ନୂଆଦିଲ୍ଲୀ: ଭାରତୀୟ ଅଲିମ୍ପିକ୍ ଷ୍ଟାର ନୀରଜ ଚୋପ୍ରା ଜାନୁଆରୀ ୨୦୨୫ରେ ହିମାନୀ ମୋରଙ୍କୁ ବିବାହ କରିଥିଲେ। ଏବେ ୧୧ ମାସ ପରେ, ଏହି ଦମ୍ପତି ଏକ ଭବ୍ୟ ରିସେପ୍ସନର ଆୟୋଜନ କରିଥିଲେ। ସେମାନେ ଡିସେମ୍ବର ୨୫ ରେ କର୍ଣ୍ଣାଲରେ ଏକ ରିସେପ୍ସନର ଆୟୋଜନ କରିଥିଲେ । ଏହାପରେ ଡିସେମ୍ବର ୨୭ ରେ ନୂଆଦିଲ୍ଲୀରେ ଆଉ ଏକ ଭବ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ ଏବଂ ନୀରଜ ଓ ହିମାନୀଙ୍କ ସହିତ ଫଟୋ ମଧ୍ୟ ଉଠାଇଥିଲେ। ଏହି ଫଟୋଗୁଡ଼ିକ ସୋସିଆଲ ମିଡିଆରେ ଲୋକଙ୍କ ଦୃଷ୍ଟି ଆକର୍ଷଣ କରିଛି ।

କିଛି ଦିନ ପୂର୍ବରୁ ପ୍ରଧାନମନ୍ତ୍ରୀ ମୋଦୀ ଲୋକ କଲ୍ୟାଣ ମାର୍ଗ ସ୍ଥିତ ତାଙ୍କ ବାସଭବନରେ ଦମ୍ପତିଙ୍କୁ ଆତିଥ୍ୟ ପ୍ରଦାନ କରିଥିଲେ । ଡିସେମ୍ବର ୨୭ ତାରିଖରେ, ସେ ନୂଆଦିଲ୍ଲୀର ଦି ଲୀଲା ପ୍ୟାଲେସରେ ଆୟୋଜିତ ଉତ୍ସବରେ ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ। ସେ ପୂର୍ବରୁ କର୍ଣ୍ଣାଲରେ ହୋଇଥିବା ସ୍ୱାଗତ ଉତ୍ସବରେ ମଧ୍ୟ ଯୋଗ ଦେଇଥିଲେ । ଯେଉଁଠାରେ ପ୍ରଧାନମନ୍ତ୍ରୀ ମୋଦୀ ଦମ୍ପତିଙ୍କୁ ଭଗବାନ ରାମଙ୍କ ଏକ ପ୍ରତିମୂର୍ତ୍ତି ପ୍ରଦାନ କରିଥିଲେ। କର୍ଣ୍ଣାଲରେ ଯେବେ ଏହି କାର୍ଯ୍ୟକ୍ରମ ଆୟୋଜିତ ହୋଇଥିଲା, ହରିୟାଣା ମୁଖ୍ୟମନ୍ତ୍ରୀ ନାୟବ ସିଂହ ସାଇନିଙ୍କ ସମେତ ଅନେକ ବଡ଼ ନେତା ଏଥିରେ ଅଂଶଗ୍ରହଣ କରିଥିଲେ।

 

ନୀରଜ ଚୋପ୍ରାଙ୍କ ପତ୍ନୀ ହିମାନୀ ମୋର ମଧ୍ୟ କ୍ରୀଡା କ୍ଷେତ୍ରରୁ ଆସିଛନ୍ତି। ସେ ସୋନିପତର ବାସିନ୍ଦା ଏବଂ ପୂର୍ବତନ ଟେନିସ୍ ଖେଳାଳି । ଗଣମାଧ୍ୟମ ରିପୋର୍ଟ ଅନୁଯାୟୀ, ସେ ବର୍ତ୍ତମାନ କ୍ରୀଡା ପରିଚାଳନା କ୍ଷେତ୍ରରେ କାମ କରୁଛନ୍ତି । ସେ ୨୦୧୭ ବିଶ୍ୱ ବିଶ୍ୱବିଦ୍ୟାଳୟ କ୍ରୀଡାରେ ଭାରତକୁ ପ୍ରତିନିଧିତ୍ୱ କରିଥିଲେ ଏବଂ ୨୦୧୬ ବିଶ୍ୱ ଜୁନିଅର ଟେନିସ୍ ଚାମ୍ପିଅନସିପରେ ସ୍ୱର୍ଣ୍ଣ ପଦକ ଜିତିଥିଲେ। ୨୦୧୮ରେ, ସେ ଭାରତର ସିଙ୍ଗଲ୍ସ ରାଙ୍କିଙ୍ଗରେ ୪୨ତମ ଏବଂ ଡବଲ୍ସରେ ୨୭ତମ ସ୍ଥାନରେ ଥିଲେ ।

ଜାଭେଲିନ୍ ଥ୍ରୋ ଷ୍ଟାର ନୀରଜ ଚୋପ୍ରା ଅଲିମ୍ପିକ୍ ଗେମ୍ସରେ ଦୁଇଟି ପଦକ ଜିତିଛନ୍ତି। ସେ ୨୦୨୦ ଟୋକିଓ ଅଲିମ୍ପିକରେ ସ୍ୱର୍ଣ୍ଣ ଜିତିଥିଲେ । ୨୦୨୪ ପ୍ୟାରିସ୍ ଅଲିମ୍ପିକରେ ରୌପ୍ୟ ପଦକରେ ସନ୍ତୁଷ୍ଟ ହୋଇଥିଲେ ନୀରଜ ଚୋପ୍ରା।