କୋୟମ୍ବାଟୁର: ବରିଷ୍ଠ କଂଗ୍ରେସ ନେତା ତଥା ରାଜ୍ୟସଭା ସାଂସଦ ପି.ଚିଦାମ୍ବରମ ବୁଧବାର କୋୟମ୍ବାଟୁରରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିଛନ୍ତି। ଏହି ଅବସରରେ ସେ ଲୋକସଭା ଆସନ ସଂଖ୍ୟାରେ ୫୦ ପ୍ରତିଶତ ବୃଦ୍ଧି ପ୍ରସ୍ତାବକୁ ଭ୍ରମିତ କରିବା ଭଳି ବୋଲି କହିଛନ୍ତି। ତେବେ ସେ ଲୋକସଭା ଆସନର ନିରପେକ୍ଷ ପରିସୀମନର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି।ସାମ୍ବାଦିକ ସମ୍ମିଳନୀରେ ଚିଦାମ୍ବରମ ନାରୀ ଶକ୍ତି ବନ୍ଦନ ଅଧିନିୟମ ସଂଶୋଧନ ଓ ଲୋକସଭା ଆସନ ସଂଖ୍ୟା ୮୫୦ ପର୍ଯ୍ୟନ୍ତ ବୃଦ୍ଧି ଲାଗି ସମ୍ବିଧାନ ସଂଶୋଧନ ପ୍ରସ୍ତାବକୁ ନେଇ ମଧ୍ୟ ଆପତ୍ତି କରିଛନ୍ତି।

ତାଙ୍କ କହିବା କଥା ହେଲା ତାମିଲନାଡୁ ଓ ପଶ୍ଚିମବଙ୍ଗ ବିଧାନସଭା ନିର୍ବାଚନ ଯୋଗୁ ଅନେକ ସାଂସଦ ସଂସଦରେ ଉପସ୍ଥିତ ରହି ନ ପାରନ୍ତି। ଏଥିରୁ ଲାଗୁଛି ବିଜେପି ସରକାର ବିନା ବିରୋଧୀ ଦଳରେ ପରିସୀମନ ବିଧେୟକ ଗୃହୀତ କରିବା ପାଇଁ ବୋଧେ ନିଷ୍ପତ୍ତି ନେଇଛନ୍ତି। ଏଥିରେ ଯଦି ସମ୍ଭବ କାଲି ଲୋକସଭା ଅଧିବେଶନ ଆହ୍ୱାନ କରାଯାଏ ମୁଁ ନିଜେ ତାର ପ୍ରାବଧାନ ଅଧ୍ୟୟନ କରି ପାରିବି ନାହିଁ। ଚିଦାମ୍ବରମ ଷ୍ପଷ୍ଟ ଭାବେ କହିଛନ୍ତି ଯେ ସେ ପରିସୀମନର ବିରୋଧ କରନ୍ତିନି, କିନ୍ତୁ ନିରପେକ୍ଷ ପରିସୀମନ ଦାବି କରନ୍ତି।

ସେ କହିଛନ୍ତି ଯେ ଅଚାନକ ମଧ୍ୟପ୍ରଦେଶ ସିଟ୍ ସଂଖ୍ୟାରେ ୫୦ ପ୍ରତିଶତ ବୃଦ୍ଧି ପ୍ରସ୍ତାବ ଏକ ଭ୍ରମ ଓ ଧୋକା। ଏପ୍ରିଲ ୧୬ ତାରିଖରେ ଲୋକସଭା ଡକାଇ ଏହି ବିଧେୟକକୁ ଗୃହୀତ କରିବାକୁ ଉଦ୍ୟମ କରାଯାଉଛି, ଯାହାଦ୍ୱାରା ନିର୍ବାଚନରେ ଅଂଶଗ୍ରହଣ କରିଥିବା ବିରୋଧୀଦଳ ସାଂସଦଙ୍କୁ ରୋକା ଯାଇପାରେ। ଚିଦାମ୍ବରମ କହିଛନ୍ତି ଯେ କଂଗ୍ରେସ ଅଥବା ଇଣ୍ଡିଆ ବ୍ଲକ୍ ନାରିଶକ୍ତି ବନ୍ଦନ ଅଧିନିୟମ ୨୦୨୩କୁ ବିରୋଧ କରନ୍ତିନି, ହେଲେ ସେମାନେ ଏହାକୁ ଲାଗୁ କରିବା ପାଇଁ ଯେପରି ତରବର ହେଉଛନ୍ତି ସେ ନେଇ ପ୍ରଶ୍ନ ଉଠାଇଛନ୍ତି।

ସେ କହିଛନ୍ତି ଯେ କଂଗ୍ରେସ ପାର୍ଟି ମହିଳାଙ୍କ ନିମନ୍ତେ ସଂରକ୍ଷଣକୁ ସମର୍ଥନ କରୁଛି, ଓ ଏହା ଦଳର ପ୍ରାଥମିକତା ମଧ୍ୟରେ ରହିଛି। ଇଣ୍ଡିଆ ମେଣ୍ଟ ୨୦୨୩ରେ ସଂରକ୍ଷଣ ବିଧେୟକକୁ ସମର୍ଥନ କରିଥିଲା। ୨୦୨୪ ସଂସଦୀୟ ନିର୍ବାଚନରେ କଂଗ୍ରେସ ୫୪୩ ଆସନରୁ ଏକ ତୃତୀୟାଂଶ ମହିଳାଙ୍କ ନିମନ୍ତେ ସଂରକ୍ଷଣ କରାଯାଉ ବୋଲି ଦାବି କରିଥିଲା। ହେଲେ ପାଖାପାଖି ୩୦ ମାସର ନିରବତା ପରେ ଏବେ ଅଚାନକ ଏହି ପ୍ରସଙ୍ଗ ଉଠା ଯାଉଛି।

ନାରୀ ଶକ୍ତି ବନ୍ଦନ ଅଧିନିୟମ ୨୦୨୩ରେ ମହିଳା ବିଧାୟକଙ୍କ ଲାଗି ୩୩ ପ୍ରତିଶତ ସଂରକ୍ଷଣର ପ୍ରାବଧାନ ରହିଛି, ଯାହା ଲୋକସଭାରେ ପରିସୀମନ ପ୍ରକ୍ରିୟା ସହ ସମ୍ପର୍କିତ। ସରକାର ୨୦୨୯ ସାଧାରଣ ନିର୍ବାଚନ ପୂର୍ବରୁ ମହିଳା ସଂରକ୍ଷଣ ଲାଗୁ କରିବାକୁ ଯୋଜନା କରିଛନ୍ତି। ଏଥି ଲାଗି ୨୦୨୩ ଅଧିନିୟମରେ ସଂଶୋଧନ ଓ ପରିସୀମନ ପ୍ରକ୍ରିୟାକୁ ୨୦୨୭ ଜନଗଣନାରୁ ପୃଥକ କରିବା ପାଇଁ ସାମ୍ବିଧାନିକ ସଂଶୋଧନ ଆଣିବା ପ୍ରସ୍ତୁତିରେ ଅଛନ୍ତି। ସୂତ୍ର ଅନୁସାରେ ସରକାର ଲୋକସଭାରେ ଆସନ ସଂଖ୍ୟା ବଢାଇ ୮୫୦ କରିବାକୁ ପ୍ରସ୍ତାବ ରଖିଛନ୍ତି। ଏଥିରୁ ୮୧୫ ଆସନ ରାଜ୍ୟମାନଙ୍କ ନିମନ୍ତେ ଓ ୩୨ କେନ୍ଦ୍ର ଶାସିତ ପ୍ରଦେଶଙ୍କ ଲାଗି ରହିବ। ଏବେ ଲୋକସଭାରେ ମୋଟ ଆସନ ସଂଖ୍ୟା ୫୪୩ ରହିଛି।