ମାଥିଲି ୦୪।୧୧ : ମାଲକାନଗିରିରେ ପୁଣି ଭୂସ୍ଖଳନ ଆତଙ୍କ । ମାଥିଲି ବ୍ଲକର ନାଏକଗୁଡ଼ା ଅଞ୍ଚଳରେ ଭୂସ୍ଖଳନ ଯୋଗୁଁ ପାହାଡ଼ରୁ ଖସିଛି ଏକ ବିରାଟ ପଥର । ଅଳ୍ପକେ ବର୍ତ୍ତିଯାଇଛି ପୁରୀଗୁଡ଼ା ଗାଁ । ଲଗାଣ ବର୍ଷା ଯୋଗୁଁ ପାହାଡ଼ର ମାଟି ଓ ପଥର ଧସିଥିବା ଆଶଙ୍କା କରାଯାଉଛି । ଘଟଣାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଭୟର ବାତାବରଣ ।

ବାତ୍ୟା ଅର୍ଣ୍ଣବ ପାଇଁ ଦକ୍ଷିଣ ଓଡ଼ିଶାର ଅନେକ ଜିଲ୍ଲାରେ ଭୁସ୍ଖଳନ ହୋଇଛି । ଖାସ କରି ଗଞ୍ଜାମ ଗିଡିପାବାଲିରେ ଭୟଙ୍କର ଭୁସ୍ଖଳନ ହୋଇଛି । ଯେଉଁଥିରେ ୧୧ ଜଣ ଏବେବି ନିଖୋଜ ଅଛନ୍ତି । ତିନି ଦିନ ଧରି ଚାଲିଥିବା ଉଦ୍ଧାର କାର୍ଯ୍ୟକୁ ଶେଷରେ କିଛି ସମୟ ପାଇଁ ବନ୍ଦ କରାଯାଇଛି । ସେହିପରି କନ୍ଧମାଳରେ ବି ଭୁସ୍ଖଳନର ଖବର ଆସିଛି । ତେବେ ଏସବୁ ଭିତରେ ମାଲକାନଗିରିରୁ ଆସିଛି ଭୁସ୍ଖଳନର ଖବର । ମାଥିଲି ବ୍ଲକର ନାଏକଗୁଡ଼ା ଅଞ୍ଚଳରେ ଭୂସ୍ଖଳନ ଲାଗି ପାହାଡ଼ରୁ ଏକ ବିରାଟ ପଥର ଖସିଥିବାର ଖବର ଆସିଛି । ଏପିରିକି ଗାଁ ମୁଣ୍ଡରେ ଆସି ଅଟକିଯାଇଥିଲା ବିରାଟ ପଥର । ଯାହାଫଳରେ ଅଳ୍ପକେ ବର୍ତ୍ତିଯାଇଛନ୍ତି ପୁରୀଗୁଡ଼ା ଗାଁ ।ଲଗାଣ ବର୍ଷା ଯୋଗୁଁ ପାହାଡ଼ର ମାଟି ଓ ପଥର ଧସିଥିବା ଆଶଙ୍କା କରାଯାଉଛି ।

Also Read:-Bali Yatra 2026: ବାଲିଯାତ୍ରା ପ୍ଲଟ୍ ବୁକିଂ ଶେଷ, ହେଲେ ଥମୁନି ବିବାଦ ; ନିରାଶ ୩ ପିଢ଼ିର ପୁରୁଖା ବ୍ୟବସାୟୀ

ସେପଟେ ଘଟଣାକୁ ନେଇ ଅଞ୍ଚଳବାସୀଙ୍କ ମଧ୍ୟରେ ଭୟର ବାତାବରଣ ଖେଳିଯାଇଛି । ଏତେ ବଡ଼ ପଥର ଆସି ଗାଁ ମୁଣ୍ଡ ରହିଛି । କୌଣସି ସମୟରେ କିଛି ବି ଘଟିପାରେ । ତେଣୁ ଆଗୁଆ ପଦକ୍ଷେପ ନେଇ ଗ୍ରାମବାସୀମାନେ ତୁରନ୍ତ ପ୍ରଶାସନକୁ ଖବର ଦେଇଛନ୍ତି । ଖବର ଲେଖାହେବା ପର୍ଯ୍ୟନ୍ତ କୌଣସି ଟିମ୍‌ ପହଞ୍ଚି ନଥିବାର ସୂଚନା ମିଳିଛି ।