ନୂଆଦିଲ୍ଲୀ ୧୫।୧୧: ବାସ୍ତୁ ଶାସ୍ତ୍ରରେ କେବଳ ଦିଗଗୁଡ଼ିକର ମହତ୍ତ୍ୱ ବିଷୟରେ କୁହାଯାଇ ନାହିଁ, ବରଂ ଦୈନନ୍ଦିନ ଜୀବନରେ ଧ୍ୟାନ ରଖିବାକୁ ପଡ଼ୁଥିବା କିଛି ନିୟମ ମଧ୍ୟ ରହିଛି । ଏହି ନିୟମଗୁଡ଼ିକ ମଧ୍ୟରୁ ଗୋଟିଏ ହେଉଛି ସୂର୍ଯ୍ୟାସ୍ତ ପରେ କିଛି ନିର୍ଦ୍ଦିଷ୍ଟ ଜିନିଷ କିଣିବାରୁ ଦୂରେଇ ରହିବା ଉଚିତ୍ । ଯଦି ଆପଣ ସୂର୍ଯ୍ୟାସ୍ତ ପରେ ଏହିସବୁ ଜିନିଷ କିଣି ଘରକୁ ଆଣନ୍ତି, ତେବେ ଆପଣଙ୍କୁ ଗମ୍ଭୀର ଆର୍ଥିକ ଅସୁବିଧାର ସମ୍ମୁଖୀନ ହେବାକୁ ପଡ଼ିପାରେ ।

ଭୁଲ୍‌ରେ ବି କିଣନ୍ତୁ ନାହିଁ ଧାରୁଆ ଜିନିଷ:

ବାସ୍ତୁ ଶାସ୍ତ୍ର ଅନୁଯାୟୀ, ସୂର୍ଯ୍ୟାସ୍ତ ପରେ ଧାରୁଆ ବା ତୀକ୍ଷ୍ଣ ଜିନିଷ କିଣିବା ଏବଂ ଘରକୁ ଆଣିବା ଅଶୁଭ ବୋଲି ବିବେଚନା କରାଯାଏ। ତେଣୁ ସୂର୍ଯ୍ୟ, କଣ୍ଟା, କଇଁଚି ପରି ଜିନିଷ ଭୁଲରେ ବି ସୂର୍ଯ୍ୟାସ୍ତ ପରେ କିଣିବା ଉଚିତ୍ ନୁହେଁ । ଏହା କରିବା ଦ୍ୱାରା ଆପଣଙ୍କ ଆର୍ଥିକ ପ୍ରଗତି ବାଧାପ୍ରାପ୍ତ ହୋଇପାରେ ଏବଂ ମାନସିକ ଚାପ ମଧ୍ୟ ବୃଦ୍ଧି ପାଇପାରେ ।

ଝାଡ଼ୁ

ବାସ୍ତୁ ସହିତ ଧାର୍ମିକ ବିଶ୍ୱାସରେ ମଧ୍ୟ ଝାଡ଼ୁର ବହୁତ ବଡ଼ ମହତ୍ତ୍ୱ ରହିଛି । ଝାଡ଼ୁକୁ ମା' ଲକ୍ଷ୍ମୀଙ୍କ ସହିତ ତୁଳନା କରାଯାଏ । ବାସ୍ତୁଶାସ୍ତ୍ର ଅନୁସାରେ, ଧନତେରସ୍ ପର୍ବକୁ ଛାଡ଼ିଦେଲେ ଅନ୍ୟ କୌଣସି ଦିନ ସୂର୍ଯ୍ୟାସ୍ତ ପରେ ଝାଡ଼ୁ କିଣିବା ଉଚିତ୍ ନୁହେଁ । ଏଭଳି କଲେ ମା' ଲକ୍ଷ୍ମୀ ଅସନ୍ତୁଷ୍ଟ ହୋଇପାରନ୍ତି ଏବଂ ଘରକୁ ଧନଜନିତ ସମସ୍ୟା ଆସିପାରେ ।

ଲୁହା ଏବଂ ଲୁହାରେ ତିଆରି ସାମଗ୍ରୀ

ସୂର୍ଯ୍ୟାସ୍ତ ପରେ ଲୁହା ବା ଲୁହାରେ ପ୍ରସ୍ତୁତ କୌଣସି ଜିନିଷ କିଣିବା ଅନୁଚିତ୍ । ଲୁହା ହେଉଛି ଶନିଦେବଙ୍କ ଧାତୁ ଏବଂ ଶନିଦେବଙ୍କୁ ରାତିର ଦେବତା ଭାବେ ମଧ୍ଯ ବିବେଚନା କରାଯାଏ । ତେଣୁ ସୂର୍ଯ୍ୟାସ୍ତ ପରେ ଶନିଦେବଙ୍କ ପୂଜା କରିବା କିମ୍ବା ମନ୍ତ୍ର ଜପ କରିବା ଶୁଭ ହୋଇଥାଏ, କିନ୍ତୁ ଶନିଦେବଙ୍କ ଧାତୁ ଲୁହାକୁ କିଣି ଘରକୁ ଆଣିବା ବିପଦଜନକ ହୋଇପାରେ ।

ସୂର୍ଯ୍ୟାସ୍ତ ପରେ ସୋରିଷ ତେଲ କିଣିବାରୁ ଦୂରେଇ ରୁହନ୍ତୁ

ବାସ୍ତୁ ଶାସ୍ତ୍ର ଅନୁଯାୟୀ, ସୂର୍ଯ୍ୟାସ୍ତ ପରେ ସୋରିଷ ତେଲ କିଣି ଘରକୁ ଆଣିବା ଅନୁଚିତ୍। ଏଭଳି କଲେ ଆପଣ ଶନି ଦୋଷର ଶିକାର ହୋଇପାରନ୍ତି । ବିଶେଷକରି ଶନିବାର ଦିନ ଏହି ଭୁଲ ଆଦୌ କରିବେ ନାହିଁ ।

ଲୁଣ କିଣିବାଠାରୁ ଦୂରେଇ ରୁହନ୍ତୁ

ବାସ୍ତୁ ଶାସ୍ତ୍ର ଅନୁଯାୟୀ, ସୂର୍ଯ୍ୟାସ୍ତ ପରେ ଆପଣଙ୍କୁ ଲୁଣ କିଣିବାରୁ ମଧ୍ୟ ନିବୃତ୍ତ ରହିବା ଉଚିତ୍। ଯଦି ଆପଣ ସୂର୍ଯ୍ୟାସ୍ତ ପରେ ଲୁଣ କିଣି ଘରକୁ ଆଣନ୍ତି, ତେବେ ଘରେ ଋଣ ବୃଦ୍ଧି ପାଇପାରେ ଏବଂ ଆପଣ ଆର୍ଥିକ ଭାବେ ଦୁର୍ବଳ ହୋଇପାରନ୍ତି । ବାସ୍ତୁ ଅନୁଯାୟୀ ଏହାଦ୍ୱାରା ଆପଣଙ୍କ ଶେଷ ହେବାକୁ ଯାଉଥିବା ଭଲ କାମଗୁଡ଼ିକ ମଧ୍ୟ ବିଗିଡ଼ି ଯାଇପାରେ।