ନୂଆଦିଲ୍ଲୀ: ଭାରତର ପ୍ରମୁଖ ଭାଗିଦାର ଦେଶମାନେ ଶନିବାର ୮୦ତମ ସ୍ୱାଧୀନତା ଦିବସ ଅବସରରେ ଶୁଭକାମନା ଜଣାଇଛନ୍ତି ଓ ଦ୍ୱିପାକ୍ଷୀୟ ସମ୍ପର୍କ ଏବଂ କ୍ଷେତ୍ରୀୟ ସହଯୋଗକୁ ଆହୁରି ମଜଭୁତ କରିବା ପାଇଁ ନିଜ ସଂକଳ୍ପ ଦୋହରାଇଛନ୍ତି। ଇସ୍ରାଏଲ ରାଷ୍ଟ୍ରପତି ଆଇଜକ ହର୍ଜୋଗ ଭାରତର ରାଷ୍ଟ୍ରପତି ଦ୍ରୌପଦୀ ମୁର୍ମୁ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସ୍ୱାଧୀନତା ଦିବସର ଶୁଭକାମନା ଜଣାଇଛନ୍ତି। ସେ ଏ ନେଇ ସୋସିଆଲ ମିଡିଆରେ ଏକ ପୋଷ୍ଟ କରିଥିବା ବେଳେ ଏଥିରେ ‘ଈଶ୍ୱର କରନ୍ତୁ ଇସ୍ରାଏଲ ଓ ଭାରତ ମଧ୍ୟରେ ଏହି ସୁନ୍ଦର ମିତ୍ରତା ଲଗାତାର ଆହୁରି ମଜଭୁତ ହେଉ’ ବୋଲି ଉଲ୍ଲେଖ କରିଛନ୍ତି।

ଏହି ଅବସରରେ ନେପାଳ ପ୍ରଧାନମନ୍ତ୍ରୀ ବାଲେନ୍ଦ୍ର ଶାହ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ଭାରତୀୟ ଜନତାଙ୍କୁ ହାର୍ଦ୍ଦିକ ଶୁଭକାମନା ଦେଇଛନ୍ତି। ତାଙ୍କ କାର୍ଯ୍ୟାଳୟ ପକ୍ଷରୁ ସୋସିଆଲ ମିଡିଆରେ ଜାରି ବାର୍ତ୍ତା ଅନୁସାରେ ‘ନେପାଳ ଓ ଭାରତ ମଧ୍ୟରେ ଗଭୀର ଐତିହାସିକ ସମ୍ପର୍କ, ଲୋକଙ୍କ ମଧ୍ୟରେ ନିକଟତା ଓ ସହଯୋଗ ଆଗାମୀ ବର୍ଷମାନଙ୍କରେ ଆହୁରି ମଜଭୁତ ହେଉ’ ବୋଲି ଉଲ୍ଲେଖ କରାଯାଇଛି। ସିଙ୍ଗାପୁର ରାଷ୍ଟ୍ରପତି ଥରମନ ଷଣମୁଗରତ୍ନମ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କୁ ଲେଖିଥିବା ପତ୍ରରେ ଭାରତର ଜନତାଙ୍କୁ ସ୍ୱାଧୀନତା ଦିବସର ଶୁଭକାମନା ଜଣାଇବା ସହିତ କହିଛନ୍ତି ଯେ ସିଙ୍ଗାପୁର ‘ଆସିୟାନ’ର ସର୍ବ ପୁରାତନ ସମ୍ବାଦ ସହଯୋଗୀ ରୂପେ ଏକ ଭାବେ ବାଣିଜ୍ୟ, ଡିଜିଟାଲ ଅର୍ଥବ୍ୟବସ୍ଥା, ଉର୍ଜା ସୁରକ୍ଷା ଓ ଉର୍ଜା ପରିବର୍ତ୍ତନ ଭଳି କ୍ଷେତ୍ରରେ କ୍ଷେତ୍ରୀୟ ଏକିକରଣ ଓ ଦୃଢତା ଲାଗି ଭାରତ ସହିତ ନିକଟ ସହଯୋଗ ଜାରି ରଖିବ।

ଭାରତ-ସିଂଙ୍ଗାପୁର ସମ୍ପର୍କକୁ ବହୁ ଆୟାମୀ ବୋଲି ରାଷ୍ଟ୍ରପତି କହିଛନ୍ତି। ଏହି ଅବସରରେ ସିଙ୍ଗାପୁରରେ ଭାରତୀୟ ହାଇକମିଶନ ଶିଳ୍ପକ ଅମ୍ବୁଲେ ଭାରତର ୮୦ତମ ସ୍ୱାଧୀନତା ଦିବସରେ ଆୟୋଜିତ କାର୍ଯ୍ୟକ୍ରମରେ ଭାରତର ଜାତୀୟ ପତାକା ଉତ୍ତୋଳନ କରିଛନ୍ତି। ଏହି କାର୍ଯ୍ୟକ୍ରମରେ ୨,୫୦୦ରୁ ଅଧିକ ପ୍ରବାସୀ ଭାରତୀୟ ଅଂଶଗ୍ରହଣ କରିଥିଲେ। ଉଚ୍ଚାୟୋଗ ପରିସରରେ ଅନୁଷ୍ଠିତ କାର୍ଯ୍ୟକ୍ରମରେ ଅମ୍ବୁଲେ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ଦେଶକୁ ସମ୍ବୋଧନର ଅଂଶ ମଧ୍ୟ ପଢି ଶୁଣାଇଛନ୍ତି।

ଭୁଟ୍ଟାନ ପ୍ରଧାନମନ୍ତ୍ରୀ ସେରିଂ ତୋବଗେ ମଧ୍ୟ ଭାରତୀୟ ଜନତାଙ୍କୁ ସ୍ୱାଧୀନତା ଦିବସର ଶୁଭକାମନା ଜଣାଇଛନ୍ତି। ଏ ନେଇ ସେ ସୋସିଆଲ ମିଡିଆରେ ଏକ ପୋଷ୍ଟ କରିଥିବା ବେଳେ ‘ମୋ ବଡ଼ ଭାଇ ନରେନ୍ଦ୍ର ମୋଦି ଓ ଭାରତର ଜନତାଙ୍କୁ ୮୦ତମ ସ୍ୱାଧୀନତା ଦିବସର ହାର୍ଦିକ ଶୁଭକାମନା’ ଜଣାଇଛନ୍ତି। ମାଲଦ୍ୱୀରକ ପୂର୍ବତନ ରାଷ୍ଟ୍ରପତି ଇବ୍ରାହୀମ ମୋହମଦ ସୋଲିହ ଏହି ଅବସରରେ ଭାରତକୁ ଶୁଭକାମନା ଜଣାଇ ୧୯୪୭ ପରେ ଭାରତର ଯାତ୍ରାକୁ ବିକାଶଶୀଳ ଦେଶଙ୍କ ନିମନ୍ତେ ପ୍ରେରଣାଦାୟକ ବୋଲି କହିଛନ୍ତି।

ଏହା ପୂର୍ବରୁ ଶୁକ୍ରବାର ଆମେରିକା ବୈଦେଶିକ ମନ୍ତ୍ରୀ ମାର୍କୋ ଋବିୟୋ ଭାରତର ୮୦ତମ ସ୍ୱାଧୀନତା ଦିବସ ଅବସରରେ ଦେଶବାସୀଙ୍କୁ ବଧେଇ ଜଣେଇ କହିଥିଲେ ଯେ ପ୍ରଧାନମନ୍ତ୍ରୀ ମୋଦି ଓ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବ୍ୟକ୍ତିଗତ ସମ୍ବଦ୍ଧ କାରଣରୁ ଭାରତ-ଆମେରିକା ଦ୍ୱିପାକ୍ଷୀୟ ସମ୍ପର୍କ ପୂର୍ବାପେକ୍ଷା ଅଧିକ ମଜଭୁତ ହୋଇଛି। ଋବିୟୋ ବୟାନରେ କହିଛନ୍ତି ଯେ ଦୁଇ ଦେଶର ଲୋକଙ୍କ ମଧ୍ୟରେ ମିତ୍ରତା ଓ ପାରିବାରିକ ସମ୍ପର୍କର ଗଭୀର ଚେର ଏକ ଏପରି ଭାଗିଦାରୀରର ନିଅଁ ପକାଇଛି ଯାହା ନବନ୍ୱେଷୀ, ନମନିୟ ଓ ଦୂରଦର୍ଶି। ଋବିୟୋ କହିଛନ୍ତି ଯେ ଆମେରିକା ପକ୍ଷରୁ ଭାରତୀୟ ଲୋକଙ୍କୁ ସେମାନଙ୍କ ସ୍ୱାଧୀନତା ଦିବସ ଅବସରରେ ହାର୍ଦ୍ଦିକ ବଧେଇ ଜଣାଉଛି।