ବ୍ରହ୍ମପୁର ୧।୮: ଏମକେସିଜିରେ ପିଜି ପରୀକ୍ଷା ପ୍ରଶ୍ନପତ୍ର ପ୍ରଘଟ ଘଟଣା ହେଲା ତଦନ୍ତ । ବ୍ରହ୍ମପୁର ଏମକେସିଜି ମେଡିକାଲ କଲେଜର ତଦନ୍ତ କମିଟି ତଦନ୍ତ କଲେ । ସନ୍ଧ୍ୟା ସୁଦ୍ଧା ତଦନ୍ତ ରିପୋର୍ଟ ଦାଖଲ କରାଯିବ କହିଲେ ମେଡିକାଲ ରେଜିଷ୍ଟର ।

ପିଜି ପରୀକ୍ଷା ପ୍ରଶ୍ନପତ୍ର ପ୍ରଘଟ ଘଟଣାରେ ବ୍ରହ୍ମପୁର ଏମକେସିଜି ମେଡିକାଲ କଲେଜ ତଦନ୍ତ କମିଟି ତଦନ୍ତ କରିଛନ୍ତି । ୫ ଜଣିଆ କମିଟିଙ୍କ ତଦନ୍ତ ଶେଷ ହୋଇଥିବା ବେଳେ ଶନିବାର ସନ୍ଧ୍ୟା ସୁଦ୍ଧା ତଦନ୍ତ ରିପୋର୍ଟ ଦାଖଲ କରାଯିବ ବୋଲି ମେଡିକାଲ ରେଜିଷ୍ଟର କହିଛନ୍ତି । ତଦନ୍ତ ବେଳେ ସାଇବର ପୋଲିସ ହସ୍ତକ୍ଷେପ କରିଥିବା କହିଛନ୍ତି ରେଜିଷ୍ଟର ।

ସେପଟେ ଆଜି ଅନୁଷ୍ଠିତ ହୋଇଥିବା ପରୀକ୍ଷା ଶାନ୍ତି ଶୃଙ୍ଖଳାର ସହ ସମାପନ ହୋଇଥିବା ମେଡିକାଲ କର୍ତ୍ତୃପକ୍ଷ କହିଛନ୍ତି । ପରୀକ୍ଷା ହଲ୍ ଭିତରକୁ ମୋବାଇଲ ଫୋନ୍ କି ସ୍ମାର୍ଟ ଫୋନ୍ ନେବାକୁ ସମ୍ପୂର୍ଣ୍ଣ ବାରଣ କରାଯାଇଥିଲା ବୋଲି ମେଡିକାଲ କଲେଜ କର୍ତ୍ତୃପକ୍ଷ କହିଛନ୍ତି ।