ନୂଆଦିଲ୍ଲୀ ୧୮।୦୭; ଦକ୍ଷିଣ-ପଶ୍ଚିମ ଚୀନ୍ ସହରରେ ଭୂସ୍ଖଳନ। ଏଥିରେ ୮ ଜଣଙ୍କର ମୃତ୍ୟୁ ଘଟିଛି ଏବଂ ୩୪ ଜଣ ନିଖୋଜ ଅଛନ୍ତି। ଅନେକ କୋଠା ଭଗ୍ନାବଶେଷ ତଳେ ଚାପି ହୋଇଯାଇଛି। ୧୧୦୦ ରୁ ଅଧିକ ଲୋକଙ୍କୁ ସ୍ଥାନାନ୍ତର କରାଯାଇଥିଲା। ୧୦ ଜଣଙ୍କୁ ଜୀବିତ ଉଦ୍ଧାର କରାଯାଇଛି, ସେମାନଙ୍କ ମଧ୍ୟରୁ ଦୁଇଜଣଙ୍କ ଅବସ୍ଥା ଗୁରୁତର ରହିଛି। ରାଷ୍ଟ୍ରାୟତ୍ତ ପ୍ରସାରକ ସିସିଟିଭି ରିପୋର୍ଟ କରିଛି ଯେ ସ୍ଥାନୀୟ ସମୟ ପ୍ରାୟ ସକାଳ ୯:୦୮ ସମୟରେ, ଚୋଙ୍ଗକିଙ୍ଗ୍ର ପେଙ୍ଗସୁଇ କାଉଣ୍ଟିରେ ପାହାଡ଼ ତଳକୁ ପଥର ଓ କାଦୁଅ ଖସି ପଡ଼ିଥିଲା, ଯାହା ଫଳରେ ୧୦ ରୁ ଅଧିକ ଆବାସିକ କୋଠା ଭଗ୍ନାବଶେଷ ତଳେ ଚାପି ହୋଇଯାଇଥିଲା।

ଫସିଥିବା ଲୋକଙ୍କୁ ଚାଲିଛି ଉଦ୍ଧାର

ପୁଣି ବିଭ୍ରାଟକୁ ରୋକିବା ପାଇଁ ଭୂସ୍ଖଳନ ସ୍ଥାନର ଏକ କିଲୋମିଟର ପରିଧି ମଧ୍ୟରେ ପାଣି, ବିଦ୍ୟୁତ୍ ଏବଂ ଗ୍ୟାସ୍ ଯୋଗାଣ ବନ୍ଦ କରିଦିଆଯାଇଥିଲା। ଘଟଣାସ୍ଥଳରେ ୮୦୦ ରୁ ଅଧିକ ଉଦ୍ଧାରକାରୀ ଉପସ୍ଥିତ ଥିଲେ। ପର୍ବତର ଏକ ଅଂଶ ଆବାସିକ ଅଞ୍ଚଳରେ ପଡ଼ିଥିବା ଦେଖାଯାଇଥିଲା। ଭୂସ୍ଖଳନ ସ୍ଥାନ ନିକଟରେ ଅନେକ କୋଠା ଅବସ୍ଥିତ ଥିଲା।

ତଦନ୍ତ ନିର୍ଦ୍ଦେଶ ଦେଲେ ରାଷ୍ଟ୍ରପତି ସି ଜିନପିଙ୍ଗ

ଭୂସ୍ଖଳନ ଏତେ ଶକ୍ତିଶାଳୀ ଥିଲା ଯେ କିଛି ଲୋକ ଖସି ଯାଇପାରିଲେ ନାହିଁ ଏବଂ ଭଗ୍ନାବଶେଷ ତଳେ ଫସି ରହିଲେ। ଚୀନ୍ ରାଷ୍ଟ୍ରପତି ସି ଜିନପିଙ୍ଗ ତଦନ୍ତ ନିର୍ଦ୍ଦେଶ ଦେଇଛନ୍ତି। ଭଗ୍ନାବଶେଷ ତଳେ ଫସି ରହିଥିବା ୧୮ ଜଣଙ୍କୁ ଉଦ୍ଧାର କରାଯାଇଛି। ୦ ରୁ ଅଧିକ ଆବାସିକ କୋଠା ପୋତି ଦେଇଛି।

ବିଦ୍ୟୁତ୍, ପାଣି ଏବଂ ଗ୍ୟାସ୍ ଯୋଗାଣ ବିଚ୍ଛିନ୍ନ ହୋଇଛି

ଭୁସ୍ଖଳନ ସ୍ଥାନରୁ ଏକ କିଲୋମିଟର ବ୍ୟାସାର୍ଦ୍ଧ ମଧ୍ୟରେ ବିଦ୍ୟୁତ୍, ପାଣି ଏବଂ ଗ୍ୟାସ୍ ଯୋଗାଣ ବିଚ୍ଛିନ୍ନ କରାଯାଇଛି। ବିଦ୍ୟୁତ୍ ତାର ଛିଡି ଯାଇଛି। ଭଗ୍ନାବଶେଷ ତଳେ ପୋତି ହୋଇଥିବା ଅଞ୍ଚଳ ନିକଟରେ ଅନେକ କୋଠା ଅବସ୍ଥିତ। ଉଦ୍ଧାର ଦଳ ଭଗ୍ନାବଶେଷ ଖୋଜୁଛନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, ୮୦୦ ରୁ ଅଧିକ ଉଦ୍ଧାରକାରୀ ସାମିଲ ଅଛନ୍ତି। ପ୍ରାୟ ୫ ଏବଂ ୧୫ ମହଲା ଉଚ୍ଚ ଦୁଇଟି କୋଠା କ୍ଷତିଗ୍ରସ୍ତ ହୋଇଛି। ଏହି ଅଞ୍ଚଳକୁ ୮,୦୦୦ ରୁ ଅଧିକ ରିଲିଫ୍ ସାମଗ୍ରୀ ପଠାଯାଇଛି