ରାଞ୍ଚି, ୩୦/୧୧: ଭାରତ ଏବଂ ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଦିନିକିଆରେ ଟସ୍ ଜିତିଛି ଦକ୍ଷିଣ ଆଫ୍ରିକା । ଅଧିନାୟକ ଏଡେନ ମାକ୍ରମ୍ ଟସ୍ ଜିତି ଫିଲ୍ଡିଂ ନିଷ୍ପତ୍ତି ନେଇଛନ୍ତି । ଅର୍ଥାତ ଦକ୍ଷିଣ ଆଫ୍ରିକା ପ୍ରଥମେ ଫିଲ୍ଡିଂ କରିବ । ସେ ଭାରତକୁ ବ୍ୟାଟିଂ ପାଇଁ ଆମନ୍ତ୍ରଣ କରିଛନ୍ତି । ରାଞ୍ଚିରେ ଭାରତ ଫେଭରେଟ୍ ରହିବା ସହ ଟେଷ୍ଟ୍ ସିରିଜ ପରାଜୟର ପ୍ରତିଶୋଧ ନେବାକୁ ଲକ୍ଷ୍ୟ ରଖିବ ।

ନିକଟରେ ଦୁଇ ଦେଳ ମଧ୍ୟରେ ଟେଷ୍ଟ୍ ସିରିଜ୍ ଖେଳାଯାଇଥିଲା । ସିରିଜର ଉଭୟ ମୁକାବିଲାରେ ଭାରତ ଶୋଚନୀୟ ଭାବେ ପରାସ୍ତ ହୋଇଥିଲା । ଯାହା ପରେ ଟିମକୁ ଅନେକ ସମାଲୋଚନାର ଶିକାର ହେବାକୁ ପଡିଛି । ତେଣୁ ଦଳ ଦିନିକିଆରେ ବିଜୟ ହୋଇ ପରାଜୟର ଦୁଃଖକୁ ସାମାନ୍ୟ ଲାଘବ କରିବାକୁ ଚେଷ୍ଟା କରିବ ।

ମୁକାବିଲାରେ ଭାରତ ପାଇଁ ରୋହିତ ଶର୍ମା ଏବଂ ବିରାଟ କୋହଲି ଖେଳିବେ । ତାଙ୍କ ଉପସ୍ଥିତି ଦଳକୁ ଅଧିକ ଶକ୍ତିଶାଳୀ କରିଛି । ଉଭୟ ବରିଷ୍ଠ ଖେଳାଳି । ସମସ୍ତ ପରିବେଶରେ ଖେଳିବା ପାଇଁ ଅଭିଜ୍ଞତା ରହିଛି । ଅନ୍ୟଦିଗରେ ଶୁଭମନ ଗିଲଙ୍କ ଜାଗାରେ ନେତୃତ୍ୱ ନେଉଥିବା କେଏଲ ରାହୁଲଙ୍କ ଉପରେ ସମସ୍ତଙ୍କ ନଜର ରହିବ । ସେ ଦଳକୁ କିପରି ପରିଚାଳନା କରୁଛନ୍ତି ତାହା ଫ୍ୟାନ୍ସ ଦେଖିବେ ।

୨୫ ବର୍ଷ ହେଲା ଜିତିନି ଭ୍ରମଣକାରୀ ଟିମ୍

ଦକ୍ଷିଣ ଆଫ୍ରିକା ଶେଷ ଥର ପାଇଁ ୨୦୦୦ ମସିହାରେ ଭାରତରେ ସରିଜ୍ ବିଜୟୀ ହୋଇଥିଲା । ସେବେଠାରୁ, ଦଳ ଏଠାରେ ୫ଟି ସିରିଜ ଖେଳିଛି, ତିନୋଟିରେ ପରାଜିତ ହୋଇଛି ଏବଂ ଦୁଇଟି ଡ୍ର ହୋଇଛି। । ଏବେ ୩ ମ୍ୟାଚ୍ ବିଶିଷ୍ଟ ଓଡିଆଇ ସିରିଜ୍ ଉପରେ ସମସ୍ତଙ୍କ ନଜର ରହିଛି । ୩ଟି ମ୍ୟାଚ୍ ନଭେମ୍ବର ୩୦, ଡିସେମ୍ବର ୩ ଏବଂ ଡିସେମ୍ବର ୬ରେ ଖେଳାଯିବ। ଏଠାରେ ୩-୦ରେ ବିଜୟ ଭାରତକୁ ଟେଷ୍ଟ ପରାଜୟର ଯନ୍ତ୍ରଣାକୁ କିଛି ମାତ୍ରାରେ କମ୍ କରିପାରେ । ଭାରତ ଏବଂ ଦକ୍ଷିଣ ଆଫ୍ରିକା ୫୮ ଟି ODI ମ୍ୟାଚ୍ ଖେଳିଛନ୍ତି। ଭାରତ ୨୭ ଟି ଜିତିଛି । ଭାରତ ବିପକ୍ଷରେ ଦକ୍ଷିଣ ଆଫ୍ରିକା ୩୦ ଟି ଦିନିକିଆ ମ୍ୟାଚ ଜିତିଛି। ଗୋଟିଏ ମ୍ୟାଚ୍ ଡ୍ରରେ ହୋଇଥିଲା । ଯଦି ଭାରତ ୩-୦ ବିଜୟ ହାସଲ କରେ, ତେବେ ଉଭୟ ଦଳର ODIରେ ବିଜୟ-ପରାଜୟ ରେକର୍ଡ ସମାନ ହୋଇଯିବ ।