ନୂଆଦିଲ୍ଲୀ ୦୫।୦୩; ଦକ୍ଷିଣ ଭାରତୀୟ ସିନେମାର ସବୁଠାରୁ ପପୁଲା କପଲ ରଶ୍ମିକା ଏବଂ ବିଜୟ । ଫେବୃଆରୀ ୨୬ ତାରିଖରେ ଉଦୟପୁରରେ ବିବାହ ବନ୍ଧନରେ ଆବଦ୍ଧ ହୋଇଥିଲେ। ଏହି ଦମ୍ପତିଙ୍କ ରିସେପ୍ସନ ମାର୍ଚ୍ଚ ୪ ତାରିଖରେ ହାଇଦ୍ରାବାଦରେ ହୋଇଥିଲା। ଏହି କାର୍ଯ୍ୟକ୍ରମରେ ଦକ୍ଷିଣ ଭାରତୀୟ ଫିଲ୍ମ ଶିଳ୍ପର ଅନେକ ସେଲିବ୍ରିଟି ସାମିଲ ହୋଇଥିଲେ।

ମେଗାଷ୍ଟାର ଚିରଞ୍ଜିବୀ ରିସେପ୍ସନ ପାଇଁ ଏକ କ୍ଲାସିକ୍ ଗାଢ଼ ବ୍ଲୁ ସୁଟ୍ ଏବଂ ଫର୍ମାଲ୍ ଚଷମା ପିନ୍ଧି ତାଙ୍କର ଲୁକ୍ ଦେଖାଇଥିଲେ । ରିସେପ୍ସନ ସମୟରେ ଅଭିନେତା ବହୁତ ଖୁସି ଥିବା ଦେଖାଯାଉଥିଲେ।

ଅଭିନେତା ନାଗାର୍ଜୁନ ତାଙ୍କ ପରିବାର ସହିତ ରିସେପ୍ସନରେ ପହଞ୍ଚିଥିଲେ। ନାଗାର୍ଜୁନ ଏକ ପ୍ରିଣ୍ଟେଡ୍ ସାର୍ଟ ଏବଂ ବ୍ଲେଜରରେ ଚମତ୍କାର ଦେଖାଯାଉଥିଲେ। ଗ୍ରେ ସୁଟ୍ ପିନ୍ଧିଥିବା ନାଗା ଚୈତନ୍ୟ ଏବଂ ଲାଇଟ ବ୍ଲୁ ଶାଢ଼ି ପିନ୍ଧିଥିବା ଅମଲା ସେମାନଙ୍କର ସରଳତାରେ ସମସ୍ତଙ୍କୁ ମୋହିତ କରିଥିଲେ।

ଦକ୍ଷିଣ ଭାରତୀୟ ଫିଲ୍ମ ଶିଳ୍ପର ଜଣେ ଜଣାଶୁଣା ଅଭିନେତା ଭେଙ୍କଟେଶ୍ ଦଗ୍ଗୁବତି ମଧ୍ୟ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ। ଭେଙ୍କଟେଶ୍ ଧଳା ଟି-ସାର୍ଟ ଏବଂ କଳା ବ୍ଲେଜର ସହିତ ଏକ କୁଲ୍, ଲୁକ୍ ବାଛିଥିଲେ।