ଭୁବନେଶ୍ବର ୧।୮: ଆକାଶ ମାର୍ଗରୁ ବନ୍ୟା ସ୍ଥିତିର ସମୀକ୍ଷା କଲେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ବନ୍ୟା ଦ୍ବାରା ୮ ଲକ୍ଷ ଲୋକ ପ୍ରଭାବିତ ହୋଇଥିବା ନେଇ ସମୀକ୍ଷା ପରେ ସୂଚନା ଦେଲେ ମୁଖ୍ୟମନ୍ତ୍ରୀ ।

ମୁଖ୍ୟମନ୍ତ୍ରୀ କହିଛନ୍ତି ଯେ, ରାଜସ୍ଵ ମନ୍ତ୍ରୀ ଓ ସଚିବଙ୍କ ସହ ୫ ଜିଲ୍ଲାର ୧୨ରୁ ଅଧିକ ବ୍ଲକ୍ ଅନୁଧ୍ୟାନ କରିଛି । ଏହି ଅଞ୍ଚଳରେ ଅନେକ ଗାଁ ପାଣି ଘେରରେ । ନଦୀର ପାଣି କମୁଛି । ୨ ଦିନ ଭିତରେ ସ୍ଥିତି ନିୟନ୍ତ୍ରଣକୁ ଆସିବ । ସରକାରଙ୍କ ପକ୍ଷରୁ ତୀକ୍ଷ୍ଣ ନଜର ରଖାଯାଇଛି ।

ବନ୍ୟାରେ ୮ ଲକ୍ଷ ଲୋକ ପ୍ରଭାବିତ ଅଛନ୍ତି । ୨ ଲକ୍ଷ ୬୭ ହଜାର ଲୋକଙ୍କୁ ସ୍ଥାନାନ୍ତର କରାଯାଇଛି । ୭୦୦ ରିଲିଫ୍ ସେଣ୍ଟର କରାଯାଇଛି । ଡାକ୍ତରୀ ଟିମ୍ ଗ୍ରାଉଣ୍ଡରେ ଅଛନ୍ତି । SDRFରୁ ୨୬ କୋଟି ଟଙ୍କା ଦିଆଯାଇଛି । ରନ୍ଧା ଖାଦ୍ୟ ପରିବେଷଣ ହେଉଛି । ସମସ୍ତ ବ୍ୟବସ୍ଥା ହୋଇଛି । ପାଣି କମିଲା ପରେ ୭୨ ଘଣ୍ଟା ପରେ ଅଧିକାରୀ ରିପୋର୍ଟ ଦେବେ । ତୁରନ୍ତ ସହାୟତା ପ୍ରଦାନ କରାଯିବ ।

ଘାଇ, ରାସ୍ତା ତୁରନ୍ତ ମରାମତି କରାଯିବା ପାଇଁ ନିର୍ଦ୍ଦେଶ ଦିଆଯାଇଛି । ବନ୍ୟା ପରବର୍ତ୍ତୀ ପରିସ୍ଥିତିର ମୁକାବିଲା କରିବା ପାଇଁ ପ୍ରସ୍ତୁତି ଆରମ୍ଭ ହୋଇଛି । ରୋଗ କେମିତି ନ ବ୍ୟାପିବ କାମ କରିବାକୁ କୁହାଯାଇଛି । ବନ୍ୟାକୁ ଭଲ ଭାବରେ ମୁକାବିଲା କରାଯାଇଛି ।

ମହାନଦୀ ପାଣି ତଳକୁ ଆସିଛି । ସବୁ ଟିମ୍ ସଜାଗ ହୋଇଛନ୍ତି । କୃଷି ବିଭାଗକୁ କୁହାଯାଇଛି ଅକଳନ କରିବା ପାଇଁ । ପ୍ରାଥମିକ ଅକଳନ ପରେ ସବୁ ଜଣାପଡିବବୋଲି ମୁଖ୍ୟମନ୍ତ୍ରୀ କହିଛନ୍ତି ।