୍ କରି ଏକାକୀ ଶୀର୍ଷରେ ପହଞ୍ଚିଛନ୍ତି। ଏହି କ୍ରମରେ ସେ ଲିଓନିଡାସ୍ ଏବଂ ରୋନାଲ୍ଡୋଙ୍କ ପରି ମହାନ ଖେଳାଳିଙ୍କୁ ପଛରେ ପକାଇ ଦେଇଛନ୍ତି।

ଖେଳାଳି

ନକଆଉଟ୍ ଗୋଲ୍ ସଂଖ୍ୟା

କିଲିଆନ୍ ଏମ୍ବାପେ

୯

ଲିଓନିଡାସ୍

୮

ରୋନାଲ୍ଡୋ

୮

ଜଷ୍ଟ ଫଣ୍ଟେନ୍

୭

ପେଲେ

୭

ଗୋଲ୍ଡେନ୍ ବୁଟ୍ ପାଇଁ ଲଢ଼େଇ

ଏହି ବିଶ୍ୱକପ୍ରେ ଏମ୍ବାପେ ବର୍ତ୍ତମାନ ସୁଦ୍ଧା ୪ଟି ମ୍ୟାଚ୍ ଖେଳି୬ଟି ଗୋଲ୍ସ୍କୋର୍ କରିଛନ୍ତି। ସେହିପରି ଲିଓନେଲ୍ ମେସି ମଧ୍ୟ ୩ଟି ମ୍ୟାଚ୍ରେ ୬ଟି ଗୋଲ୍ ଦେଇ ଏମ୍ବାପେଙ୍କୁ କଡ଼ା ଟକ୍କର ଦେଉଛନ୍ତି। ଉଭୟଙ୍କ ମଧ୍ୟରେ ଗୋଲ୍ଡେନ୍ ବୁଟ୍ ପାଇଁ ଚାଲିଥିବା ଏହି ଲଢ଼େଇ ପ୍ରଶଂସକଙ୍କ ପାଇଁ ବେଶ୍ ରୋମାଞ୍ଚକର ହୋଇଛି।

ଫ୍ରାନ୍ସ ପାଇଁ ପ୍ରେରଣାର ଉତ୍ସ

ରିଅଲ୍ ମାଦ୍ରିଦ୍ରେ ଗତ ସିଜିନ୍ରେ ଆଶାନୁରୂପକ ପ୍ରଦର୍ଶନ କରିପାରି ନଥିବା ଏମ୍ବାପେ, ଫ୍ରାନ୍ସ ଜର୍ସି ପିନ୍ଧିଲେ ଏକ ଭିନ୍ନ ଅବତାରରେ ନଜର ଆସନ୍ତି। ସେ କେବଳ ଗୋଲ୍ ଦେଉନାହାନ୍ତି, ବରଂ ନିଜର ଦ୍ରୁତ ଗତି ଓ ବୁଦ୍ଧିମାନ ପାସ୍ ମାଧ୍ୟମରେ ସାଥୀ ଖେଳାଳିଙ୍କ ପାଇଁ ସୁଯୋଗ ସୃଷ୍ଟି କରୁଛନ୍ତି। ଅନ୍ୟ ସମୟରେ ମଧ୍ୟ ପଡ଼ିଆରେ ନିରନ୍ତର ପରିଶ୍ରମ କରୁଥିବାର ଦେଖା ଯାଉଛି।

ଫ୍ରାନ୍ସର ଏହି ସୁନେଲି ପିଢ଼ି ଦେମ୍ବେଲେ, ଓଲିସେଙ୍କ ଭଳି ଖେଳାଳିଙ୍କ ସହ ମିଶି ଏମ୍ବାପେ ଏବେ ଦଳକୁ ପୁଣିଥରେ ଚାମ୍ପିଅନ୍ କରିବା ପାଇଁ ଲକ୍ଷ୍ୟ ରଖିଛନ୍ତି। ପାରାଗୁଏ ବିପକ୍ଷ ଆଗାମୀ ମ୍ୟାଚ୍ରେ ଏମ୍ବାପେ କିଭଳି ପ୍ରଦର୍ଶନ କରୁଛନ୍ତି, ତାହା ଦେଖିବାକୁ ବାକି ରହିଲା।