ନୂଆଦିଲ୍ଲୀ: ୨୨ ଏପ୍ରିଲ୍, ୨୦୨୫ । ଦୋହଲିଯାଇଥିଲା ସାରା ବିଶ୍ୱ । କାରଣ ଭାରତର ପହଲଗାମ୍ରେ ହୋଇଥିଲା ଆତଙ୍କୀ ହମଲା । ଯେଉଁଥିରେ ପ୍ରାଣ ହରାଇଥିଲେ ୨୬ ନୀରିହ ବ୍ୟକ୍ତି । ଏହାର ଜବାବରେ ଭାରତ ୭ ମେ ଆରମ୍ଭ କରିଥିଲେ ଅପରେସନ୍ ସିନ୍ଦୂର । ଭାରତ ପାକିସ୍ତାନ ଓ ପାକ୍ ଅଧିକୃତ କାଶ୍ମୀର (ପିଓକେ)ରେ ଥିବା ଲସ୍କର-ଏ-ତୈବା, ଜୈଶ-ଏ-ମହମ୍ମଦ ଏବଂ ହିଜବୁଲ ମୁଜାହିଦ୍ଦିନ୍ ଘାଟିକୁ ଟାର୍ଗେଟ କରିଥିଲା । ଏହି ଆକ୍ରମଣ ହାଫିଜ୍ ସୟିଦ ଓ ମାସୁର ଅଜହରଙ୍କ ଆତଙ୍କବାଦୀ ସାମ୍ରାଜ୍ୟକୁ ମାଟିରେ ମିଶାଇଥିଲା । ତେବେ ଆଜି ବି ଗୋଟିଏ ବର୍ଷ ପରେ, ଅପରେସନ ସିନ୍ଦୂର ଭୟରେ ସେମାନେ । ଖୋଲାଖୋଲି ଭାବରେ ସାମ୍ନାକୁ ନଆସି ଲୁଚି ରହୁଛନ୍ତି ଅଣ୍ଡରଗ୍ରାଉଣ୍ଡ ହୋଇ ।

ଅପରେସନ୍ ସିନ୍ଦୂରରେ କ’ଣ କ୍ଷତି?

ଭାରତ ଅପରେସନ୍ ସିନ୍ଦୂରରେ ନଅଟି ଆତଙ୍କବାଦୀ ଆଡ୍ଡାକୁ ନଷ୍ଟ କରିଥିଲା । ସବୁଠାରୁ ଗୁରୁତ୍ୱପୂର୍ଣ୍ଣ ଟାର୍ଗେଟ୍ ମଧ୍ୟରୁ ଗୋଟିଏ ଥିଲା ମୁରିଦକେ । ଯାହା ଲାହୋରରୁ ପ୍ରାୟ ୪୦ କିଲୋମିଟର ଦୂରରେ ଅବସ୍ଥିତ । ଏହା ଲସ୍କର-ଏ-ତୈବା (LeT)ର ମୁଖ୍ୟାଳୟ ଥିଲା । ଯେଉଁଠାରେ ୨୦୦ ଏକର ପରିମିତ କ୍ୟାମ୍ପସ୍ ମଧ୍ୟ ଥିଲା । ଯେଉଁଠାରେ ଆତଙ୍କବାଦୀ ତାଲିମ ମଧ୍ୟ ଦିଆଯାଉଥିଲା। ଆଉ ଏକ ପ୍ରମୁଖ ଟାର୍ଗେଟ୍ ଥିଲା ବାହାୱାଲପୁର । ଯାହା ଲାହୋରରୁ ପ୍ରାୟ ୪୦୦ କିଲୋମିଟର ଦୂରରେ ଅବସ୍ଥିତ । ଜୈଶ-ଏ-ମହମ୍ମଦ (JeM)ର ଏକ ଗଡ଼, ଯେଉଁଠାରେ କୁଖ୍ୟାତ ଜାମିଆ ମସଜିଦ୍ ସୁଭାନ ଆଲ୍ଲାହ କ୍ୟାମ୍ପସ୍ ଅବସ୍ଥିତ।

ମାସୁଦ ଆଝାର ସହିତ ଜଡିତ ଏକ ମଦ୍ରାସାକୁ ମଧ୍ୟ ଗୋଟିଏ କ୍ଷେପଣାସ୍ତ୍ର ଦ୍ୱାରା ଟାର୍ଗେଟ କରାଯାଇଥିଲା । ପାକିସ୍ତାନୀ ଗଣମାଧ୍ୟମ ରିପୋର୍ଟ କରିଛି ଯେ ମାସୁଦ ଆଝାର ନିଜେ ଅପରେସନ ସିନ୍ଦୁରରେ ପରିବାରର ୧୦ ଜଣ ସଦସ୍ୟଙ୍କୁ ହରାଇବା ସ୍ୱୀକାର କରିଛନ୍ତି । ଭାରତ ପିଓକେର କୋଟଲି ଓ ମୁଜାଫରାବାଦରେ ମଧ୍ୟ ଗୁପ୍ତ ଆଡ୍ଡାଗୁଡ଼ିକୁ ଧ୍ୱଂସ କରିଛି।

ଶେଷ ଥର ପାଇଁ କେଉଁଠି ନଜର ଆସିଥିଲା ମସୁଦ ଆଝାର?

ପହଲଗାମ ଆକ୍ରମଣ ପରେ ମସୁଦ ଆଝାର ବାହାବଲପୁରରେ ଥିଲା । ଅପରେସନ ସିନ୍ଦୁର ପରେ ତୁରନ୍ତ ତାଙ୍କୁ ବାହାବଲପୁରରୁ ବାହାର କରି ଗିଲଗିଟ-ବାଲ୍ଟିସ୍ତାନକୁ ନିଆଯାଇଥିଲା, ଯାହା ତାଙ୍କର ପୂର୍ବ ଆଡ୍ଡାସ୍ଥଳୀରୁ ପ୍ରାୟ ୧,୨୦୦ କିଲୋମିଟର ଦୂରରେ ଥିଲା। ଜୁଲାଇ ୨୦୨୫ରେ ସ୍କାର୍ଡୁରେ ପ୍ରାୟ ୨୦ ଦିନ ବିତାଇଥିଲେ । ଯେଉଁଠାରେ ତାଙ୍କୁ ଦୁଇଟି ଭିନ୍ନ ମସଜିଦରେ ରଖାଯାଇଥିଲା ।

ତା'ପରେ ତାଙ୍କୁ ଏକ ମଦ୍ରାସା, ଏକ ସରକାରୀ ଅତିଥି ଗୃହ ଓ ପରେ ଏକ ଘରୋଇ ଅତିଥି ଗୃହରେ ରଖାଯାଇଥିଲା। ପାକିସ୍ତାନର ପୂର୍ବତନ ବୈଦେଶିକ ମନ୍ତ୍ରୀ ବିଲାୱଲ ଭୁଟ୍ଟୋ ଜର୍ଦ୍ଦାରୀ ଜୁଲାଇ ୨୦୨୫ରେ ଅଲ ଜଜିରା ସହିତ ଏକ ସାକ୍ଷାତକାରରେ ଦାବି କରିଥିଲେ ଯେ ଆଝାର ପାକିସ୍ତାନରେ ନଥିଲା ଓ ସମ୍ଭବତଃ ଆଫଗାନିସ୍ତାନ ଯାଇଥିଲା। ତଥାପି, ଅନେକ ଗଣମାଧ୍ୟମ ରିପୋର୍ଟ ଅନୁସାରେ, ତାଙ୍କୁ ପରେ ସ୍କାର୍ଡୁରେ ଦେଖାଯାଇଥିଲା।

ଶେଷ ଥର ପାଇଁ କେଉଁଠି ନଜର ଆସିଥିଲା ହାଫିଜ ?

ଅପରେସନ ସିନ୍ଦୁର ପୂର୍ବରୁ, ହାଫିଜ ସୟିଦକୁ ଲାହୋରର ଏକ ଘନ ଜନବହୁଳ ଅଞ୍ଚଳ ଜୋହର ଟାଉନରେ ଦେଖାଯାଇଥିଲା । ରିପୋର୍ଟ ଅନୁସାରେ, ସେଠାରେ ତାଙ୍କ ଘର ଏକ ସବ-ଜେଲରେ ପରିଣତ କରାଯାଇଥିଲା । ଅପରେସନ ସିନ୍ଦୁର ପରେ ସେ ଇସଲାମାବାଦରେ କିଛି ଦିନ ମଧ୍ୟ ବିତାଇଥିଲେ । ପାକିସ୍ତାନ ଦାବି କରୁଛି ଯେ ହାଫିଜ୍ ସୟିଦ ଆତଙ୍କବାଦ ପାଇଁ ଆର୍ଥିକ ସହାୟତା ପାଇଁ ୨୦୧୯ ମସିହାରୁ ୪୬ ବର୍ଷ ଜେଲ ଦଣ୍ଡ ଭୋଗୁଛନ୍ତି ।

Also Read...'କିଛି ସୀମା କେବେବି ଉଲ୍ଲଙ୍ଘନ କରିବା ଉଚିତ୍ ନୁହେଁ', ପାକିସ୍ତାନକୁ ଅଲଟିମେଟମ୍ ଦେଲା ସେନା

କିନ୍ତୁ ଫେବୃଆରୀ ୨୦୨୫ ସୁଦ୍ଧା ତାଙ୍କୁ ୨୦ ଥରରୁ ଅଧିକ ଥର ସାଧାରଣରେ ଦେଖାଯାଇଛି।ବିଲାୱଲ୍ ଜୁଲାଇ ୨୦୨୫ରେ ନ୍ୟୁୟର୍କ ଟାଇମ୍ସର ଏକ ରିପୋର୍ଟର ମଧ୍ୟ ଜବାବ ଦେଇଥିଲେ । ଯେଉଁଥିରେ ଦାବି କରାଯାଇଥିଲା ଯେ ହାଫିଜ୍ ସୟିଦ ମୁକ୍ତ ଭାବରେ ବୁଲୁଛନ୍ତି। ବିଲାୱଲ୍ କହିଥିଲେ ଯେ ହାଫିଜ୍ ପାକିସ୍ତାନ ସରକାରଙ୍କ ହେପାଜତରେ ଅଛି । ସେ ଏହା ମଧ୍ୟ କହିଥିଲେ ଯେ ଯଦି ଉଭୟ ଦେଶ ଏହି ପ୍ରକ୍ରିୟାରେ ସହଯୋଗ କରନ୍ତି ତେବେ ପାକିସ୍ତାନ ହାଫିଜ୍ ସଇଦ ଏବଂ ମାସୁଦ୍ ଆଝାରଙ୍କୁ ଭାରତକୁ ହସ୍ତାନ୍ତର କରିବାକୁ ପ୍ରସ୍ତୁତ। ହାଫିଜ୍ର ପୁଅ ତଲହା ସଇଦ ବିଲାୱାଲଙ୍କ ବୟାନ ଉପରେ ଅସନ୍ତୋଷ ପ୍ରକାଶ କରିଛନ୍ତି।

ମାସୁଦ୍ ଆଝାର ଏବଂ ହାଫିଜ୍ ସୟିଦ ଏବେ କେଉଁଠି?

ଗୁଇନ୍ଦା ରିପୋର୍ଟ କୁହେ, ଉଭୟ ଆତଙ୍କବାଦୀ ନେତାଙ୍କୁ ରାୱଲପିଣ୍ଡି, କରାଚୀ ଓ ଲାହୋର ମଧ୍ୟରେ ଅନେକ ଥର ସ୍ଥାନାନ୍ତର କରାଯାଇଛି । ଆଇଏସଆଇ ସେମାନଙ୍କୁ ବିଭିନ୍ନ ନିରାପଦ ଗୃହ ମଧ୍ୟରେ ସ୍ଥାନାନ୍ତର କରିଚାଲିଛି । ଅନ୍ତର୍ଜାତୀୟ ଚାପ ସତ୍ତ୍ୱେ, ଉଭୟ ଆଇଏସଆଇ ଏବଂ ପାକିସ୍ତାନ ସରକାରଙ୍କ ସୁରକ୍ଷାରେ ରହିଛନ୍ତି । ତଥାପି, ଭାରତର ଭୟରେ ସେମାନେ ଲୁଚି ରହିଛନ୍ତି। ଭାରତୀୟ ସୁରକ୍ଷା ଏଜେନ୍ସିଗୁଡ଼ିକ ଉଭୟଙ୍କ ଉପରେ କଡ଼ା ନଜର ରଖିଛନ୍ତି।