ମେଷ- ଭାଗ୍ୟର ସହଯୋଗ ମିଳିବା ସହ ଅଟକି ରହିଥିବା କାର୍ଯ୍ୟରେ ଅଗ୍ରଗତି ହେବ। ଚାକିରି କ୍ଷେତ୍ରରେ ନୂତନ ସୁଯୋଗ ମିଳିପାରେ। ଉଚ୍ଚଶିକ୍ଷା ଓ ଦୂରଯାତ୍ରା ପାଇଁ ଦିନଟି ଅନୁକୂଳ। ଧାର୍ମିକ କାର୍ଯ୍ୟରେ ମନ ଲାଗିବ। ପିତାଙ୍କ ସହଯୋଗ ପାଇବେ। ଅଯଥା ତର୍କବିତର୍କରୁ ଦୂରେଇ ରୁହନ୍ତୁ।

ବୃଷ- ଦିନଟି ମିଶ୍ରିତ ଫଳ ପ୍ରଦାନ କରିବ। ଆର୍ଥିକ କାରବାରରେ ସତର୍କ ରହିବା ଆବଶ୍ୟକ। ହଠାତ୍ କୌଣସି ଖର୍ଚ୍ଚ ବଢ଼ିପାରେ। ପାରିବାରିକ କଥାକୁ ନେଇ ମାନସିକ ଚିନ୍ତା ରହିପାରେ। ଯାନବାହନ ଚଳାଇବା ସମୟରେ ସାବଧାନ ରୁହନ୍ତୁ। ସ୍ୱାସ୍ଥ୍ୟ ପ୍ରତି ଅବହେଳା କରନ୍ତୁ ନାହିଁ।

ମିଥୁନ- ଦାମ୍ପତ୍ୟ ଜୀବନରେ ସୁଖ ଓ ସହଯୋଗ ବୃଦ୍ଧି ପାଇବ। ବ୍ୟବସାୟରେ ନୂତନ ଚୁକ୍ତି କିମ୍ବା ସହଭାଗିତାର ସୁଯୋଗ ମିଳିପାରେ। ଜୀବନସାଥୀଙ୍କ ସହଯୋଗରେ ଅନେକ କାର୍ଯ୍ୟ ସହଜ ହେବ। ଅବିବାହିତ ବ୍ୟକ୍ତିଙ୍କ ପାଇଁ ବିବାହ ସମ୍ବନ୍ଧୀୟ ଆଲୋଚନା ଆଗକୁ ବଢ଼ିପାରେ। ଅନ୍ୟମାନଙ୍କ କଥାରେ ପଡ଼ି ସମ୍ପର୍କ ଖରାପ କରନ୍ତୁ ନାହିଁ।

କର୍କଟ- କର୍ମକ୍ଷେତ୍ରରେ ଉନ୍ନତି ଓ ଶତ୍ରୁପକ୍ଷ ଉପରେ ବିଜୟର ସମ୍ଭାବନା ରହିଛି। ଋଣ ସମସ୍ୟାରୁ କିଛି ମାତ୍ରାରେ ଆଶ୍ୱସ୍ତି ମିଳିପାରେ। ପୁରୁଣା ବିବାଦର ସମାଧାନ ହେବ। ଚାକିରି ପାଇଁ ଉଦ୍ୟମ କରୁଥିବା ବ୍ୟକ୍ତି ଶୁଭ ଖବର ପାଇପାରନ୍ତି। ତେବେ ଖାଦ୍ୟପେୟ ଓ ସ୍ୱାସ୍ଥ୍ୟ ପ୍ରତି ଯତ୍ନବାନ ହୁଅନ୍ତୁ।

ସିଂହ- ସନ୍ତାନଙ୍କ ଉନ୍ନତି ଓ ଶିକ୍ଷାକୁ ନେଇ ଖୁସି ଖବର ମିଳିପାରେ। ପ୍ରେମ ସମ୍ପର୍କରେ ମଧୁରତା ରହିବ। ବୁଦ୍ଧି ଓ ବିବେକ ବଳରେ ଜଟିଳ ସମସ୍ୟାର ସମାଧାନ କରିବେ। ନିବେଶ କରିବା ପୂର୍ବରୁ ଭଲଭାବେ ବିଚାର କରନ୍ତୁ। ଆୟର ସୁଯୋଗ ଥିଲେ ମଧ୍ୟ ଅଯଥା ଖର୍ଚ୍ଚ ବଢ଼ିପାରେ।

କନ୍ୟା- ଘରୋଇ ଜୀବନରେ କିଛି ମାନସିକ ଅଶାନ୍ତି ଦେଖାଦେଇପାରେ। ଜମିବାଡ଼ି ଓ ଗୃହ ନିର୍ମାଣ ସମ୍ବନ୍ଧୀୟ କାର୍ଯ୍ୟରେ ବିଳମ୍ବ ହୋଇପାରେ। ମାତାଙ୍କ ସ୍ୱାସ୍ଥ୍ୟ ପ୍ରତି ଧ୍ୟାନ ଦିଅନ୍ତୁ। କର୍ମକ୍ଷେତ୍ରରେ ଦାୟିତ୍ୱ ବଢ଼ିବ। ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେବାବେଳେ ଧୈର୍ଯ୍ୟ ରଖନ୍ତୁ।

ତୁଳା- ସାହସ ଓ ଆତ୍ମବିଶ୍ୱାସ ବୃଦ୍ଧି ପାଇବ। ଭାଇଭଉଣୀଙ୍କ ସହଯୋଗ ମିଳିବ। ନୂତନ କାର୍ଯ୍ୟ ଆରମ୍ଭ କରିବାରେ ସଫଳତା ମିଳିପାରେ। ଛୋଟ ଯାତ୍ରାରୁ ଲାଭ ହେବ। ଲେଖାଲେଖି, ମିଡିଆ ଓ ଯୋଗାଯୋଗ କ୍ଷେତ୍ରରେ ଥିବା ବ୍ୟକ୍ତି ଭଲ ଫଳ ପାଇବେ। ନିଜ ଉଦ୍ୟମରେ ଆର୍ଥିକ ଉନ୍ନତି କରିବେ।

ବିଛା- ଧନ ଉପାର୍ଜନର ସୁଯୋଗ ମିଳିବ ଏବଂ ପୁରୁଣା ଆର୍ଥିକ ସମସ୍ୟାରେ ସୁଧାର ଆସିପାରେ। ପରିବାରରେ ଶୁଭ କାର୍ଯ୍ୟ ସମ୍ପର୍କରେ ଆଲୋଚନା ହେବ। କଥାବାର୍ତ୍ତାରେ ସଂଯମ ରଖନ୍ତୁ। ବ୍ୟବସାୟୀମାନେ ଲାଭ ପାଇବେ। ଖାଦ୍ୟପେୟରେ ଅନିୟମିତତା ଯୋଗୁଁ ଶାରୀରିକ ଅସୁବିଧା ହୋଇପାରେ।

ଧନୁ- ଆତ୍ମବିଶ୍ୱାସ ଓ କାର୍ଯ୍ୟଦକ୍ଷତା ବୃଦ୍ଧି ପାଇବ। ନିଜର ଯୋଜନାକୁ କାର୍ଯ୍ୟରେ ପରିଣତ କରିବାର ସୁଯୋଗ ମିଳିବ। ନୂତନ ପରିଚୟ ଓ ସମ୍ପର୍କରୁ ଲାଭ ମିଳିପାରେ। ଚାକିରି ଓ ବ୍ୟବସାୟରେ ଉନ୍ନତିର ସମ୍ଭାବନା ରହିଛି। କିନ୍ତୁ ଆବେଗରେ ଆସି କୌଣସି ବଡ଼ ନିଷ୍ପତ୍ତି ନିଅନ୍ତୁ ନାହିଁ। ମୁଣ୍ଡ ଓ ଶରୀରର ଯତ୍ନ ନିଅନ୍ତୁ।

ମକର- ଅଯଥା ଖର୍ଚ୍ଚ ଓ ମାନସିକ ଚିନ୍ତା ବଢ଼ିପାରେ। କାର୍ଯ୍ୟକ୍ଷେତ୍ରରେ ପରିଶ୍ରମ ଅନୁସାରେ ଫଳ ପାଇବାରେ ବିଳମ୍ବ ହେବ। ବିଦେଶ ସମ୍ବନ୍ଧୀୟ କାର୍ଯ୍ୟରେ କିଛି ଅଗ୍ରଗତି ହୋଇପାରେ। ଗୁପ୍ତ ଶତ୍ରୁଙ୍କଠାରୁ ସତର୍କ ରୁହନ୍ତୁ। ନିଦ୍ରା ଓ ସ୍ୱାସ୍ଥ୍ୟ ପ୍ରତି ଯତ୍ନବାନ ହୁଅନ୍ତୁ।

କୁମ୍ଭ- ଆୟ ବୃଦ୍ଧିର ସୁଯୋଗ ମିଳିବ। ଦୀର୍ଘଦିନର ଆଶା ପୂରଣ ହେବାର ରାସ୍ତା ଖୋଲିପାରେ। ବନ୍ଧୁ ଓ ପରିଚିତ ବ୍ୟକ୍ତିଙ୍କ ସହଯୋଗରେ ନୂତନ କାର୍ଯ୍ୟରେ ସଫଳତା ମିଳିବ। ବ୍ୟବସାୟରେ ଲାଭ ଓ ନୂତନ ଗ୍ରାହକ ମିଳିବାର ଯୋଗ ରହିଛି। ଉଚ୍ଚପଦସ୍ଥ ବ୍ୟକ୍ତିଙ୍କ ସହଯୋଗ ପାଇବେ।

ମୀନ- କର୍ମକ୍ଷେତ୍ରରେ ନିଜର ପ୍ରତିଷ୍ଠା ଓ ସମ୍ମାନ ବୃଦ୍ଧି ପାଇବ। ଉଚ୍ଚପଦସ୍ଥ ଅଧିକାରୀଙ୍କଠାରୁ ପ୍ରଶଂସା ମିଳିପାରେ। ନୂତନ ଦାୟିତ୍ୱ ଓ ପଦୋନ୍ନତିର ସୁଯୋଗ ରହିଛି। ବ୍ୟବସାୟୀମାନେ ନିଜ କାର୍ଯ୍ୟରେ ଅଗ୍ରଗତି କରିବେ। ପାରିବାରିକ ଜୀବନରେ ସମୟ ଦେବାକୁ ଚେଷ୍ଟା କରନ୍ତୁ। କାର୍ଯ୍ୟ ଚାପ ଯୋଗୁଁ ଥକ୍କାପଣ ଅନୁଭବ ହୋଇପାରେ।

ଜ୍ୟୋତିର୍ବିଦ୍ ଶ୍ରୀ ସିଦ୍ଧାର୍ଥ ଶେଖର ନାୟକ

ଯୋଗାଯୋଗ – 8249826682