ନୂଆଦିଲ୍ଲୀ:ସଂସଦରେ ଆକ୍ଷେପ, ବିତର୍କ, ପ୍ରତିବାଦ। ଭିବି-ଜି ରାମ୍-ଜି ବିଲକୁ ନେଇ ବିରୋଧୀଙ୍କ ନାରାବାଜିରେ ତାତିଥିଲା ଶୀତକାଳୀନ ଅଧିବେଶନ। ଆରମ୍ଭରୁ ଶେଷ ଯାଏଁ ପ୍ରତିବାଦ- ତର୍କ ବିତର୍କରେ ମୁହାମୁହିଁ ହୋଇଥିଲେ ଶାସକ-ବିରୋଧୀ। କିନ୍ତୁ ସଂସଦର ଉଷ୍ମତାକୁ ଥଣ୍ଡା କରିଛି ବାଚସ୍ପତିଙ୍କ ଟି-ପାର୍ଟି।ଅଧିବେଶନ ଶେଷରେ ଲୋକସଭା ବାଚସ୍ପତି ଓମ୍ ବିର୍ଲା ଏକ ଚା’ପାର୍ଟିର ଆୟୋଜନ କରିଥିଲେ।। ଏହି ଟି ପାର୍ଟିରେ ବିରୋଧୀ ସାଂସଦମାନେ ମଧ୍ୟ ଯୋଗ ଦେଇଥିଲେ। ରାହୁଲ ଗାନ୍ଧୀଙ୍କ ଅନୁପସ୍ଥିତିରେ ପ୍ରିୟଙ୍କା ଗାନ୍ଧୀ ବିରୋଧୀ ଦଳର ନେତୃତ୍ୱ ନେଇଥିଲେ।

ଏଇପାର୍ଟିରେ କଂଗ୍ରେସର ପ୍ରତିନିଧିତ୍ୱ କରିଥିଲେ ପ୍ରିୟଙ୍କା। ବାଚସ୍ପତିଙ୍କ କାର୍ଯ୍ୟାଳୟରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କ ପାଖରେ ପ୍ରିୟଙ୍କା ଗାନ୍ଧୀ ବସିଥିବାର ଦେଖା ଯାଇଥିଲା। ସବୁଠୁ ମଜାଳିଆ କଥା ହେଲା ବାଚସ୍ପତି ଓମ୍ ବିର୍ଲା ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହିତ ହସଖୁସିରେ ଆଲୋଚନା କରୁଥିବାର ଦେଖିବାକୁ ମିଳିଥିଲା।

ବୈଠକ ପ୍ରାୟ୨୦ମିନିଟ୍ ଧରି ଚାଲିଥିଲା। ଶାସକ ଦଳ ଏବଂ ବିରୋଧୀ ସାଂସଦଙ୍କ ମଧ୍ୟରେ ଅନେକ ସୌଜନ୍ୟମୂଳକ କଥାବାର୍ତ୍ତା ଥିଲା। ପ୍ରିୟଙ୍କା କହିଥିଲେ ଯେ ସେ ଆଲର୍ଜିରୁ ରକ୍ଷା ପାଇବା ପାଇଁ ତାଙ୍କ ନିର୍ବାଚନମଣ୍ଡଳୀ ୱାୟାନାଡରୁ ଏକ ଔଷଧି ଖାଆନ୍ତି। ଏଥିରେ ପ୍ରଧାନମନ୍ତ୍ରୀ ମୋଦି ଏବଂ ରାଜନାଥ ସିଂହ ହସିଥିଲେ। ପ୍ରଧାନମନ୍ତ୍ରୀ ମୋଦିଙ୍କ ଇଥିଓପିଆ,ଜୋର୍ଡାନ ଏବଂ ଓମାନ ଯାତ୍ରା ବିଷୟରେ ମଧ୍ୟ ପଚାରିଥିଲେ ପ୍ରିୟଙ୍କା। ପ୍ରଧାନମନ୍ତ୍ରୀ ମୋଦି ଉତ୍ତର ଦେଇଥିଲେ ଯେ ଯାତ୍ରା ବହୁତ ଭଲ ଥିଲା।

ଅଧିବେଶନ ଶେଷ ହେବା ପରେ ସଂସଦୀୟ ପରମ୍ପରା ରହିଛି।ଅଧିବେଶନ ଶେଷରେ,ସମସ୍ତ ସାଂସଦ ବାଚସ୍ପତିଙ୍କ ଦ୍ୱାରା ଆୟୋଜିତ ଏକ ଟି-ପାର୍ଟିରେ ଯୋଗ ଦିଅନ୍ତି। ଏହା ଏକ ପାରମ୍ପରିକ ସମାବେଶ। ଏହାର ଉଦ୍ଦେଶ୍ୟ ହେଉଛି ସମସ୍ତ ଦଳର ସଦସ୍ୟଙ୍କ ମଧ୍ୟରେ ସୌହାର୍ଦ୍ଦ୍ୟ ଏବଂ ସଦ୍ଭାବନାର ପରିବେଶ ବଜାୟ ରଖିବା।

ସମାଜବାଦୀ ପାର୍ଟି ନେତା ଧର୍ମେନ୍ଦ୍ର ଯାଦବ,ଏନସିପିର ସୁପ୍ରିୟା ସୁଲେ ଏବଂ ସିପିଆଇ ନେତା ଡି. ରାଜା ମଧ୍ୟ ଉପସ୍ଥିତ ଥିଲେ। ଯାଦବ କହିଥିଲେ ଯେ ଅଧିବେଶନ ଟିକିଏ ଅଧିକ ସମୟ ଚାଲିପାରିଥାନ୍ତା। ପ୍ରଧାନମନ୍ତ୍ରୀ ମୋଦୀ ମଜା କରି କହିଥିଲେ ଯେ ଗଳା ଯନ୍ତ୍ରଣା ଏଡାଇବା ପାଇଁ ଅଧିବେଶନକୁ ଛୋଟ ରଖାଯାଇଥିଲା।

ପ୍ରଧାନମନ୍ତ୍ରୀ ମୋଦୀ କିଛି ବିରୋଧୀ ସାଂସଦଙ୍କୁ ଭଲ ଭାବରେ ପ୍ରସ୍ତୁତ ହୋଇ ଗୃହକୁ ଆସିବା ପାଇଁ ପ୍ରଶଂସା ମଧ୍ୟ କରିଥିଲେ। ବିରୋଧୀ ନେତାମାନେ ପ୍ରଧାନମନ୍ତ୍ରୀ ମୋଦୀଙ୍କୁ ପୁରୁଣା ସଂସଦ ଭବନ ପରି ନୂତନ କୋଠାରେ ଏକ କେନ୍ଦ୍ରୀୟ ହଲ୍ ନିର୍ମାଣ କରିବାକୁ ଅନୁରୋଧ କରିଥିଲେ।

।ଥିବା ଅଭିଯୋଗ ଆଣି ଏହି ନିଷ୍ପତ୍ତି ନେଇଥିଲେ କାରଣ ପୂର୍ବ ଅଧିବେଶନରେ ରାହୁଲ ଗାନ୍ଧୀଙ୍କ ସମେତ ଅନେକ ବିରୋଧୀ ଦଳ ଚା ପାର୍ଟିକୁ ବର୍ଜନ କରିଥିଲେ। ସେମାନଙ୍କୁ ଗୃହରେ କହିବାକୁ ଅନୁମତି ଦେଉ ନ ହୋଇଛି। ବିଷୟସାମିଲ ହେବା ଚର୍ଚ୍ଚାରପାର୍ଟିରେ ପ୍ରିୟଙ୍କା ଗାନ୍ଧୀ