ଆନନ୍ଦପୁର ୨୯।୭: କାର୍ ଓ ପିକଅପ୍ ଯୋଗେ ଯାଉଥିଲେ ବାପ-ପୁଅ । ୫୦ ଫୁଟ ଘାଇରେ ପଡି ଦୁର୍ଘଟଣାର ଶୀକାର ହେଲେ । ଘାଇରୁ କ ଉଦ୍ଧାର କଲା ପ୍ରଶାସନ । ହେଲେ କାର୍ ଚାଳକ ଯୁବକଙ୍କ ମିଳିନାହିଁ ପତ୍ତା । ବୈତରଣୀ ବନ୍ୟା ଯୋଗୁଁ ଆନନ୍ଦପୁର ରିଙ୍ଗ୍ ବନ୍ଧରେ ସୃଷ୍ଟି ହୋଇଥିବା ୫୦ ଫୁଟର ଘାଇରେ ଗାଡି ସହ ପଡିଯାଇଥିଲେ ବାପ-ପୁଅ ।

ଫକୀରପୁର ଗାଁର ବାପା ସତ୍ଯ ମହାନ୍ତି ଓ ପୁଅ ସଦାଶିବ ମାହାନ୍ତି । ସତ୍ଯ ପିକଅପ୍ ନେଇ ଯାଉଥିବା ବେଳେ ପଛରେ ଏକ କାର୍ ରେ ଯାଉଥିଲେ ପୁଅ ସଦାଶିବ । ବିଳମ୍ବିତ ରାତିରେ ଉଭୟ ଘାଇରେ ପଡି ଦୁର୍ଘଟଣା ଗ୍ରସ୍ତ ହୋଇଥିଲେ । ତେବେ ବାପ ସତ୍ଯ କୌଣସି ମତେ ଉଦ୍ଧାର ପାଇ ଗୁରୁତର ଅବସ୍ଥାରେ କଟକରେ ଚିକିତ୍ସିତ ହେଉଛନ୍ତି । ହେଲେ ସଦାଶିବ ଗାଡି ଭିତରେ ଫସି ରହିଥିଲେ । ଗଭୀର ପାଣିରେ ବୁଡିରହିଥିଲା କାର୍ । ଅପରାହ୍ନରେ ପ୍ରଶାସନ ତରଫରୁ ଘାଇ ମଧ୍ଯରୁ ଉଦ୍ଧାର ହୋଇଛି କାର୍ । ହେଲେ ସଦାଶିବ ସମ୍ପର୍କରେ କୌଣସି ସନ୍ଧାନ ମିଳିପାରି ନାହିଁ ।

Also Read:- ରାଜଧାନୀରେ ଚାଞ୍ଚଲ୍ୟ : ସ୍କୁଲ କ୍ୟାମ୍ପସରୁ ଦ୍ବିତୀୟ ଶ୍ରେଣୀ ଛାତ୍ରୀ ନିଖୋଜ, ଅପହରଣ ଅଭିଯୋଗ

ଅନ୍ଯପଟେ ଉଭୟ ବାପ-ପୁଅ ଗୋ-ଚାଲାଣ ଲିଙ୍କରେ ଥିବା ସନ୍ଦେହ ହୋଇଛି । ପିକଅପ୍ରେ କେତେକ ଗୋରୁ ବନ୍ଧା ହୋଇଥିବା ବେଳେ ଗୋଟିଏ ଗୋରୁର ମୃତଦେହ ଭାସୁଥିବା ଅଗ୍ନିଶମ ବିଭାଗ ସ୍ପଷ୍ଟ କରିଛି ।