ନୂଆଦିଲ୍ଲୀ: ସୁପ୍ରିମକୋର୍ଟ ଗୁରୁବାର ମମତା ବାନାର୍ଜୀଙ୍କ ନେତୃତ୍ୱାଧୀନ ତୃଣ ମୂଳ କଂଗ୍ରେସ (ଟିଏମସି) ଗୋଷ୍ଠୀଙ୍କୁ ଝଟକା ଦେଇଛନ୍ତି। କୋର୍ଟ ଟିଏମସିର ସେହି ପିଟିନସକୁ ଅଗ୍ରାହ୍ୟ କରିଦେଇଛନ୍ତି ଯେଉଁଥିରେ ପାର୍ଟି ତାର ୪ଟି ଡେବିଟ୍-ଫ୍ରିଜ କରାଯାଇଥିବା ବ୍ୟାଙ୍କ ଆକାଉଣ୍ଟ ସଞ୍ଚାଳନ କରିବାକୁ ଅନୁମତି ମାଗିଥିଲା। ଏହା ସହିତ କୋର୍ଟ କୋଲକାତା ହାଇକୋର୍ଟର ସେହି ଆଦେଶରେ ହସ୍ତକ୍ଷେପ କରିବାକୁ ମନା କରିଦେଇଛନ୍ତି ଯେଉଁଥିରେ ପୂର୍ବରୁ ଦାବି ଅଗ୍ରାହ୍ୟ କରାଯାଇଥିଲା।

ମାମଲାର ଶୁଣାଣି କାଳରେ ସୁପ୍ରିମକୋର୍ଟଙ୍କ ବିଚାରପତି ଜଷ୍ଟିସ୍ ଏମ୍.ଏମ୍.ସୁନ୍ଦରେଶ ଓ ଜଷ୍ଟିସ୍ ପି.ବି. ବରାଳେଙ୍କ ବେଞ୍ଚ କହିଛନ୍ତି ଯେ ଯେହେତୁ ନିର୍ବାଚନ ଆୟୋଗ ପାର୍ଟିର ନିର୍ବାଚନ ଚିହ୍ନ ଜବତ କରିଛନ୍ତି ଓ ଖାତାରେ ଥିବା ପାଣ୍ଠିର ଅସଲ ହକଦାର କିଏ ଏହି ପ୍ରଶ୍ନ ଏବେବି କୋର୍ଟରେ ବିଚାରାଧୀନ ରହିଛି। ଏଣୁ ମାମଲାର ଗଭୀରତାକୁ ଯିବା ଲାଗି ବେଞ୍ଚ ମନା କରି ଦେଇଛନ୍ତି। ସୁପ୍ରିମକୋର୍ଟ କହିଛନ୍ତି ଯେ ଆମେ ଏହି ମାମଲାର ଗୁଣ-ଦୋଷକୁ ଯିବାକୁ ଟାହୁଁନୁ ଓ ଅନୁଚ୍ଛେଦ ୧୩୬ ଅନୁସାରେ ଆମେ ଆମ ଶକ୍ତିର ଉପଯୋଗ କରିବା ପକ୍ଷରେ ନାହୁଁ। ତେବେ ଆମେ କୋଲକାତା ହାଇକୋର୍ଟଙ୍କୁ ଅନୁରୋଧ କରୁଛୁ ଯେ ଏହି ମାମଲାର ଏବେ ଦ୍ରୁତ ଶୁଣାଣି କରନ୍ତୁ।

ଜାଣନ୍ତୁ ପୁରା ମାମଲା କ’ଣ?
ଉଲ୍ଲେଖଯୋଗ୍ୟ ଯେ ଟିଏମସି ପଶ୍ଚିମବଙ୍ଗ ପୋଲିସ ପକ୍ଷରୁ ପବ୍ଲିକ ସେକ୍ଟର ବ୍ୟାଙ୍କରେ ଫ୍ରିଜ କରାଯାଇଥିବା ନିଜର ୪ଟି ଖାତା ଚଲାଇବା ପାଇଁ ଅନୁମତି ମାଗିଥିଲା। ଏଥି ପାଇଁ ପାର୍ଟି ତର୍କ ଦେଇଥିଲା ଯେ ଏହି ଆକାଉଣ୍ଟ ଗୁଡିକୁ ଫ୍ରିଜ କରିବା ପାଇଁ ଏଫଆଇଆରରେ ପ୍ରକ୍ରିୟାଗତ ତ୍ରୁଟି ରହିଛି। ଏଣୁ କୋଲକାତା ହାଇକୋର୍ଟ ଗତ ଅଗଷ୍ଟ ୨୭ ତାରିଖରେ ସେହି ୪ ବ୍ୟାଙ୍କ ଖାତା ଯେଉଁଥିରେ ୮୦୪ କୋଟି ଟଙ୍କା ରହିଛି ତାକୁ ଚଳାଇବା ଲାଗି ଅନୁମତି ଦେବାକୁ ମନା କରିଥିଲେ। କୋର୍ଟ କହିଥିଲେ ଯେ ଏଥି ପାଇଁ ଅନୁମତି ଦେଲେ ପିଛିଲା ଆଦେଶ ଯେଉଁଥିରେ ପାର୍ଟିର ଦୈନନ୍ଦିନ ଖର୍ଚ୍ଚ ତୁଲେଇବାକୁ ରିହାତି ଦିଆଯାଇଥିଲା ତାହା ଦୁର୍ବଳ ହୋଇଯିବ।

ଇଡି କାର୍ଯ୍ୟାନୁଷ୍ଠାନ ଓ ମନିଲଣ୍ଡ୍ରିଂ ଅଭିଯୋଗ
ଅନ୍ୟପଟେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଏହି ମାମଲାରେ ମନିଲଣ୍ଡ୍ରିଂର ଯାଞ୍ଚ କରୁଛି। ଇଡି ଅଭିଯୋଗ କରିଛି ଯେ କୋଲକାତାସ୍ଥିତ ‘କେୟାରୱେଲ ଏଭିଏସନ’ ମାଧ୍ୟମରେ ପାର୍ଟି ଫଣ୍ଡରୁ ୧୬୦ କୋଟି ଟଙ୍କା ହେରଫେର କରାଯାଇଛି। ଏହି ମାମଲାର ଯାଞ୍ଚରେ ଇଡି ଏଚଡିଏଫସି ବ୍ୟାଙ୍କରେ ଟିଏମସିର ୩ଟି ଆକାଉଣ୍ଟରେ ଥିବା ୪୪୦ କୋଟି ଟଙ୍କା ଫ୍ରିଜ କରିଛି।