ନୂଆଦିଲ୍ଲୀ/ତେହେରାନ: ଭାରତ ସରକାରଙ୍କ ବୈଦେଶିକ ବ୍ୟାପାର ରାଷ୍ଟ୍ରମନ୍ତ୍ରୀ ପବିତ୍ର ମାର୍ଘେରିଟା ଇରାନର ପୂର୍ବତନ ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନୀଙ୍କ ରେ ଭାରତର ପ୍ରତିନିଧିତ୍ୱ କରିବେ। ଆସନ୍ତା ଜୁଲାଇ ୪ ତାରିଖରେ ତେହେରାନଠାରେ ଏହି ଉତ୍ସବ ଅନୁଷ୍ଠିତ ହେବ। ଏହି ପ୍ରତିନିଧି ଦଳରେ ବିହାରର ରାଜ୍ୟପାଳ ଲେଫ୍ଟନାଣ୍ଟ ଜେନେରାଲ ସୟଦ ଅତା ହସନେନ୍ ମଧ୍ୟ ସାମିଲ ହେବାର ସମ୍ଭାବନା ରହିଛି।

ପବିତ୍ର ମାର୍ଘେରିଟା କିଏ?

ପବିତ୍ର ମାର୍ଘେରିଟା ହେଉଛନ୍ତି ଆସାମରୁ ନିର୍ବାଚିତ ପ୍ରଥମ ଥରର ରାଜ୍ୟସଭା ସାଂସଦ। ଜୁନ୍ ୨୦୨୪ରୁ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ମନ୍ତ୍ରିମଣ୍ଡଳରେ ବୈଦେଶିକ ବ୍ୟାପାର ଏବଂ ବୟନ ଶିଳ୍ପ ମନ୍ତ୍ରଣାଳୟର ରାଷ୍ଟ୍ରମନ୍ତ୍ରୀ ଭାବେ କାର୍ଯ୍ୟ କରୁଛନ୍ତି। ସେ ୧୯୭୪ ମସିହା ଅକ୍ଟୋବର ୧୩ରେ ଆସାମର ମାର୍ଘେରିଟା ସହରରେ ଜନ୍ମଗ୍ରହଣ କରିଥିଲେ। ଗୁଆହାଟୀର ଆସାମ ଟେକ୍ସଟାଇଲ୍ ଇନଷ୍ଟିଚ୍ୟୁଟ୍ରୁ ସେ ଟେକ୍ସଟାଇଲ୍ ଟେକ୍ନୋଲୋଜିରେ ଡିପ୍ଲୋମା କରିଛନ୍ତି। ରାଜନୀତିରେ ପ୍ରବେଶ କରିବା ପୂର୍ବରୁ ସେ ସାଂସ୍କୃତିକ ଓ ମିଡ଼ିଆ କ୍ଷେତ୍ରରେ ସକ୍ରିୟ ଥିଲେ। ୧୯୯୮ରୁ ୨୦୦୫ ମଧ୍ୟରେ ସେ 'ମାୟା' ଓ 'ସା ରେ ଗା ମା' ଭଳି ଆସାମୀ ମାସିକ ପତ୍ରିକାର ମୁଖ୍ୟ ସମ୍ପାଦକ ଥିଲେ। ସେ ୨୦ରୁ ଅଧିକ ଆସାମୀ ଡକ୍ୟୁମେଣ୍ଟାରୀ ଏବଂ ଶହେରୁ ଅଧିକ ଲୋକଗୀତର ନିର୍ମାଣ କରିଛନ୍ତି। ୨୦୧୪ରେ ରାଜନୀତି ଆରମ୍ଭ କରି ସେ ଆସାମ ସରକାରଙ୍କ ବିଭିନ୍ନ ଗୁରୁତ୍ୱପୂର୍ଣ୍ଣ ପଦବୀରେ ରହିଥିଲେ। ୨୦୧୭ରୁ ୨୦୨୧ ପର୍ଯ୍ୟନ୍ତ ସେ 'ଜ୍ୟୋତି ଚିତ୍ରବନ ଫିଲ୍ମ ଷ୍ଟୁଡ଼ିଓ'ର ଅଧ୍ୟକ୍ଷ ଭାବେ ଆସାମୀ କଳା ଓ ସଂସ୍କୃତିର ପ୍ରଚାର ପାଇଁ କାର୍ଯ୍ୟ କରିଥିଲେ।

ଖାମେନୀଙ୍କ ଅନ୍ତିମ ସଂସ୍କାର କାର୍ଯ୍ୟକ୍ରମ:

ଇରାନର ରାଷ୍ଟ୍ରପତି ମାସୁଦ ପେଜେଶକିଆନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଏହି ୬ ଦିନିଆ ଅନ୍ତିମ ସଂସ୍କାର କାର୍ଯ୍ୟକ୍ରମରେ ଯୋଗ ଦେବା ପାଇଁ ନିମନ୍ତ୍ରଣ କରିଥିଲେ। ଏହି କାର୍ଯ୍ୟକ୍ରମ ତେହେରାନ, କୁମ୍ ଏବଂ ମସାଦ୍ ସହରରେ ଅନୁଷ୍ଠିତ ହେବଜୁଲାଇ ୪-୫ରେତେହେରାନରେ ବିଦାୟ ସମ୍ବର୍ଦ୍ଧନା,ଜୁଲାଇ ୬ରେତେହେରାନରେ ମୁଖ୍ୟ ଶୋଭାଯାତ୍ରା।ଜୁଲାଇ ୭ରେପବିତ୍ର ସହର କୁମ୍ରେ ଉତ୍ସବ।ଜୁଲାଇ ୯ରେଜନ୍ମସ୍ଥାନ ମସାଦ୍ରେ ସମାଧି। ଇରାନ ଏହି କାର୍ଯ୍ୟକ୍ରମ ପାଇଁ ଚୀନ୍, ଋଷ, ପାକିସ୍ତାନ ଏବଂ କତାରର ନେତାଙ୍କୁ ମଧ୍ୟ ନିମନ୍ତ୍ରଣ କରିଛି। ପାକିସ୍ତାନ ପ୍ରଧାନମନ୍ତ୍ରୀ ଶେହବାଜ ସରିଫ ନିଜର ପ୍ରତିନିଧି ଦଳ ପଠାଇବେ ବୋଲି ସ୍ପଷ୍ଟ କରିସାରିଛନ୍ତି।

Also Read: ସେନା ମଙ୍ଗ ଧରିଲେ ଜେନେରାଲ୍ ଧୀରଜ ସେଠ୍, ଜାଣନ୍ତୁ କିଏ ଏହି ଦକ୍ଷ ସାମରିକ ଅଫିସର