ଭୁବନେଶ୍ବର ୧୩।୭: ଆପାର୍ଟମେଣ୍ଟ ନିକଟରୁ ମିଳିଲା ଯୁବକଙ୍କ ମୃତଦେହ । ଚନ୍ଦ୍ରଶେଖରପୁର ଥାନା ନୀଳାଦ୍ରି ବିହାର ଜଳବାୟୁ ଟାୱାର ଆପାର୍ଟମେଣ୍ଟ କ୍ୟାମ୍ପସରୁ ମୃତଦେହ ଠାବ ହୋଇଛି । ସନ୍ଦେହଜନକ ଭାବେ ପଡିଛି ମୃତଦେହ । ଫ୍ଲାଟ୍ ଉପରୁ କେହି ମାରି ଫୋପାଡ଼ି ଦେଇଥିବା ସନ୍ଦେହ କରାଯାଉଛି । ଘଟଣାସ୍ଥଳରେ ଚନ୍ଦ୍ରଶେଖରପୁର ଥାନା ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ମୃତଦେହ ଜବତ କରି ତଦନ୍ତ ଆରମ୍ଭ କରିଛି ପୋଲିସ । ଘଟଣାସ୍ଥଳରେ ଭୁବନେଶ୍ବର ଡିସିପି ଜଗମୋହନ ମୀନା ପହଞ୍ଚି ଯାଞ୍ଚ କରିଛନ୍ତି ।

ତେବେ ଯାଞ୍ଚ ପରେ ସାମ୍ନାକୁ ଆସିଛି ସାଙ୍ଘାତିକ ତଥ୍ୟ । ପ୍ରେମ ପାଇଁ ପ୍ରେମିକର ଜୀବନ ଯାଇଛି । ପ୍ରେମିକକୁ ଦେଖିବାକୁ ଆସିଥିବା ପ୍ରେମିକର ମୃତ୍ୟୁ ହୋଇଥିବା ଜଣାପଡିଛି । ମୃତ ଯୁବକ ଜଣଙ୍କ ଏକ ଘରୋଇ ସ୍କୁଲରେ ଏକାଦଶ ଶ୍ରେଣୀରେ ପଢ଼ୁଥିଲେ । ପ୍ରେମିକାଙ୍କ ସହ ଥିବାବେଳେ ଘର ଲୋକେ ପଳେଇ ଆସିବାରୁ ବାଥ୍ ରୁମ୍ ଡକ୍ଟ୍ ଭିତରେ ଲୁଚି ଯାଇଥିଲେ । ୧୦ ତାଲା ଉପରେ ଥିବା ଡକ୍ଟ୍ ୟାର୍ଡ ପାଇପ୍ ଧରି ଲାଖି ରହିଥିଲେ । ଦୀର୍ଘ ସମୟ ଝୁଲି ରହିବା ପରେ ଭାରସାମ୍ୟ ହରାଇ ତଳେ ପଡ଼ିଯାଇଥିଲେ । ପରେ ତାଙ୍କର ମୃତ୍ୟୁ ହୋଇଥିଲା । 

Also Read:- ବାଲେଶ୍ବର କୋର୍ଟକୁ ଆସିଲା ଇ-ମେଲ୍, ବୋମାରେ ଉଡ଼ାଇ ଦେବାକୁ ମିଳିଲା ଧମକ

ମୃତ ଯୁବକଙ୍କ ବାପା ଘରୋଇ ବ୍ୟାଙ୍କରେ ରିଜିଓନାଲ ମ୍ୟାନେଜର ଭାବେ କାର୍ଯ୍ୟ କରନ୍ତି । ପରିବାର ପକ୍ଷରୁ ଅଭିଯୋଗ ହୋଇନାହିଁ । ଖବର ପାଇ ଚନ୍ଦ୍ରଶେଖରପୁର ଥାନା ପୋଲିସ, ଭୁବନେଶ୍ବର ଡିସିପି, ସାଇଣ୍ଟିଫିକ୍ ଟିମ୍ ଏବଂ ସ୍ପେଶାଲ୍ ସ୍କ୍ୱାଡ୍ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ସିସିଟିଭି ଫୁଟେଜ୍ ଜବତ କରାଯାଇଥିବା ଜଣାଯାଇଛି ।