ନୂଆଦିଲ୍ଲୀ: ମାନିଲାରେ କ୍ୱାଡ୍ ନେତାଙ୍କ ବୈଠକରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ପ୍ରଶଂସା କରିଛନ୍ତି । ପିଏମ୍ ମୋଦୀଙ୍କ ବ୍ୟକ୍ତିତ୍ୱ ଦୃଢ଼ ବୋଲି ଟ୍ରମ୍ପ କହିଛନ୍ତି । ଏହି ସମୟରେ ଆମେରିକା ରାଷ୍ଟ୍ରପତି ଚୀନ ସହ ମତଭେଦ, ଇରାନର ପରମାଣୁ କାର୍ଯ୍ୟକ୍ରମ ଏବଂ ଉତ୍ତର କୋରିଆର ନେତା କିମ୍ ଜୋଙ୍ଗ ଉନଙ୍କ ସହ ପ୍ରସ୍ତାବିତ ଆଲୋଚନାକୁ ନେଇ ମଧ୍ୟ ବୟାନ ଦେଇଛନ୍ତି ।

କ୍ୱାଡ୍ ନେତାଙ୍କ ସହ ମଞ୍ଚ ସେୟାର କରି ଟ୍ରମ୍ପ ପ୍ରଧାନମନ୍ତ୍ରୀଙ୍କ ପ୍ରଶଂସାରେ କହିଛନ୍ତି, ସେ ଜଣେ ଦୃଢ଼ ବ୍ୟକ୍ତିତ୍ୱର ମଣିଷ । ଚୀନ ସହ ମତଭେଦକୁ ନେଇ ପ୍ରଶ୍ନର ଜବାବରେ ସେ କହିଛନ୍ତି ଯେ ଏହି ବିବାଦକୁ ଠିକ୍ ଭାବେ ପରିସ୍ଥିତିକୁ ସମ୍ଭାଳିଛନ୍ତି । ସେହିପରି ଇରାନ ପ୍ରସଙ୍ଗରେ ଟ୍ରମ୍ପ କଡ଼ା ଆଭିମୁଖ୍ୟ ଗ୍ରହଣ କରି କହିଥିଲେ ଯେ ଆମେରିକା ଏହାକୁ ଅତ୍ୟନ୍ତ ଗମ୍ଭୀରତା ସହ ନେଉଛି । ସେ କହିଛନ୍ତି, ଆମେ ଏହାକୁ ଗୁରୁତ୍ୱର ସହ ନେଉଛୁ । ଏହାର କାରଣ ହେଉଛି ଇରାନ ପାଖରେ ପରମାଣୁ ହତିଆର ନ ରହିବା ଦରକାର ।

ଫିଲିପିନ୍ସ ରାଜଧାନୀ ମାନିଲାରେ, ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବିରଳ ପୃଥିବୀ ଖଣିଜ ପଦାର୍ଥ ଉତ୍ପାଦନ ବିଷୟରେ ଏକ ବଡ଼ ଦାବି କରିଛନ୍ତି । ସେ କହିଛନ୍ତି ଯେ ଆମେରିକା ଅଭୂତପୂର୍ବ ସ୍ତରରେ ବିରଳ ପୃଥିବୀ ଖଣିଜ ପଦାର୍ଥ ଉତ୍ପାଦନ କରୁଛି ଏବଂ ଆଗାମୀ ୧୦ ମାସ ମଧ୍ୟରେ ଏହାର ସମସ୍ତ ଆବଶ୍ୟକତା ପୂରଣ କରିବା ସ୍ଥିତିରେ ରହିବ । ଆମେରିକା ରାଷ୍ଟ୍ରପତି ଆହୁରି କହିଛନ୍ତି, "ଆମକୁ ଯାହା ଆବଶ୍ୟକ, ଆମେ ତାହା ଆଗାମୀ ୧୦ ମାସ ମଧ୍ୟରେ ପାଇବୁ । ବିରଳ ଖଣିଜ ପଦାର୍ଥ କ୍ଷେତ୍ରରେ, ଆମେ ଏହାକୁ ବଡ଼ ପରିମାଣରେ ଉତ୍ପାଦନ କରୁଛୁ ।"ଟ୍ରମ୍ପ୍ ବିରଳ ଖଣିଜ ପଦାର୍ଥ ଉତ୍ପାଦନ ସମ୍ପର୍କରେ ଭାରତ ଏବଂ ଜାପାନର ମଧ୍ୟ ଉଲ୍ଲେଖ କରିଥିଲେ । ସେ କହିଛନ୍ତି ଯେ ଆମେରିକା ସହିତ, ଅନ୍ୟ ଦେଶମାନେ ମଧ୍ୟ ଏହି ଦିଗରେ ଦ୍ରୁତ ଗତିରେ କାମ କରୁଛନ୍ତି ।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କ୍ୱାଡ୍ ଦେଶଗୁଡ଼ିକର ନେତାମାନଙ୍କ ସହ ବୈଠକରେ ସହଭାଗୀତାର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ । ସେ କହିଥିଲେ ଯେ ଭାରତ ପାଇଁ କ୍ୱାଡ୍ ଏକ ଗଠନମୂଳକ ଏବଂ ନିର୍ଭରଯୋଗ୍ୟ ସହଭାଗୀତା । ପ୍ରଧାନମନ୍ତ୍ରୀ ମୋଦୀ କହିଥିଲେ, "ଭାରତ ପାଇଁ କ୍ୱାଡ୍ ଏକ ଗଠନମୂଳକ ଏବଂ ନିର୍ଭରଯୋଗ୍ୟ ସହଭାଗୀତା । ସାମୁଦ୍ରିକ ସୁରକ୍ଷାଠାରୁ ବିଶ୍ୱସ୍ତ ଯୋଗାଣ ଶୃଙ୍ଖଳ, ନୂତନ ପ୍ରଯୁକ୍ତିବିଦ୍ୟାଠାରୁ ବିପର୍ଯ୍ୟୟ ପରିଚାଳନା ପର୍ଯ୍ୟନ୍ତ, କ୍ୱାଡ୍ ନିର୍ଭରଯୋଗ୍ୟ ସମାଧାନ ପ୍ରଦାନ କରେ ।" ପ୍ରଧାନମନ୍ତ୍ରୀ ତାଙ୍କ ଭାଷଣରେ ସାମୁଦ୍ରିକ ସୁରକ୍ଷା, ଦୃଢ଼ ଯୋଗାଣ ଶୃଙ୍ଖଳ, ନୂତନ ପ୍ରଯୁକ୍ତିବିଦ୍ୟା ଏବଂ ବିପର୍ଯ୍ୟୟ ମୁକାବିଲାରେ ପାରସ୍ପରିକ ସହଯୋଗକୁ କ୍ୱାଡ୍ ସହଭାଗୀର ପ୍ରମୁଖ କ୍ଷେତ୍ର ଭାବରେ ଆଲୋକପାତ କରିଥିଲେ ।