ପୁରୀ ୨।୪: ଆସନ୍ତା ୨୦ ତାରିଖରେ ପବିତ୍ର ଚନ୍ଦନ ଯାତ୍ରା । ନରେନ୍ଦ୍ର ସରୋବରରୁ ବାହାରିଲା ୫ଟି ଡଙ୍ଗା । ନନ୍ଦା, ଭଦ୍ରା, ବୈଜୟନ୍ତୀ,ବିମଳା ଓ ମଙ୍ଗଳା୫ଟି ଡଙ୍ଗା କଢ଼ାଯାଇଛି । ଡଙ୍ଗାରେ ଚାପ ଖେଳିବେ ମହାପ୍ରଭୁ ଶ୍ରୀଜଗନ୍ନାଥ । ପାଣି ଭିତରେ ପୋତା ହୋଇଥିବା ଡଙ୍ଗା କାଢ଼ିଛନ୍ତି ଭୋଇ ସେବକ ।

ପବିତ୍ର ଚୈତ୍ର ପୂର୍ଣ୍ଣିମାରୁ ମହାପ୍ରଭୁଙ୍କ ଚନ୍ଦନ ଯାତ୍ରା ପ୍ରସ୍ତୁତି ଆରମ୍ଭ ହୋଇଛି । ବର୍ଷ ତମାମ ନରେନ୍ଦ୍ର ପୁଷ୍କରିଣୀରେ ପୋତାହୋଇ ରହିଥିବା ନନ୍ଦା, ଭଦ୍ରା, ବୈଜୟନ୍ତୀ, ବିମଳା ଓ ମଙ୍ଗଳା ଡଙ୍ଗାକୁ ପାଣିରୁ ବାହାର କରାଯାଇଛି । ଏସବୁ ଡଙ୍ଗାରୁ ଭୋଇ ସେବକ ମାନେ ପାଣିରୁ କାଢ଼ିଛନ୍ତି । ମାନବ ରୂପରେ ଲୀଳାଖେଳା କରୁଥିବା ମହାପ୍ରଭୁ ଅତ୍ୟଧିକ ଗରମ ଲାଘବ ପାଇଁ ଚାପ ଖେଳିଥାନ୍ତି ।

​​​​​​​Also Read:- ଅପେରା ଦେଖି ଘରକୁ ଫେରୁଥିଲେ ; ରାସ୍ତାରେ ଅଟକାଇଲେ, ଧାରୁଆ ଅସ୍ତ୍ରରେ ମୁଣ୍ଡକୁ ହାଣିଦେଲେ

ମହାପ୍ରଭୁ ୨୧ ଦିନ ଧରି ନରେନ୍ଦ୍ର ପୁଷ୍କରିଣୀରେ ଚନ୍ଦନ ଚାପ ଖେଳିଥାନ୍ତି । ମହାପ୍ରଭୁ ନୌକା ବିହାର କରୁଥିବା ଡଙ୍ଗାଗୁଡ଼ିକୁ ପାଣିରୁ କଢ଼ାଯାଇ ଆବଶ୍ୟକୀୟ ମରାମତି କରାଯାଏ । ଏହାପରେ ଏହାକୁ ରଙ୍ଗ କରାଯାଏ । ତାପରେ ଏଥିରେ ଚାପ ଖେଳନ୍ତି ମହାପ୍ରଭୁ ।