ମୁମ୍ବାଇ: ଜାତୀୟ ରାଜପଥରେ ଦ୍ରୁତ ଗତିରେ ଗନ୍ତବ୍ୟସ୍ଥଳକୁ ଯାଉଥିଲା କାର । ୫ ସିଟ୍ ଥିବା ଏହି କାରରେ ବସିଥିଲେ ୧୨ ଜଣ । କିଏ ଜାଣିଥିଲା, ସେମାନଙ୍କ ଏହି ଯାତ୍ରା ଶେଷ ଯାତ୍ରା ପାଲଟିଯିବ । ସାମ୍ନା ପଟୁ ଆସୁଥିବା ଏକ ସମେଣ୍ଟ ମିକ୍ସର ଟ୍ରକ କାରକୁ ଧକ୍କା ଦେଇଥିଲା । ଦୁର୍ଘଟଣା ଏତେ ଭୟଙ୍କର ଥିଲା ଯେ, କାରଟି ଭାଙ୍ଗିରୁଜି ଚୁରମାର ହୋଇଯାଇଛି । ଘଟଣାସ୍ଥଳରେ ୮ ଜଣଙ୍କ ମୃତ୍ୟୁ ହୋଇଥିବା ବେଳେ ହସ୍ପିଟାଲରେ ଆଉ ଦୁଇ ଜଣ ଜୀବନ ହରାଇଥିବା ଜଣାପଡ଼ିଛି । ଦୁର୍ଘଟଣାରେ ମୋଟ ୧୦ ଜଣଙ୍କ ମୃତ୍ୟୁ ହୋଇଥିବା ବେଳେ, ଘଟଣାସ୍ଥଳରେ ଉତ୍ତେଜନା ସୃଷ୍ଟି ହୋଇଛି ।

ମହାରାଷ୍ଟ୍ରର କଲ୍ୟାଣ-ଅହିଲ୍ୟାନଗର ରାଜପଥରେ ଭୟଙ୍କର ସଡ଼କ ଦୁର୍ଘଟଣାରେ ୧୦ ଜଣଙ୍କର ଦୁଃଖଦ ମୃତ୍ୟୁ ଘଟିଛି। ରାୟତେ ସେତୁରେ ଏକ ସିମେଣ୍ଟ ମିକ୍ସର ଏବଂ ଯାତ୍ରୀମାନଙ୍କୁ ନେଇ ଯାଉଥିବା ଏକ ଇକୋ କାର ମୁହାଁମୁହିଁ ଧକ୍କା ହୋଇଥିଲା। ଇକୋ କାରରେ ଥିବା ଆଠ ଜଣ ଯାତ୍ରୀଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିଲା, ଅନ୍ୟ ଦୁଇଜଣ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଥିଲେ। ଅନ୍ୟ ଯାତ୍ରୀମାନେ ଗୁରୁତର ଆହତ ହୋଇଛନ୍ତି ।

Also Read: Mao Encounter: ସୁରକ୍ଷା ବାହିନୀକୁ ସଫଳତା, ଏନ୍କାଉଣ୍ଟରରେ ନିପାତ ମହିଳା କମାଣ୍ଡର

ସୂଚନା ଅନୁଯାୟୀ, ଇକୋ କାରଟି କଲ୍ୟାଣରୁ ମୁର୍ବାଡ ଅଭିମୁଖେ ଯାତ୍ରା କରୁଥିଲା। ୫ ସିଟ୍ ବିଶିଷ୍ଟ କାରଟି ୧୨ ଜଣ ଯାତ୍ରୀଙ୍କୁ ନେଇ ଯାଉଥିଲା । ଏହି ସମୟରେ, ବିପରୀତ ଦିଗରୁ ଆସୁଥିବା ଏକ ସିମେଣ୍ଟ ମିକ୍ସର ଟ୍ରକ୍ ରାୟତେ ବ୍ରିଜ୍ ଉପରେ ଇକୋ କାରକୁ ଧକ୍କା ଦେଇଥିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ, କାରଟି ଭାଙ୍ଗିରୁଜି ଚୁରମାର ହୋଇ ଯାଇଥିଲା । ଯାତ୍ରୀମାନେ କାରରୁ ବାହାରିବାକୁ ସୁଯୋଗ ପାଇନଥିଲେ ।

ଦୁର୍ଘଟଣା ସମୟରେ ଏକ ପ୍ରଚଣ୍ଡ ଶବ୍ଦ ଶୁଭିଥିଲା, ଶବ୍ଦ ଶୁଣି ସ୍ଥାନୀୟ ଲୋକମାନେ ତୁରନ୍ତ ଘଟଣାସ୍ଥଳକୁ ଦୌଡ଼ି ଆସିଥିଲେ। ସେମାନେ ଆହତମାନଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ, କିନ୍ତୁ ସେମାନେ ତାହା କରିପାରି ନଥିଲେ। ଘଟଣା ବିଷୟରେ ସୂଚନା ପାଇବା ମାତ୍ରେ ଟିଟୱାଲା ପୋଲିସ ଏବଂ ରାଜପଥ ପ୍ରଶାସନ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ।

ପୋଲିସ ଏବଂ ସ୍ଥାନୀୟ ବାସିନ୍ଦା ଅକ୍ଲାନ୍ତ ପରିଶ୍ରମ କରି ଗାଡ଼ିରୁ ଫସି ରହିଥିବା ଯାତ୍ରୀମାନଙ୍କୁ ବାହାର କରିଥିଲେ। ସମସ୍ତଙ୍କୁ ତୁରନ୍ତ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଥିଲା। ରିପୋର୍ଟ ଅନୁଯାୟୀ ସେମାନଙ୍କ ମଧ୍ୟରୁ ୧୦ ଜଣଙ୍କର ମୃତ୍ୟୁ ହୋଇଛି। ବାକି ଯାତ୍ରୀମାନେ ଗୁରୁତର ଆହତ ହୋଇଛନ୍ତି ଏବଂ ସେମାନେ ଚିକିତ୍ସାଧୀନ ଅଛନ୍ତି । ଏହା ପୂର୍ବରୁ ଶନିବାର (ଏପ୍ରିଲ ୧୧) ବିହାରର କଟିହାରରେ ଏକ ସଡ଼କ ଦୁର୍ଘଟଣାରେ ୧୦ ଜଣଙ୍କ ଜୀବନ ଯାଇଥିଲା ।