ଭୁବନେଶ୍ୱର ୨୧।୦୩ : OSRTC ଅଫିସ ସମ୍ମୁଖରେ ପ୍ରତିବାଦ । ଡ୍ରାଇଭରଙ୍କ ମୃତ୍ୟୁ ପ୍ରତିବାଦରେ ଚାଲିଛି ଆନ୍ଦୋଳନ । କ୍ଷତିପୂରଣ ଦାବିରେ ମୃତ ଡ୍ରାଇଭର ପ୍ରମୋଦ କୁମାର ମହାପାତ୍ର ପରିବାର ପକ୍ଷରୁ ଧାରଣାରେ ବସିଛନ୍ତି।

Also Read:- ମେଡିସିନ୍ ଆଣିବାକୁ ଯାଉଥିଲେ, ବିଚ୍ ରାସ୍ତାରେ ପ୍ରଧାନ ଶିକ୍ଷୟତ୍ରୀ ଏବଂ ଓ୍ୱାର୍ଡେନଙ୍କୁ ହାଣିଲେ ଦୁର୍ବୃତ୍ତ

ଖବର ଅନୁଯାୟୀ, ପୁରୀରୁ କଲିକତା ଅଭିମୁଖେ ଯାଉଥିଲା OSRTC ବସ୍। ଦୁଇଜଣ ଡ୍ରାଇଭର ବସରେ ଥିଲେ । ପ୍ରମୋଦ ସାମାନ୍ୟ କ୍ଲାନ୍ତ ଅନଭବ କରିବାରୁ କରିବାରୁ ଫ୍ରେସ ହେବାକୁ ଯାଇଥିବା ସମୟରେ ଏକ ବାଇକ ଆସି ଧକ୍କା ଦେଇଥିଲା । ଯାହା ଫଳରେ ତାଙ୍କର ମୃତ୍ୟୁ ଘଟିଛି । ପ୍ରମୋଦ ମହାପାତ୍ରଙ୍କ ତିନି ଜଣ ଝିଅ ଓ ଜଣେ ପୁଅ ଅଛନ୍ତି । ଦୁର୍ଭାଗ୍ୟର କଥା ଯେ ଦୁର୍ଘଟଣା ଘଟିଥିବା ସ୍ଥାନରେ ସଂସ୍ଥା ତରଫରୁ କୌଣସି ଅଧିକାରୀ ପହଞ୍ଚି ପାରିନଥିଲେ । ପରିବାର ଲୋକଙ୍କୁ କୌଣସି ଖବର ବି ଦେଇନଥିଲେ ।

Also Read:-Maoist : ଦେଶକୁ ମାଓ ମୁକ୍ତ କରିବାକୁ ଆଉ ୧୦ ଦିନ ବାକି, ଶୀଘ୍ର ଆତ୍ମସମର୍ପଣ, ନହେଲେ ଏନକାଉଣ୍ଟର !

ସେପଟେ ଘଟଣାସ୍ଥଳରେ ପଶ୍ଚିମବଙ୍ଗ ପୋଲିସ ପହଞ୍ଚି ମୃତଦେହକୁ ଜବତ କରିଥିଲା । ପନ୍ସକୁରାର ଏକ ସରକାରୀ ଚିକିତ୍ସାଲୟରେ ତାଙ୍କର ଶବ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ମୃତଦେହ ହସ୍ତାନ୍ତର କରାଯାଇଥିଲା । ଏପଟେ କ୍ଷତିପୁରଣ ଦାବିରେ ପରିବାର ଲୋକେ OSRTC କାର୍ଯ୍ୟାଳୟ ସାମ୍ନାରେ ଧାରଣାରେ ବସିଛନ୍ତି ।