ଭୁବନେଶ୍ବର ୨।୮: ଆଜୀବନ ପାଇଁ ଥିଲେ କିନ୍ତୁ ଭଲ ବ୍ୟବହାର ପାଇଁ ଆଗୁଆ ଖଲାସ ହେଲେ । ସାରା ରାଜ୍ୟରେ ୧୯ ଜଣ ଆଜୀବନ କାରାଦଣ୍ଡରେ ଦଣ୍ଡିତଙ୍କୁ ତାଙ୍କ ଆଚରଣ, ଉଚ୍ଚାରଣ ଓ ଭଦ୍ର ବ୍ୟବହାର ପାଇଁ ଆଜି ଆଗୁଆ ଖଲାସ କରିଛନ୍ତି ସରକାର । ସେଥିମଧ୍ୟରୁ ୩ ଜଣଙ୍କୁ ଭୁବନେଶ୍ୱର ଝାରପଡ଼ା ଜେଲ୍‌ରୁ ଖଲାସ କରାଯାଇଛି । ଭାଗବତ ଗୀତା ଓ ମହାତ୍ମା ଗାନ୍ଧୀଙ୍କ ଫଟୋ ଚିତ୍ର ଧରାଇ ସମ୍ମାନିତ କରିବା ସହ ଆଗକୁ ତାଙ୍କ ଜୀବନ ସୁଗମ ହେଉ ବୋଲି ଶୁଭେଚ୍ଛା ଜଣାଇଛନ୍ତି ।

ସଜା ପୂରିବା ପୂର୍ବରୁ ମୁକୁଳିଲେ କଏଦୀ । ପାଇଥିଲେ ଆଜୀବନ ମୁକୁଳିଲେ ୧୪ ବର୍ଷ ପରେ । ହତ୍ୟା ମାମଲାରେ ଆଜୀବନ ସଜା ଭୋଗୁଥିବା ୩ କଏଦୀ ମୁକ୍ତ ହେଲେ । କାନ୍ଧରେ ଉତ୍ତରୀ, ହାତରେ ଭାଗବତ ଗୀତା ସହ ମହାତ୍ମା ଗାନ୍ଧୀଙ୍କ ଫଟୋ ଚିତ୍ର ଦେଇ କରାଯାଉଛି ସମ୍ମାନିତ । ଏମାନେ କେଉଁ ନେତା ମନ୍ତ୍ରୀ ବା ବଡ଼ ଅଫିସର୍ ନୁହନ୍ତି କି କେଉଁ ଷ୍ଟେଜ୍ ନୁହେଁ । ଏ ହେଉଛି ଝାରପଡ଼ା ଜେଲ୍ ଏବଂ ଏହି ତିନିଜଣ ହେଉଛନ୍ତି ହତ୍ୟା ଅଭିଯୋଗରେ ସଜା କାଟୁଥିବା କଏଦୀ । ତଥାପି ଏହି କଏଦୀଙ୍କୁ ଭଲ କାମ ପାଇଁ ମୁକ୍ତ କଲେ ସରକାର I ଝାରପଡ଼ାରୁ ମୁକୁଳିଥିବା ୩ ଜଣଙ୍କ ମଧ୍ୟରୁ ଜଟଣୀ ଅଞ୍ଚଳର ରତନ ଘୋଷ, ବାଲିପାଟଣା ଅଞ୍ଚଳର ସୁରେନ୍ଦ୍ର ନାଥ ଭୋଳ ଓ ନୂଆଗାଁ ଅଞ୍ଚଳର ବିପିନ୍ ବିହାରୀ ବରାଳ । ୩ ଜଣ ହତ୍ୟା ଅଭିଯୋଗରେ ଆଜୀବନ ସଜା ଭୋଗୁଥିବା ବେଳେ ଜେଲ୍‌ ସୁଧାର ପ୍ରକ୍ରିୟାରେ ସାମିଲ ହୋଇ ନିଜକୁ ସୁଧରିଥିଲେ I ସେପଟେ କଏଦୀ ଆଜି ଘରକୁ ଫେରୁଥିବା ଜାଣି ବହୁତ ଖୁସି ହୋଇଛନ୍ତି ହେଲେ ଏବେବି ସଠିକ୍ ତଦନ୍ତ ପାଇଁ ଦାବି କରିଛନ୍ତି ।

Also Read:- ରାଜଧାନୀରେ ଲଭ୍-ସେକ୍ସ-ଧୋକା ! ବିବାହ ପ୍ରତିଶ୍ରୁତି ଦେଇ ଷ୍ଟାଫ୍ ନର୍ସଙ୍କୁ ଦୁଷ୍କର୍ମ ଅଭିଯୋଗ, ପ୍ରେମିକ ଗିରଫ

ଉତ୍ତମ କାର୍ଯ୍ୟ ଭଲ ବ୍ୟବହାର ପାଇଁ ୩ ଜଣଙ୍କୁ କରାଗଲା ମୁକ୍ତ I ୨୦୨୨ର ସମୟ ପୂର୍ବରୁ ଖଲାସ ହେବାର ନିୟମ ଅନୁସାରେ ନିଆଯାଇଛି ନିଷ୍ପତ୍ତି । State Sentence Review Board ନିଷ୍ପତ୍ତି ଅନୁସାରେ ସାରା ରାଜ୍ୟରୁ ୧୯ ଜଣ ମୁକ୍ତ ହେବାକୁ ହୋଇଥିବା ବେଳେ ଭୁବନେଶ୍ବର ଝାରପଡା ଜେଲ୍‌ରୁ ମୁକୁଳିଲେ ୩ ଜଣ କଏଦୀ । ଆଗାମୀ ଭବିଷ୍ୟତରେ ଝାରପଡ଼ାରୁ ଖଲାସ ହୋଇଥିବା ୩ ଜଣ କଏଦୀଙ୍କ ପାଇଁ ବେଶ୍ ଖୁସି ଅଛନ୍ତି ଜେଲ୍ କର୍ତ୍ତୃପକ୍ଷ । ଆଗାମୀ ଭବିଷ୍ୟତରେ ଏମାନେ ନିଜ ପରିବାରକୁ ଫେରି ଖୁସିରେ ରହିବା ସହ ସମାଜ ପାଇଁ ଉଦାହରଣ ସୃଷ୍ଟି କରିବେ ବୋଲି ଆଶା ବ୍ୟକ୍ତ କରିଛନ୍ତି ।