ନୂଆଦିଲ୍ଲୀ: ଝାଡ଼ଖଣ୍ଡ ସରଣ୍ଡା ଜଙ୍ଗଲରେ ସୁରକ୍ଷା କର୍ମୀଙ୍କ ବିରୋଧରେ ବଡ଼ ଆକ୍ରମଣ । ମନୋହରପୁର ବ୍ଲକ୍ ଛୋଟାନାଗର ଥାନା ବାଲିବା ଗାଁ ନିକଟରେ ନକ୍ସଲଙ୍କ ଦ୍ବାରା ଲଗାଯାଇଥିବା ଆଇଇଡି ବିସ୍ଫୋରଣରେ ଇନ୍ସପେକ୍ଟରଙ୍କ ସମେତ ୫ ଯବାନ ଆହତ ହୋଇଛନ୍ତି। ଘଟଣା ପରେ ସମଗ୍ର ଅଞ୍ଚଳରେ ଉତ୍ତେଜନା ରହିଛି।

ସୂଚନା ଅନୁସାରେ, ଜଙ୍ଗଲରେ ସୁରକ୍ଷା କର୍ମୀ ସର୍ଚ୍ଚ ଅପରେସନ ଚଳାଇଥିଲେ। ଏହି ସମୟରେ ଜଙ୍ଗଲରେ ଲୁଚିଥିବା ନକ୍ସଲଙ୍କ ସହ ଗୁଳି ବିନିୟମ ମଧ୍ୟ। ଏମିତିରେ ନକ୍ସଲଙ୍କ ଦ୍ବାରା ପୂର୍ବରୁ ଲଗାଯାଇଥିବା ଆଇଇଡି ବିସ୍ଫୋରଣରେ କୋବ୍ରା ବାଟାଲିୟନର ୨୦୫ର ଇନ୍ସପେକ୍ଟର ସତ୍ୟ ପ୍ରକାଶ ଗୁରୁତର ଭାବରେ ଆହତ ହୋଇଛନ୍ତି। ସେହିଭଳି ୪ ଯବାନ ଗୁଳି ବାଜିବାରୁ ଆହତ ହୋଇଛନ୍ତି।

Also Read: ଷଡ଼ଯନ୍ତ୍ର ପଛରେ ଥାଇପାରେ ପାକିସ୍ତାନୀ ଲିଙ୍କ୍, ନୋଏଡା ହିଂସାକୁ ନେଇ ବଡ଼ ଶ୍ରମ ମନ୍ତ୍ରୀଙ୍କ ବଡ଼ ବୟାନ

ଘଟଣାକୁ ନେଇ ଚାଇବାସା ଏସପି ଅମିତ ରେଣୁ କହିଛନ୍ତି ଯେ, ଏହି ଆକ୍ରମଣ ନକ୍ସଲଙ୍କ ସୁଚିନ୍ତିତ ଷଡ଼ଯନ୍ତ୍ର। ସୁରକ୍ଷା ବାହିନୀ ଅଞ୍ଚଳରେ ସର୍ଚ୍ଚ ଅପରେସନ ବ୍ୟାପକ କରିଛନ୍ତି ଏବଂ ଅତିରିକ୍ତ ସୈନ୍ୟ ବାହିନୀକୁ ନିୟୋଜିତ କରାଯାଇଛି। ଆହତ ଯବାନଙ୍କୁ ଅଧିକ ଚିକିତ୍ସା ପାଇଁ ଏୟାରଲିଫ୍ଟରେ ରାଞ୍ଚି ନିଆଯାଇଛି। ଗୁରୁତର ଆହତ ହୋଇଥିବା ଯବାନଙ୍କୁ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଛି। ସେହିଭଳି ଅନ୍ୟମାନଙ୍କୁ ସ୍ଥାନୀୟ ସ୍ତରରେ ଚିକିତ୍ସା କରାଯାଉଛି।

ଅଧିକାରୀଙ୍କ ସୂଚନା ଅନୁସାରେ, ଆହତଙ୍କ ସ୍ବାସ୍ଥ୍ୟାବସ୍ଥା ଉପରେ ନଜର ରଖାଯାଇଛି। ତାଙ୍କୁ ଉତ୍ତର ଚିକିତ୍ସା ସୁବିଧା ଉପଲବ୍ଧ କରାଯାଇଛି। ସୁରକ୍ଷା ଏଜେନ୍ସୀ ପୂରା ମାମଲାର ଯାଞ୍ଚରେ ଲାଗିଛି ଏବଂ ଅଞ୍ଚଳରେ ମିଳିତ ଅପରେସନ ଜାରି ରହିଛି।