କୋଲକାତା: ବେଙ୍ଗଲ ବିଜେପି ସଭାପତି ଶମିକ ଭଟ୍ଟାଚାର୍ଯ୍ୟ ମୁଖ୍ୟ ନିର୍ବାଚନ କମିସନର (ସିଇସି) ଜ୍ଞାନେଶ କୁମାରଙ୍କ ସମର୍ଥନ କରିଛନ୍ତି। ସେ କହିଛନ୍ତି ତାଙ୍କୁ ଅନୁନ୍ୟ ‘ପଦ୍ମ ଭୂଷଣ’ ପୁରସ୍କାର ମିଳିବା ଉଚିତ। ସେ କହିଛନ୍ତି ଯେ କୁମାରଙ୍କ କାର୍ଯ୍ୟକାଳରେ ବେଙ୍ଗଲ ବିଧାନସଭା ନିର୍ବାଚନ ଶାନ୍ତିପୂର୍ଣ୍ଣ ହୋଇ ପାରିଥିଲା। ଏଥିରେ ଭୋଟର ବିନା ଭୟରେ ସେମାନଙ୍କ ମତାଧିକାର ସାବ୍ୟସ୍ତ କରିଥିଲେ। ଶମିକ ଏହି ବୟାନ ନିର୍ବାଚନ ଆୟୋଗ ବିରୋଧରେ ବିପକ୍ଷ ଦଳଙ୍କ ବିରୋଧ ମଧ୍ୟରେ ଦେଇଛନ୍ତି।

ଶମିକ କହିଛନ୍ତି ଯେ ବାଂଲାଦେଶ ସୀମାକୁ ଲାଗି ରହିଥିବା ରାଜ୍ୟରେ ଜ୍ଞାନେଶ କୁମାର ଭୋଟର ଲିଷ୍ଟରୁ ବାଂଲାଦେଶୀ ଭୋଟରଙ୍କୁ ବାହାର କରିବାର ପଦକ୍ଷେପ ନେଇଛନ୍ତି। ସେ କହିଛନ୍ତି ଯେ ପଶ୍ଚିମବଙ୍ଗ ଜନତା ନିର୍ବାଚନରେ ଏଭଳି କାର୍ଯ୍ୟାନୁଷ୍ଠାନକୁ ସମର୍ଥନ କରିଛନ୍ତି। ସେହିପରି ସେ କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଟାର୍ଗେଟ କରି କହିଛନ୍ତି ଯେ କଂଗ୍ରେସ ଭିତରେ ତାଙ୍କ ବୟାନକୁ ଗୁରୁତର ସହ ନିଆଯାଏନି। ଏଥିରେ ତାଙ୍କର ସିଇସିଙ୍କ ବିରୋଧରେ ଆନ୍ଦୋଳନ ଡାକରା ହାସ୍ୟସ୍ପଦ।

ଉଲ୍ଲେଖଯୋଗ୍ୟ ଯେ ନିର୍ବାଚନ ଆୟୋଗଙ୍କ ବିରୋଧରେ ଏସଆଇଆର କାଳରେ ଭୋଟର ଲିଷ୍ଟର ତ୍ରୁଟି ଓ ନାମ ହଟାଇବା ପ୍ରକ୍ରିୟାରେ ପାରଦର୍ଶିତା ଅବଲମ୍ବନ କରିନଥିବାର ଅଭିଯୋଗ ହୋଇଛି। ଏସଆଇଆରରେ ସାରା ଦେଶରେ ୧୩ କୋଟି ନାଗରିକ ମତଦାନ ଅଧିକାର ହରାଇଥିବା ବେଳେ କଂଗ୍ରେସ ଜ୍ଞାନେଶ କୁମାରଙ୍କ ଇସ୍ତଫା ଦାବି କରୁଛି। ଏହି କ୍ରମରେ କଂଗ୍ରେସ ଶୁକ୍ରବାର ସାରା ଦେଶରେ ନିର୍ବାଚନ କମିଶନ ବାହାରେ ଧାରଣା ଦେଇଛି।