ମୁମ୍ଵାଇ ୨୨।୧୧; ବଲିଉଡ ଭାଇଜାନ ତଥା ସୁପରଷ୍ଟାର ସଲମାନ ଖାନ ପୁଣି ଥରେ ଦମଦାର ଅନ୍ଦାଜରେ ବଡ଼ ପରଦାକୁ ଫେରୁଛନ୍ତି । ତାଙ୍କର ଫିଲ୍ମ 'ମାତୃଭୂମି' ୪ ଡିସେମ୍ବରରେ ରିଲିଜ୍ ହେବ । ଯାହାକୁ ନେଇ ପ୍ରଶଂସକଙ୍କ ମଧ୍ୟରେ ଉତ୍ସାହ ଦ୍ୱିଗୁଣିତ ହୋଇଯାଇଛି । ଏହା ଭିତରେ ସଲମାନ ଖାନ ରିଆଲିଟି ଟିଭି ଶୋ' 'ବିଗ୍ ବସ୍ ୨୦'କୁ ହୋଷ୍ଟ କରିବ ସହ ନିଜ ଫିଲ୍ମର ପ୍ରମୋସନ ମଧ୍ୟ କରୁଛନ୍ତି । ସଲମାନ ଖାନ ଗତ କିଛି ଦିନ ତଳେ ନିଜ ଶୋ'ରେ ଟ୍ରୋଲିଂ ଏବଂ ବଡି ଶେମିଂ ଭଳି ପ୍ରସଙ୍ଗରେ ଖୋଲାଖୋଲି ଭାବେ ଆଲୋଚନା କରିଥିଲେ, ଆଉ ଏବେ ଏକ ସାକ୍ଷାତକାରରେ ସେ କହିଛନ୍ତି ଯେ, ସୋସିଆଲ ମିଡିଆରେ ଚାଲୁଥିବା ଟ୍ରୋଲିଂ ଏବଂ ଟ୍ରେଣ୍ଡ୍ସ ବିଷୟରେ ସେ ପୂରା ଅବଗତ । ସେ ଜାଣନ୍ତି ଯେ ଫ୍ୟାନ୍ସଙ୍କୁ ଲାଗୁ ଥିଲା ତାଙ୍କ ଏନର୍ଜି କମ୍ ହୋଇ ଯାଇଛି ।

ସଲମାନ ଖାନ ଏବିପି ନ୍ୟୁଜ ସହ ଏକ ଆଲୋଚନାରେ କହିଛନ୍ତି ଯେ, ସେ ସେହି କମେଣ୍ଟଗୁଡ଼ିକ ବିଷୟରେ ଜାଣନ୍ତି ,ଯେଉଁଥିରେ କୁହାଯାଉଛି ଯେ ଗତ କିଛି ଫିଲ୍ମରେ ଭାଇଜାନଙ୍କ ଏନର୍ଜି କମ୍ ହୋଇ ଯାଇଛି । ଆମକୁ ଆମର ସେହି ପୁରୁଣା ଭାଇଜାନ ଦରକାର । ସଲମାନ ଖାନ କହିଛନ୍ତି, ଏହି ଦିନରେ ମୁଁ ଏକ ସୁନ୍ଦର ନ୍ୟାରେଟିଭ୍ ଦେଖୁଛି, ଯାହାକୁ ମୋ ଟିମ୍ ମଧ୍ୟ ଶେୟାର କରିଥିଲା, ଯେଉଁଥିରେ ମୋ ଫ୍ୟାନ୍ସ କହୁଛନ୍ତି ଯେ ଆମକୁ ସେହି ଭାଇ ପୁଣି ଦରକାର । ସେ ଧମାକାଦାର ଫିଲ୍ମ କରିଛନ୍ତି, କିନ୍ତୁ ଗତ ୫-୬ଟି ଫିଲ୍ମରେ ତାଙ୍କର ଏନର୍ଜି ଲେଭଲ୍ ବହୁତ କମ୍ ହୋଇ ଯାଇଛି । ଭାଇଙ୍କୁ କ'ଣ ହୋଇ ଯାଇଛି ? ଏମିତି ଲାଗୁଛି ଯେ ଭାଇଙ୍କର ଆଉ କାମ କରିବାକୁ ମନ ହିଁ ନାହିଁ । ଭାଇଙ୍କୁ ନିଜ ସାଙ୍ଗମାନଙ୍କ କଥା ଶୁଣିବା ଉଚିତ ନୁହେଁ । ଭାଇ ଏହା । ଭାଇ ତାହା । ମାତୃଭୂମିର ଟ୍ରେଲର ଦେଖିବା ପରେ ଆମକୁ ଲାଗିଲା ଯେ ଭାଇ ଫେରି ଆସିଛନ୍ତି ।

ସଲମାନ ଖାନ ଏହି ସାକ୍ଷାତକାରରେ ଟଙ୍କା ପଇସାକୁ ନେଇ ତାଙ୍କର ଦୃଷ୍ଟିକୋଣ ଏବଂ ନିଜ ଡାଏଟ୍ ବିଷୟରେ ମଧ୍ୟ କହିଛନ୍ତି । ସଲମାନ ଖାନ ବିଗ୍ ବସରେ ପ୍ରାୟତଃ ଖାଦ୍ୟକୁ ନେଇ ହେଉଥିବା ଝଗଡ଼ାର ଉଲ୍ଲେଖ କରି କହିଛନ୍ତି, ବିଗ୍ ବସରେ ଏମାନେ ଖାଦ୍ୟକୁ ନେଇ ଝଗଡ଼ା କରୁଛନ୍ତି । ଏମାନେ ଗୋଟିଏ ଦିନରେ ଯେତିକି ଖାଆନ୍ତି, ମୁଁ ସେତିକି ଗୋଟିଏ ସପ୍ତାହରେ ଖାଏ । ସଲମାନ ଖାନ କହିଛନ୍ତି, ମୁଁ ଦିନରେ କେବଳ ଗୋଟିଏ ଚାମଚ ଭାତ ଏବଂ ଯାହା ବି ଚିକେନ୍-ମଟନ୍ କିମ୍ବା ତରକାରୀ ହୋଇଥାଏ, ତାହା ଖାଏ । କେବଳ ଏତିକି ହିଁ । ସଲମାନ ଖାନ କହିଛନ୍ତି ଯେ କେମିତି ତାଙ୍କର ଆବଶ୍ୟକତା ଆଜି ବି ବହୁତ କମ୍ ଅଛି, ସେ ଆଜି ବି ସେହି ପୁରୁଣା ଢଙ୍ଗରେ ନିଜ ଜୀବନ ବିତାନ୍ତି ।

ସଲମାନ ଖାନ ଟଙ୍କା ପଇସାକୁ ନେଇ ମଧ୍ୟ ତାଙ୍କର ଦୃଷ୍ଟିକୋଣ କହିଛନ୍ତି। ଭାଇଜାନ କହିଛନ୍ତି ଯେ ଆଜି ବି ଟଙ୍କା ପଇସାକୁ ନେଇ ତାଙ୍କର ଆଭିମୁଖ୍ୟ ସେହିଭଳି ଅଛି, ଯାହା ପିଲାଦିନେ ତାଙ୍କର ଛୋଟ ଛୋଟ ଆବଶ୍ୟକତା ଉପରେ ରହି ଥିଲା । ସଲମାନ ଖାନ ପୁରୁଣା କଥାକୁ ମନେ ପକାଇ କହିଛନ୍ତି ଯେ କେମିତି ତାଙ୍କୁ କେହି ଥରେ ପରାମର୍ଶ ଦେଇଥିଲେ ଯେ, ୧୦ ଲକ୍ଷ ଟଙ୍କା ନିଜ ବ୍ୟାଙ୍କ ଆକାଉଣ୍ଟରେ ଜମା କରି ଦିଅନ୍ତୁ ଏବଂ ତା'ପରେ ୨ ହଜାର ଟଙ୍କାର ସୁଧ ନେଇ ଚାଲନ୍ତୁ । ସଲମାନ ଖାନ କହିଛନ୍ତି ଯେ, ସେ ଆଜି ବି ଏହି ଫିଲୋସଫିରେ ବିଶ୍ୱାସ ରଖନ୍ତି । ସଲମାନଙ୍କ ୱାର୍କ ଫ୍ରଣ୍ଟ କଥା ଯଦି କହିବା ତ ତାଙ୍କର ଆଗାମୀ ଫିଲ୍ମ ଜବରଦସ୍ତ ଆକ୍ସନ ଓ ଥ୍ରୀଲର ହେବାକୁ ଯାଉଛି ।