ସମୁଦ୍ର ଲୁଟେରାଙ୍କ ଉପରେ ନୌସେନାର ସର୍ଜିକାଲ ଷ୍ଟ୍ରାଇକ୍ ! ଜାହାଜ ସହ ୨୦ ସଦସ୍ୟଙ୍କୁ ଉଦ୍ଧାର କଲେ କମାଣ୍ଡୋ

ନୂଆଦିଲ୍ଲୀ, ୩/୧୧ :ଭାରତୀୟ ନୌସେନାର ସାହସିକତା । ମୁକୁଳାଇଲେ ଜାହାଜ । ଜଳଦସ୍ୟୁଙ୍କ ସହ ଲଢି ପରାସ୍ତ କଲେ । ସଫଳ ହେଲା ରେସ୍କ୍ୟୁ ଅପରେସନ୍ । ମୁମ୍ବାଇରୁ ୩ ହଜାର କିମି ଦୂରରେ ଜଳଦସ୍ୟୁଙ୍କ କବଜାରେ ଥିବା ମାଛଧରା ଜାହାଜ ଓଜିନିର ସମସ୍ୟ ୨୦ ଜଣ କ୍ରୁ ସଦସ୍ୟଙ୍କୁ ସୁରକ୍ଷିତ ଭାବେ ନୌସେନା ଉଦ୍ଧାର କରିଛି ।ପୂରା ଅପରେସନ ୪୮ ଘଣ୍ଟାରେ ସରିଥିବା ଜଣା ପଡିଛି ।

ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ଏକ୍ସରେ ଏନେଇ ସୂଚନା ଦେଇଛନ୍ତି । ଏହାସହ ନୌସେନାର ସଫଳ ଅପରେସନ ପାଇଁ ଶୁଭେଚ୍ଛା ଜଣାଇଛନ୍ତି । ସେ ଏକ୍ସରେ ପ୍ରକାଶ କରିଛନ୍ତି ଯେ, ନୌସେନା ବିପୁଳ ଅସ୍ତ୍ରଶସ୍ତ୍ରରେ ସଜ୍ଜିତ ଥିବା ସମୁଦ୍ର ଲୁଟେରାଙ୍କ କବଳରୁ ଜାହାଜ ଏବଂ ଏହାର ଟିମକୁ ରକ୍ଷା କରିଛି । ଆରବ ସାଗରରେ ଏହି ସଫଳ ଅପରେସନ ହୋଇଛି ।

Also Read :- ବିଶାଖାପାଟଣା ତୈଳ ରିଫାଇନାରୀରେ ବିସ୍ଫୋରଣ : ହୁତୁହୁତୁ ହୋଇ ଜଳିଲା ନିଆଁ

ସେ ଆହୁରି କହିଛନ୍ତି ଯେ, ଭାରତୀୟ ଯବାନମାନେ ପୁଣି ଥରେ ନିଜର ବୀରତ୍ୱର ପ୍ରମାଣିତ କରିଛନ୍ତି । ଭାରତ ସମୁଦ୍ରରେ ଫସିଥିବା ଲୋକଙ୍କ ଜୀବନକୁ ରକ୍ଷା କରିବାରେ ସକ୍ଷମ ଅଟେ । ଆରବ ସାଗର ସହ ଭାରତ ମହାସାଗରରେ ମଧ୍ୟ ଶାନ୍ତି ରକ୍ଷା ପାଇଁ ଭାରତ ପ୍ରତିବଦ୍ଧ ଅଟେ ।

My congratulations to #Indian Navy for successfully executing a meticulously coordinated 48-hour operation to rescue all 20 crew members of the pirated fishing vessel, Azini, more than 3000 km from Mumbai in the Arabian Sea, on 02 Nov 26. The swift localisation, interception and safe release of the crew and vessel from significantly-armed pirates, with timely support from the Indian Air Force, speak well of the Indian Navy’s high operational readiness and ability to respond decisively to maritime threats across the region. Our brave personnel have once again demonstrated India’s ability, intent and resolve to safeguard lives, uphold maritime security and ensure stability across the Indian Ocean Region. India continues to stand resolute in ensuring SAFE SEAS and a free, open and secure Indian Ocean Region. #IndianNavy #IndianAirForce #SafeSeas

— Rajnath Singh (@rajnathsingh) November 2, 2026

ସୂଚନାଯୋଗ୍ୟ, ସୋମାଲି ସମୁଦ୍ର ଲୁଟେରା ବା ଜଳଦସ୍ୟୁ ସୋମିଲିଆର ଉତ୍ତର ପୂର୍ବ ଉପକୂଳରେ ଓଜିନି ନାମକ ଏକ ଜାହାଜକୁ ଅପହରଣ କରି ନେଇଥିଲେ । ଏନେଇ ଭାରତୀୟ ନୌସେନା ସୂଚନା ପାଇଥିଲା । ତୁରନ୍ତ ଯବାନମାନେ ଅପରେସନ ଆରମ୍ଭ କରିଥିଲେ । ୪୮ ଘଣ୍ଟାରେ ସେମାନେ ଜାହାଜକୁ ମୁକ୍ତ କରିବା ସହ ସଦସ୍ୟଙ୍କୁ ଉଦ୍ଧାର କରିବାରେ ସଫଳ ହୋଇଥିଲେ ।

ନୌସେନା ଅଧିକାରୀଙ୍କ କହିବାନୁସାରେ, ୧୨ ଜଣ ଜଳଦସ୍ୟୁ ଜାହାଜକୁ କବଜା କରି ନେଇଥିଲେ । ଜାହାଜରେ ଇରାନର ଚାଳକ ଟିମ୍ ରହିଥିଲେ । ଆଜିକାଲି ଭାରତ ମହାସାଗରରେ ଜଳଦସ୍ୟୁଙ୍କ ପାଦ୍ରୁଭାବ ବଢିବାରେ ଲାଗିଛି । ସେମାନେ ବାଣିଜ୍ୟିକ ଜାହାଜକୁ ଟାର୍ଗେଟ୍ କରୁଛନ୍ତି ।

ଆହୁରି ମଧ୍ୟ ଗତ ଏପ୍ରିଲରୁ ଅଗଷ୍ଟ ମଧ୍ୟରେ ସମୁଦ୍ରରେ ଜଳଦସ୍ୟୁମାନେ ୬ଟି ବାଣିଜ୍ୟିକ ଜାହାଜକୁ ଅପହରଣ କରିନେଇଥିଲେ । କିଛି ଜାହାଜକୁ ସୋମାଲିଆ ଉପକୂଳରୁ ଦୂରରେ ଅପହରଣ କରାଯାଇଥିଲା । ଏଥିରେ ଏକ ତୈଳ ଟ୍ୟାଙ୍କର ମଧ୍ୟ ସାମିଲ ଥିଲା ।