ଭୁବନେଶ୍ୱର: ଖାଉଟିଙ୍କ ଉପରେ ଆରମ୍ଭ ହୋଇଗଲା ମହଙ୍ଗା ମାଡ଼ । ତେଲ ଦର ବୃଦ୍ଧିର ପ୍ରଥମ ଝଟକା ଲାଗିଛି । କାଲିଠାରୁ ସାରା ଓଡିଶାରେ ବସ୍ ଭଡା ବଢିବ । ସାଧାରଣ ଏବଂ ଏକ୍ସପ୍ରେସ ବସ ଭଡ଼ା କିଲୋମିଟର ପିଛା ୨ ପଇସା ବୃଦ୍ଧି ହୋଇଛି । ସେହିପରି ଡିଲକ୍ସ ଏବଂ ଏସି ଡିଲକ୍ସ ବସ ଭଡ଼ା ୪ ପଇସା ବଢିଛି । ସୁପର ପ୍ରିମିୟମ୍ ଗାଡ଼ି ଭଡ଼ା କିଲୋମିଟର ପିଛା ୬ ପଇସା ବୃଦ୍ଧି ପାଇଛି । ରାଜ୍ୟ ପରିବହନ ବିଭାଗ ପକ୍ଷରୁ ଏନେଇ ବିିଜ୍ଞପ୍ତି ପ୍ରକାଶ ପାଇଛି ।
Also Read:ରାଜ୍ୟରେ ଯଥେଷ୍ଟ ତେଲ ଅଛି, ସଫିସେଣ୍ଟ ତେଲ ସମସ୍ତଙ୍କୁ ମିଳିବ ; IOCLର ୩ ଅପିଲ୍
ରାଜ୍ୟ ବସ୍ ମାଲିକ ସଂଘ ସମ୍ପାଦକ ଦେବେନ୍ଦ୍ର କୁମାର ସାହୁ କହିଛନ୍ତି, ଡିଜେଲ ୩ ଟଙ୍କା ବଢିଲା, ଆମେ ଆଉ କ୍ଷତି ସହିପାରିବୁନି । ସରକାରଙ୍କ ସହ ଆଲୋଚନା ସରିଛି । ସଂଘ ସରକାରଙ୍କ ସହ ଆଲୋଚନା କରିସାରିଛି । ପରିବହନ ବିଭାଗକୁ ଚିଠି ଦିଆଯାଇଛି । ଅନୁମୋଦନ ପରେ ତୁରନ୍ତ କାଲିଠୁ ଲାଗୁ ହେବ । ଅଧିକ ସୂଚନା ଦେଇ ସେ କହିଛନ୍ତି, ପ୍ରତି କିଲୋମିଟର ପିଛା ୨ ପଇସା ବଢିବ । ଶ୍ରେଣୀ ଅନୁସାରେ ଦର ଅଲଗା ହେବ । ୧୬ ମାର୍ଚ୍ଚ ୨୦୨୪ରେ ଶେଷ ଥର ଭଡା ବଢିଥିଲା । ତା’ପରଠୁ ଟାୟାର, ମୋବିଲ, ଇନ୍ସୁରାନ୍ସ, ଟୋଲ୍ ସବୁ ମହଙ୍ଗା ହୋଇଛି । ଏବେ ଡିଜେଲ ୩ ଟଙ୍କା ବଢିଲା, ତେଣୁ ଦର ବଢ଼ିବ ।
| ବସ ଶ୍ରେଣୀ | ପୁରୁଣା ଦର (ପଇସା/କିମି) | ନୂଆ ଦର (ପଇସା/କିମି) | ବୃଦ୍ଧି ପରିମାଣ |
| ସାଧାରଣ | ୮୮ ପଇସା | ୯୦ ପଇସା | +୨ ପଇସା |
| ଏକ୍ସପ୍ରେସ୍ | ୯୨ ପଇସା | ୯୪ ପଇସା | +୨ ପଇସା |
| ଡିଲକ୍ସ | ୧୨୭ ପଇସା | ୧୩୧ ପଇସା | +୪ ପଇସା |
| ଏସି ଡିଲକ୍ସ | ୧୫୫ ପଇସା | ୧୫୯ ପଇସା | +୪ ପଇସା |
| ସୁପର ପ୍ରିମିୟମ | ୨୪୧ ପଇସା | ୨୪୭ ପଇସା | +୬ ପଇସା |