ତେହେରାନ: ହର୍ମୁଜ ପ୍ରଣାଳୀରେ ଉଲ୍ଲଂଘନକୁ ନେଇ ଆମେରିକା ଓ ଇରାନ ମଧ୍ୟରେ ଉପୁଜିଥିବା ଉତ୍ତେଜନାରେ ତେହେରାନ ରବିବାର ସବୁ ପକ୍ଷଙ୍କୁ ହର୍ମୁଜ ପ୍ରବନ୍ଧନରେ ହସ୍ତକ୍ଷେପ ନ କରିବାକୁ ଆଗ୍ରହ କରିଛି। ଇରାନ ବିଦେଶ ମନ୍ତ୍ରୀ ଅବାସ ଅରାଘଚୀ କହିଛନ୍ତି ଯେ ହର୍ମୁଜ ପ୍ରଣାଳୀ ୩୦ ଦିନ ମଧ୍ୟରେ ଯୁଦ୍ଧ ପୂର୍ବ ସ୍ଥିତିକୁ ଫେରି ଆସିବ। ଏ ନେଇ ଇରାନ ଓ ଯୁକ୍ତରାଷ୍ଟ୍ର ଆମେରିକା ମଧ୍ୟରେ ସ୍ୱାକ୍ଷରିତ ବୁଝାମଣା ଜ୍ଞାପନ ଅନୁସାରେ ଏ ସମ୍ପର୍କରେ କୌଣସି ଅନ୍ୟ ଅନୁଷ୍ଠାନ ଅଥବା ଦେଶର କୌଣସି ଭୂମିକା ନାହିଁ। ଏଣୁ ଅରାଘଚୀ କହିଛନ୍ତି ଯେ ମୁଁ ସବୁ ପକ୍ଷଙ୍କୁ ଅନୁରୋଧ କରୁଛି ଯେ ହର୍ମୁଜ ପ୍ରଣାଳୀ ଖୋଲିବା ପାଇଁ ଇରାନ ଦ୍ୱାରା କରାଯାଉଥିବା ବ୍ଯବସ୍ଥାରେ କେହି ହସ୍ତକ୍ଷେପ ନ କରନ୍ତୁ।

ଅରାଘଚୀ ହର୍ମୁଜରେ ଉତ୍ତେଜନା ହ୍ରାସ ନିମନ୍ତେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଉପରେ ଦାୟିତ୍ୱ ନ୍ୟସ୍ତ କରିଛନ୍ତି ଓ କ୍ଷେତ୍ରରେ ଯୁଦ୍ଧ ସମାପ୍ତି ପ୍ରଭବ ସୁନିଶ୍ଚିତ କରିବାକୁ କହିଛନ୍ତି। ଅରାଘଚୀ କହିଛନ୍ତି ଯେ ଆମେରିକା ସରକାରଙ୍କ ଏହା ଦାୟିତ୍ୱ ଯେ ସେ ଏମଓୟୁରେ ନିଜେ ଓ ଜିୟୋନୀ ଶାସନ ପକ୍ଷରୁ ସ୍ୱୀକାର କରିଥିବା ସଂକଳ୍ପ ଅନୁସାରେ ଶାସନର ଆକ୍ରମଣକୁ ଅଟକାନ୍ତୁ ଓ ସେଠାରେ ଯୁଦ୍ଧ ସମାପ୍ତି ନିଶ୍ଚିତ କରନ୍ତୁ। ସେହିପରି ନିୟନ୍ତ୍ରିତ କରିଥିବା କ୍ଷେତ୍ରରୁ ସେନା ପ୍ରତ୍ୟାହାର ସୁନିଶ୍ଚିତ କରନ୍ତୁ। ଏହା ବୁଝାମଣା ଜ୍ଞାପନର ଅନୁଚ୍ଛେଦ ୧ର ପ୍ରାବଧାନମାନଙ୍କ ମଧ୍ୟରୁ ଅନ୍ୟତମ।

ଇରାନର ଏହି ଚେତାବନୀ ହର୍ମୁଜ ପ୍ରଣାଳିରେ ଏକ ବାଣିଜ୍ୟିକ ମାଲବାହକ ଜାହାଜ ଉପରେ ଡ୍ରୋନ ଆକ୍ରମଣ ଜବାବରେ ଆମେରିକା ସେନା ଦ୍ୱାରା ଇରାନର ମିଜାଇଲ ଓ ଡ୍ରୋନ ଭଣ୍ଡାରଣ ସ୍ଥଳ ସହିତ ଉପକୂଳ ରାଡାର କେନ୍ଦ୍ର ଉପରେ କରାଯାଇଥିବା ଆକ୍ରମଣ ମଧ୍ୟରେ ଆସିଛି। ସେଣ୍ଟକମ୍ ଅନୁସାରେ ଏହି ଆକ୍ରମଣ ଜୁନ ୨୫ ତାରିଖ ଦିନ ଇରାନ ଦ୍ୱାରା ସିଙ୍ଗାପୁର ପତାକା ଥିବା ଏମଭି ଏଭର ଲଭଲି ଜାହାଜ ଉପରେ ଡ୍ରୋନ ଆକ୍ରମଣ ପରେ ହୋଇଥିଲା। ଏହି ଜାହାଜଟି ଓମାନ ଉପକୂଳ ଦେଇ ହର୍ମୁଜ ପାର କରୁଥିବା ବେଳେ ଇରାନ ଆକ୍ରମଣ କରିଥିଲା।