ନୂଆପଡ଼ା ୨୨।୦୮ : ପୋଲ କାମରେ ନିୟୋଜିତ ଥିବା କକା-ପୁତୁରାଙ୍କୁ କାମୁଡ଼ି ଦେଇଥିଲା ସାପ। ହେଲେ କେହି ଜାଣି ପାରିଲେନି। ଅନ୍ୟ ଜଣେ ସାପ କାମୁଡ଼ିଥିବା ବ୍ୟକ୍ତିଙ୍କୁ ହସ୍ପିଟାଲ ଆଣିବା ବେଳେ ହସ୍ପିଟାଲରେ ଚାଲିଗଲା କକା ଓ ପୁତୁରାଙ୍କ ଜୀବନ। ନୂଆପଡ଼ା ଓ ବଲାଙ୍ଗୀର ଜିଲ୍ଲା ସୀମାନ୍ତ ବଙ୍ଗୋମୁଣ୍ଡା ଥାନା ବଲଧା ଗାଁରେ ଏମିତି ଏକ ଅଭାବନୀୟ ଘଟଣା ଘଟିଛି ।

Also Read:-NTPC ପାୱାର ପ୍ଲାଣ୍ଟରେ ଭୟଙ୍କର ବିସ୍ଫୋରଣ, ୫ ଶ୍ରମିକ ଗୁରୁତର

ଖବର ଅନୁଯାୟୀ, ବଲାଙ୍ଗୀର ଜିଲ୍ଲା ବଙ୍ଗୋମୁଣ୍ଡା ଥାନା ବଲଧା ଠାରେ ପୋଲ ନିର୍ମାଣ କାମରେ ସିନାପାଲି ଥାନା ଅଞ୍ଚଳର ୧୦ ଜଣ ଶ୍ରମିକ ଭାବେ ନିୟୋଜିତ ହୋଇଥିଲେ । ରାତିରେ ଖାଇସାରି ଖୋଲା କ୍ୟାମ୍ପରେ ସୋଇଥିଲେ । ସେଠି ଏକ ବିଷାକ୍ତ ସାପ ଆସି ଦୈତାରୀ, ଭରତ ଓ ତୁଳସୀ ୩ ଜଣ ଶ୍ରମିକଙ୍କୁ କାମୁଡି ଦେଇଥିଲା । ଏ ବିଷୟରେ ଭରତ ଓ ଦୈତାରୀ ଜାଣିପାରିନଥିଲେ। ବିଳମ୍ବିତ ରାତିରେ କକା ଦୈତାରୀ ଓ ପୁତୁରା ଭରତ ଅନ୍ୟ ଶ୍ରମିକମାନଙ୍କ ସାହାଯ୍ୟରେ ତୁଳସୀଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ଖଡିଆଳ ଉପଖଣ୍ଡ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ସେଠି ଦୈତାରୀ ଓ ଭରତଙ୍କୁ ବି ସାପ କାମୁଡି ଦେଇଥିବା ଜାଣିପାରିଥିଲେ । ପରେ ୩ ଜଣ ଶ୍ରମିକଙ୍କ ସ୍ବାସ୍ଥ୍ୟାବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଥିଲା।

ତେବେ ରାତିରେ ନୂଆପଡ଼ା ହସ୍ପିଟାଲରେ ପହଞ୍ଚିବା ପରେ ଦୈତାରୀଙ୍କୁ ଡାକ୍ତର ମୃତ ଘୋଷଣା କରିଥିଲେ । ଭୋର୍ ସକାଳୁ ଭରତଙ୍କ ମୃତ୍ୟୁ ହୋଇଥିଲା । ଏବେ ତୁଲସୀଙ୍କୁ ଡାକ୍ତର ବୁର୍ଲା ମେଡିକାଲ କଲେଜକୁ ସ୍ଥାନାନ୍ତର କରିଛନ୍ତି । ଅନ୍ୟପକ୍ଷରେ କକା ଓ ପୁତୁରାଙ୍କ ମୃତଦେହ ଜିଲ୍ଲା ମୁଖ୍ୟ ଚିକିତ୍ସାଳୟରେ ପଡ଼ିଛି । ଏଠି ବ୍ୟବଚ୍ଛେଦ ପରେ ମୃତଦେହ ଗାଁକୁ ନେବାକୁ ଡାକ୍ତର କହିଛନ୍ତି।

Watch Video:-