ନୂଆଦିଲ୍ଲୀ ୧୪।୦୮; ଦକ୍ଷିଣ ସୁପରଷ୍ଟାର ୟଶ। ତାଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ଟକ୍ସିକ ପାଇଁ ପ୍ରଶଂସକ ଉତ୍ସାହର ସହିତ ଅପେକ୍ଷା କରିଛନ୍ତି। ଗୁରୁବାର ଦିନ ଚଳଚ୍ଚିତ୍ରର ଆଲବମ୍ ଲଞ୍ଚ କାର୍ଯ୍ୟକ୍ରମରେ ଆୟୋଜିତ ହୋଇଥିଲା । ଯେଉଁଥିରେ ୟଶ ସମସ୍ତ ଲିଡ୍ ଅଭିନେତ୍ରୀଙ୍କୁ ପ୍ରଶଂସା କରିଥିଲେ। ସେ ହୁମା କୁରେଶୀଙ୍କୁ "ଚ୍ୟାଲେଞ୍ଜିଂ", ରୁକ୍ମିଣୀ ବସନ୍ତଙ୍କୁ "ଲମ୍ବା ରେସ୍ର ଘୋଡା ଧାବକ", ତାରା ସୁତାରିଆଙ୍କୁ "ଚମତ୍କାର" ଏବଂ କିଆରା ଆଡଭାନୀଙ୍କୁ "ଡେଡିକେଟେଡ୍" ବୋଲି ବର୍ଣ୍ଣନା କରିଥିଲେ। ଏତିକି ହିଁ ନୁହେଁ ସେ କାର୍ଯ୍ୟକ୍ରମରେ କିଆରାଙ୍କ ପାଇଁ ବିଶେଷ ପ୍ରଶଂସା କରିଥିଲେ।

ୟଶଙ୍କ ଅନୁସାରେ, ଗର୍ଭବତୀ ହେବା ସତ୍ତ୍ୱେ କିଆରା ଯେଭଳି ଭାବରେ ତାଙ୍କ କାମ ପ୍ରତି ଉତ୍ସର୍ଗୀକୃତ ରହିଥିଲେ ତାହା ପ୍ରକୃତରେ ପ୍ରଶଂସନୀୟ। ସେ ଉଲ୍ଲେଖ କରିଥିଲେ ଯେ ସେ ବହୁତ କଠିନ ପରିଶ୍ରମ ଏବଂ ଆନ୍ତରିକତାର ସହିତ ଫିଲ୍ମରେ କାମ କରିଥିଲେ। ୟଶ ପ୍ରୋଜେକ୍ଟରେ ଯୋଗଦାନ ପାଇଁ କିଆରାଙ୍କ ପ୍ରତି କୃତଜ୍ଞତା ପ୍ରକାଶ କରିଥିଲେ ଏବଂ ମନ୍ତବ୍ୟ ଦେଇଥିଲେ ଯେ ତାଙ୍କ କଠିନ ପରିଶ୍ରମ ଫିଲ୍ମକୁ ସ୍ୱତନ୍ତ୍ର କରିଛି।

ୟଶ କିଆରାଙ୍କ ବିଷୟରେ କ'ଣ କହିଥିଲେ?

ଏହି କାର୍ଯ୍ୟକ୍ରମ ସମୟରେ ୟଶଙ୍କୁ କିଆରାଙ୍କ ସହ କାମ କରିବାର ଅଭିଜ୍ଞତା ବିଷୟରେ ପଚରାଯାଇଥିଲା। ସେ ଉତ୍ତର ଦେଲେ, "ସେ ଜଣେ ପ୍ରୋଫେସନାଲ ଆକ୍ଟ୍ରେସ। ଯେତେବେଳେ ସେ ଏହି ଭୂମିକାରେ ଆସିଥିଲେ ସେତେବେଳେ ମୁଁ ଟିକେ ଚିନ୍ତିତ ହୋଇ ଯାଇଥିଲି। କାରଣ ଭୂମିକାଟି ବହୁତ ଡିମାଣ୍ଡିଂ ଥିଲା। ଏଥିପାଇଁ ସୁଟିଂ ବହୁତ କଷ୍ଟକର ଥିଲା ଏବଂ କଠିନ ପରିଶ୍ରମ ଆବଶ୍ୟକ ଥିଲା। ମୁଁ କିଆରାଙ୍କୁ ପଚାରିଲି ଯେ ସେ ପୂର୍ବରୁ କେବେ ବର୍ଷା ସିନ୍ର ସୁଟିଂ କରିଛନ୍ତି କି, ଏବଂ ସେ କହିଥିଲେ ନା। ତା ସତ୍ତ୍ୱେ, କାମ ପ୍ରତି ସେ ଯେଉଁ ସମର୍ପଣ ଦେଖାଇଥିଲେ ତାହା ମୋତେ ଆଶ୍ଚର୍ଯ୍ୟ କରିଥିଲା। ସେ ଫିଲ୍ମ ପ୍ରତି ସମ୍ପୂର୍ଣ୍ଣ ଭାବରେ ନିଜକୁ ସମର୍ପିତ କରିଥିଲେ।

କିଆରାଙ୍କ ଗର୍ଭଧାରଣ ଯାତ୍ରା ବିଷୟରେ କହିବାକୁ ଗଲେ, ୟଶ କହିଥିଲେ, "ସେ ଗର୍ଭବତୀ ଥିବା ସମୟରେ ମଧ୍ୟ ୧୦୦ ପ୍ରତିଶତ କମିଟମେଣ୍ଟ ସହିତ ଫିଲ୍ମଟି ଶେଷ କରିଥିଲେ। ସୁଟିଂ ସମୟରେ, ନିର୍ଦ୍ଦେଶକ ଗୀତୁ ମୋହନଦାସ ଏବଂ ମୁଁ ତାଙ୍କ ବିଷୟରେ ଚିନ୍ତିତ ଥିଲୁ। ଆମେ ସେଟରେ ବାଉନ୍ସର ଏବଂ ବଡିଗାର୍ଡଙ୍କ ପରି ତାଙ୍କର ଯତ୍ନ ନେଉଥିଲୁ। ଧନ୍ୟବାଦ, କିଆରା; ଏହି ସିନେମାଟି ବହୁତ ସ୍ୱତନ୍ତ୍ର।"

କିଆରା ଟକ୍ସିକରେ ଏକ ପ୍ରମିସିଂଭୂମିକାରେ ଅଭିନୟ କରିଛନ୍ତି, ଯେଉଁଥିରେ ୟଶଙ୍କ ସହିତ ଇଣ୍ଟିମେଣ୍ଟ ସିନ୍ ମଧ୍ୟ ଅଛି। ଏହା ଇଣ୍ଟରନେଟରେ ଏକ ବଡ଼ ହଇଚଇ ସୃଷ୍ଟି କରିଥିଲା। ବିବାହ ଏବଂ ସନ୍ତାନ ପ୍ରସବ ପରେ ଏପରି ସିନ୍ କରିବା ପାଇଁ ତାଙ୍କୁ ଟ୍ରୋଲ୍ ମଧ୍ୟ କରାଯାଇଥିଲା। ତଥାପି, ଅଭିନେତ୍ରୀ ଟ୍ରୋଲମାନଙ୍କୁ ଅଣଦେଖା କରି ଏକ ସକାରାତ୍ମକ ମନୋଭାବ ବଜାୟ ରଖିଥିଲେ। ସେ ଟକ୍ସିକ ଫିଲ୍ମର ସୁଟିଂ ସମୟରେ ଗର୍ଭବତୀ ଥିଲେ। ଡିସେମ୍ବର ୨୦୨୫ରେ, କିଆରା ପ୍ରକାଶ କରିଥିଲେ ଯେ ସେ ଗର୍ଭବତୀ ଥିବା ସମୟରେ ପ୍ରାୟ ସାତ ମାସ କାମ କରିଥିଲେ।

ପ୍ରାରମ୍ଭରେ, କେବଳ ନିର୍ଦ୍ଦେଶକ ଗୀତୁ ମୋହନଦାସ ଏବଂ ପ୍ରଯୋଜକ ତାଙ୍କ ଗର୍ଭଧାରଣ ବିଷୟରେ ଅବଗତ ଥିଲେ। କିଆରାଙ୍କ ଅନୁଯାୟୀ, ସେ ଭାବପ୍ରବଣ ଏବଂ ଚ୍ୟାଲେଞ୍ଜିଂ ସିନ୍ ସୁଟିଂ କରିବା ସମୟରେ ତାଙ୍କ ଗର୍ଭସ୍ଥ ସନ୍ତାନ ସହିତ କଥା ହେଉଥିଲେ। ତାଙ୍କ ଗର୍ଭଧାରଣ ଫିଲ୍ମର ସୁଟିଂ ସେଡ୍ୟୁଲକୁ ମଧ୍ୟ ପ୍ରଭାବିତ କରିଥିଲା। ଫିଲ୍ମଟି ଅଗଷ୍ଟ ୨୬ ରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି।