ବେଆଇନ ଋଣ ପ୍ରଦାନ ମାଧ୍ୟମରେ ବ୍ୟାଙ୍କଗୁଡ଼ିକୁ ବିପୁଳ କ୍ଷତି ପହଞ୍ଚାଇବା ଏବଂ ଦୁର୍ନୀତି ଅଭିଯୋଗରେ କେନ୍ଦ୍ରୀୟ ତଦନ୍ତକାରୀ ସଂସ୍ଥା 'ସିବିଆଇ' (CBI) ସୋମବାର ଦିନ ରିଲାଏନ୍ସ ଏଡିଏଜି (Reliance ADAG) ର ଦୁଇଜଣ ପୂର୍ବତନ ସିଇଓ (CEO) ଙ୍କୁ ଗିରଫ କରିଛି।

୧. ଗିରଫ ଅଧିକାରୀଙ୍କ ପରିଚୟ

ରିଲାଏନ୍ସ କମର୍ସିଆଲ୍ ଫାଇନାନ୍ସ ଲିମିଟେଡ୍ (RCFL) ର ପୂର୍ବତନ ନିର୍ଦ୍ଦେଶକ ତଥା ସିଇଓ ଦେବାଙ୍ଗ ମୋଦୀ। ରିଲାଏନ୍ସ ହୋମ୍ ଫାଇନାନ୍ସ ଲିମିଟେଡ୍ (RHFL) ର ପୂର୍ବତନ କାର୍ଯ୍ୟନିର୍ବାହୀ ନିର୍ଦ୍ଦେଶକ ତଥା ସିଇଓ ରବୀନ୍ଦ୍ର ସୁଧାଲକର।

୨. ରାଷ୍ଟ୍ରାୟତ୍ତ ବ୍ୟାଙ୍କଗୁଡ଼ିକୁ ୭,୬୨୩ କୋଟିର କ୍ଷତି

ଆରସିଏଫଏଲ୍ (RCFL) ମାମଲାରେ ୧୩ଟି ରାଷ୍ଟ୍ରାୟତ୍ତ ବ୍ୟାଙ୍କକୁ ମୋଟ୪,୦୯୭ କୋଟି ଟଙ୍କାରକ୍ଷତି ହୋଇଛି। ସେହିପରି ଆରଏଚଏଫଏଲ୍ (RHFL) ମାମଲାରେ ୧୦ଟି ରାଷ୍ଟ୍ରାୟତ୍ତ ବ୍ୟାଙ୍କର (PSBs) ମୋଟ୩,୫୨୬ କୋଟି ଟଙ୍କାରକ୍ଷତି ଘଟିଛି।

୩. କିପରି ହୋଇଥିଲା ଠକେଇ?

ଏପ୍ରିଲ୍ ୨୦୧୭ ରୁ ଡିସେମ୍ବର ୨୦୧୮ ପର୍ଯ୍ୟନ୍ତ ଆରସିଏଫଏଲ୍ (RCFL) ର ସିଇଓ ଥିବା ଦେବାଙ୍ଗ କମ୍ପାନୀର ମୁଖ୍ୟ ନିଷ୍ପତ୍ତି ନେଉଥିଲେ। ଭାରତୀୟ ରିଜର୍ଭ ବ୍ୟାଙ୍କ (RBI) ର ଗାଇଡଲାଇନ୍ ଏବଂ ରାଷ୍ଟ୍ରାୟତ୍ତ ବ୍ୟାଙ୍କର ଋଣ ସର୍ତ୍ତାବଳୀକୁ ଏହା ଉଲ୍ଲଂଘନ କରୁଛି ବୋଲି ଜାଣି ମଧ୍ୟ ସେ ବିଭିନ୍ନ ମଧ୍ୟସ୍ଥ ଏବଂ କଣ୍ଡୁଇଟ୍ (Conduit) କମ୍ପାନୀଗୁଡ଼ିକୁ ଋଣ ଅନୁମୋଦନ କରିଥିଲେ।ଅକ୍ଟୋବର ୨୦୧୬ ରୁ ମାର୍ଚ୍ଚ ୨୦୨୨ ପର୍ଯ୍ୟନ୍ତ ଆରଏଚଏଫଏଲ୍ (RHFL) ର କାର୍ଯ୍ୟନିର୍ବାହୀ ନିର୍ଦ୍ଦେଶକ ଓ ସିଇଓ ଥିବା ରବୀନ୍ଦ୍ର ମଧ୍ୟ ସମାନ ଭୁଲ୍ କରିଥିଲେ। ସେ ନିଜ କମ୍ପାନୀର ନୀତି, ଏନଏଚବି (NHB) ଏବଂ ଆରବିଆଇ (RBI) ନିୟମକୁ ଅଣଦେଖା କରି ଏକାଧିକ ମଧ୍ୟସ୍ଥ କମ୍ପାନୀକୁ ବେଆଇନ ଋଣ ପ୍ରଦାନ କରିଥିଲେ।

୪. ବେଆଇନ ଫଣ୍ଡ୍ ଟ୍ରାନ୍ସଫର୍

ଅଭିଯୁକ୍ତମାନେ ଆରସିଏଫଏଲ୍ ଏବଂ ଆରଏଚଏଫଏଲ୍ ଦ୍ୱାରା ବ୍ୟାଙ୍କରୁ ଅଣାଯାଇଥିବା ଋଣ ଅର୍ଥକୁ ରିଲାଏନ୍ସ ଏଡିଏ ଗ୍ରୁପ୍ (Reliance ADA Group) ର ଅନ୍ୟାନ୍ୟ କମ୍ପାନୀ ଯଥା- ରିଲାଏନ୍ସ କ୍ୟାପିଟାଲ୍ ଲିମିଟେଡ୍, ରିଲାଏନ୍ସ ଇନଫ୍ରାଷ୍ଟ୍ରକ୍ଚର୍ ଲିମିଟେଡ୍ ଏବଂ ରିଲାଏନ୍ସ ପାୱାର୍ ଲିମିଟେଡ୍ କୁ ବେଆଇନ ଭାବେ ପଠାଇଥିଲେ (Divert)। ଏହାଦ୍ୱାରା ଋଣ ଦେଇଥିବା ବ୍ୟାଙ୍କଗୁଡ଼ିକର ମିଳିତ ଭାବେ ୭,୬୨୩ କୋଟି ଟଙ୍କାର କ୍ଷତି ହୋଇଥିବା ବେଳେ ଅଭିଯୁକ୍ତମାନେ ଏବଂ ସେମାନଙ୍କ ସହ ଜଡ଼ିତ ସଂସ୍ଥାଗୁଡ଼ିକ ଏଥିରୁ ବେଆଇନ ଭାବେ ଲାଭବାନ ହୋଇଥିଲେ।