ନୂଆଦିଲ୍ଲୀ ୨୨।୦୪; ମଧ୍ୟପ୍ରାଚ୍ୟରେ ଚାଲିଥିବା ଉତ୍ତେଜନା ମଧ୍ୟରେ ରଣନୈତିକ ଭାବରେ ଗୁରୁତ୍ୱପୂର୍ଣ୍ଣ ହୋର୍ମୁଜ ପ୍ରଣାଳୀକୁ ପୁନଃ ଖୋଲିବା ପାଇଁ ବିଶ୍ୱସ୍ତରୀୟ ପ୍ରୟାସ ତୀବ୍ର ହୋଇଛି । ବୁଧବାର ଲଣ୍ଡନରେ ଏକ ଦୁଇ ଦିନିଆ ବୈଠକ ଆରମ୍ଭ ହେବ । ଯେଉଁଥିରେ ୩୦ରୁ ଅଧିକ ଦେଶର ସାମରିକ ଅଧିକାରୀମାନେ ଅଂଶଗ୍ରହଣ କରିବେ । ଏହି ବୈଠକର ପ୍ରାଥମିକ ଉଦ୍ଦେଶ୍ୟ ହେଉଛି ଜାହାଜ ଚଳାଚଳକୁ ସୁରକ୍ଷା ଦେବା ଏବଂ ରଣନୈତିକ ସହମତିକୁ କାର୍ଯ୍ୟରେ ପରିଣତ କରିବା ପାଇଁ ଏକ ବିସ୍ତୃତ ସାମରିକ ଯୋଜନା ବିକଶିତ କରିବା । ହର୍ମୁଜ ପ୍ରଣାଣୀ ଦେଇ ଜାହାଜ ପରିବହନରେ ଗମ୍ଭୀର ବାଧା ସୃଷ୍ଟି ଦ୍ୱାରା ଅନେକ ଶକ୍ତି ସଙ୍କଟ ସୃଷ୍ଟି ହୋଇଛି। ୩୦ ଦେଶ ହର୍ମୁଜ ମାର୍ଗକୁ ଖୋଲିବାକୁ ମିଳିତ ହୋଇଛନ୍ତି ।

ଉଲ୍ଲେଖଯୋଗ୍ୟ,ଗତ ସପ୍ତାହରେ, ୧୨ରୁ ଅଧିକ ଦେଶ ବ୍ରିଟେନ ଏବଂ ଫ୍ରାନ୍ସଙ୍କ ନେତୃତ୍ୱରେ ଏକ ଅନ୍ତର୍ଜାତୀୟ ମିଶନରେ ଯୋଗ ଦେବାକୁ ନିଜର ଇଚ୍ଛା ପ୍ରକାଶ କରିଥିଲେ। ପରିସ୍ଥିତି ଅନୁକୂଳ ହେବା ପରେ ହର୍ମୁଜ୍ ପ୍ରଣାଳୀରେ ଜାହାଜର ସୁରକ୍ଷା ସୁନିଶ୍ଚିତ କରିବା ଏହି ମିଶନର ଦାୟିତ୍ୱ। ଏହି ପ୍ରତିଶ୍ରୁତି ଆମେରିକା ରାଷ୍ଟ୍ରପତି ଟ୍ରମ୍ପଙ୍କ ଏକ ବିବୃତ୍ତି ପରେ ଆସିଛି।ଯେଉଁଥିରେ ସେ ଦୃଢ଼ ଭାବରେ କହିଥିଲେ ଯେ ତାଙ୍କୁ ସହଯୋଗୀ ରାଷ୍ଟ୍ରମାନଙ୍କଠାରୁ ସହାୟତା ଆବଶ୍ୟକ ନାହିଁ। ଜବାବରେ,ୟୁରୋପ,ଏସିଆ ଏବଂ ମଧ୍ୟପ୍ରାଚ୍ୟର ପ୍ରାୟ୫୦ଦେଶ ଭିଡିଓ କନଫରେନ୍ସ ମାଧ୍ୟମରେ ସେମାନଙ୍କର ଏକତା ପ୍ରଦର୍ଶନ କରିଛନ୍ତି। ଏହି ରାଷ୍ଟ୍ରଗୁଡ଼ିକ ଏବେ ସାମରିକ କ୍ଷମତା,କମାଣ୍ଡ ଏବଂ ନିୟନ୍ତ୍ରଣ ଗଠନ ଏବଂ ସୈନ୍ୟ ନିୟୋଜନ ଭଳି ବୈଷୟିକ ଦିଗଗୁଡ଼ିକୁ ସମ୍ବୋଧିତ କରି ଏକ କଠୋର ରଣନୀତି ପ୍ରସ୍ତୁତ କରିବେ।

ଏକ ବିବୃତ୍ତିରେ,ୟୁକେ ପ୍ରତିରକ୍ଷା ମନ୍ତ୍ରଣାଳୟ ଉଲ୍ଲେଖ କରିଛି ଯେ ବୁଧବାର ଏବଂ ଗୁରୁବାର ପାଇଁ ସ୍ଥିର ହୋଇଥିବା ଏହି ବୈଠକ ଗତ ସପ୍ତାହରେ ଅନୁଷ୍ଠିତ ଆଲୋଚନା ସମୟରେ ହାସଲ ହୋଇଥିବା ଅଗ୍ରଗତି ଉପରେ ଆଧାରିତ ହେବ। ୟୁକେ ପ୍ରତିରକ୍ଷା ମନ୍ତ୍ରୀ ଜନ୍ ହିଲି କହିଛନ୍ତି, "ଆଜି ଏବଂ ଆସନ୍ତାକାଲି ଆମର କାର୍ଯ୍ୟ ହେଉଛି କୂଟନୈତିକ ସହମତିକୁ ଏକ ମିଳିତ ଯୋଜନାରେ ପରିଣତ କରିବା।ଯାହା ଦ୍ଵାରା ହର୍ମୁଜ୍ ପ୍ରଣାଳୀରେ ନୌଚାଳନା ସ୍ୱାଧୀନତା ସୁନିଶ୍ଚିତ କରିବା ଏବଂ ଏକ ସ୍ଥାୟୀ ଯୁଦ୍ଧବିରତିକୁ ସମର୍ଥନ କରିବା। ମୁଁ ନିଶ୍ଚିତ ଯେ ଆମେ ଆଗାମୀ ଦୁଇ ଦିନରେ ବାସ୍ତବ ଅଗ୍ରଗତି କରିପାରିବା। ଲଣ୍ଡନ ଆଲୋଚନାରେ ଅଂଶଗ୍ରହଣକାରୀ ରାଷ୍ଟ୍ରଗୁଡ଼ିକ ସେମାନଙ୍କର ସାମରିକ କ୍ଷମତା ଏବଂ କମାଣ୍ଡ ବ୍ୟବସ୍ଥା ସମ୍ପର୍କରେ ବିସ୍ତୃତ ଭାବରେ ବିଚାର ବିମର୍ଶ କରିବେ।

Also Read-US- Iran Tension : ମୁନୀର-ଶେହେବାଜଙ୍କ କଥା ମାନିଲେ ଟ୍ରମ୍ପ, ଡେଡ୍‌ଲାଇନ୍ ସରିବା ପୂର୍ବରୁ ବଢିଲା ସିଜ୍‌ଫାୟାର