ଭୁବନେଶ୍ବର ୧।୮: ବନ୍ୟା ସ୍ଥିତି ଭିତରେ ଆଶ୍ବସ୍ତିକର ଖବର । ମହାନଦୀରେ ଆଉ ବନ୍ୟାର ଆଶଙ୍କା ନାହିଁ ଜଳ ସମ୍ପଦ ବିଭାଗ ସର୍ବୋଚ୍ଚ ଯନ୍ତ୍ରୀ ଦିଲ୍ଲୀପ ରାଉତ କହିଛନ୍ତି । ଦୁଇ ଦିନ ତଳେ ପିକ୍ ଫ୍ଲଡ୍ ଥିଲା ହେଲେ ଆଜି ହୀରାକୁଦ ବନ୍ଧ ଏକ ବଡ଼ ବନ୍ୟାକୁ ରୋକିଲା ବୋଲି ଜଳ ସମ୍ପଦ ସର୍ବୋଚ୍ଚ ଯନ୍ତ୍ରୀ କହିଛନ୍ତି ।

ହୀରାକୁଦରେ ୬୨୫ ଫୁଟ ପାଣି ଅଛି । ଉପରମୁଣ୍ଡରୁ ପାଣି ଫ୍ଲୋ କମିଛି ଶୁକ୍ରବାର ୨୨ଟି ଗେଟ୍ ଖୋଲାଥିଲା । ଦୁଇ ଦିନ ଯାଏଁ ଆଉ ଗେଟ୍ ବନ୍ଦ ହେବନି । ଆସନ୍ତା ୩ ତାରିଖରେ ୬୧୮ ଫୁଟକୁ ଖସିବ ଜଳସ୍ତର । ମୁଣ୍ଡଳୀରେ ଆଦୌ ବନ୍ୟା ନାହିଁ । ତେବେ ପୁରୀ, ଖୋର୍ଦ୍ଧା, ଜଗତସିଂହପୁର ଓ କେନ୍ଦ୍ରାପଡ଼ାରେ ଜଳବନ୍ଦୀ ପରିସ୍ଥିତି ଦେଖାଯିବ । ବର୍ଷା ନ ହେବା ଯାଏଁ ମହାନଦୀକୁ ଆଉ ବନ୍ୟା ନାହିଁ । ଛତିଶଗଡ କଲମାର ଗେଟ୍ ଖୋଲିଛି ହେଲେ ପାଣି କମୁଛି । ହୀରାକୁଦ ଜଳଭଣ୍ଡାରକୁ ୩ ଦିନ ଭିତରେ SOP ଅନୁସାରେ ଖାଲି କରାଯାଇ, ଆଉ ଏକ ବନ୍ୟା ପାଇଁ ପ୍ରସ୍ତୁତ ରଖାଯିବ ।

Also Read:- ବନ୍ୟାରେ ୮ ଲକ୍ଷ ଲୋକ ପ୍ରଭାବିତ, ପରବର୍ତ୍ତୀ ସ୍ବାସ୍ଥ୍ୟ ମୁକାବିଲା ପାଇଁ ସରକାର ପ୍ରସ୍ତୁତ

ବୈତରଣୀ ସମେତ ଅନ୍ୟ ସବୁ ନଦୀରେ ଜଳସ୍ତର କମୁଛି । ସବୁ ବିପଦ ସଂକେତ ତଳକୁ ଆସିଲାଣି । ମୋଟ୍ ୭ଟି ଘାଇ ହୋଇଛି, SRC ଅର୍ଥ ଦେଲେ ଦୁଇ ଦିନ ପରେ ମରାମତି କାମ ଆରମ୍ଭ ହେବ । ଆସନ୍ତା ବର୍ଷା ପୂର୍ବରୁ ଅସ୍ଥାୟୀ ମରାମତି ଶେଷ ହେବ । ଅଧିକ ବର୍ଷା ହେବାରୁ ଘାଇ ସୃଷ୍ଟି ହୋଇଛି ବୋଲି ସର୍ବୋଚ୍ଚ ଯନ୍ତ୍ରୀ କହିଛନ୍ତି ।