ନୂଆଦିଲ୍ଲୀ: ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ହଙ୍ଗେରୀ ମାଟିରେ ପ୍ରବେଶ କଲେ ତାଙ୍କୁ ହେପାଜତକୁ ନିଆଯିବ। ସୋମବାର ହଙ୍ଗେରୀର ନବନିର୍ବାଚିତ ପ୍ରଧାନମନ୍ତ୍ରୀ ପିଟର ମେଗ୍ୟାର, ନେତାନ୍ୟାହୁଙ୍କୁ ନେଇ ଏଭଳି କିଛି ବିବୃତ୍ତି ରଖିଛି। ପ୍ରକୃତରେ ଏହି ବିବୃତ୍ତି ହଙ୍ଗେରୀର ପୂର୍ବତନ ପ୍ରଧାନମନ୍ତ୍ରୀ ଭିକ୍ଟର ଓର୍ବନଙ୍କ ଦ୍ବାରା ୨୦୨୫ ଏପ୍ରିଲରେ ଅନ୍ତର୍ଜାତୀୟ ଅପରାଧିକ ନ୍ୟାୟାଳୟ (ଆଇସିସି)ରୁ ହଟିବା ଘୋଷଣା ପରେ ଆସିଛି। ଯେଉଁଥିରେ ସେ ଏହାକୁ ‘ରାଜନୈତିକ ଭାବରେ ପକ୍ଷପାତିତା’ ବୋଲି କହିଥିଲେ। ତେବେ ମେଗ୍ୟାର କହିଛନ୍ତି ହଙ୍ଗେରୀ ଆଇସିସିରୁ ହଟିବା ପ୍ରକ୍ରିୟାକୁ ରୋକ୍ ଲାଗଯିବ। ଆନୁଷ୍ଠାନିକ ଭାବରେ ହଟିବା ତାରିଖ ଜୁନ୍ ୨ ରହିଛି।

ସୂଚନାଥାଉକି, ଆଇସିସି ୨୦୨୪ ନଭେମ୍ବରରେ କଥିତ ଯୁଦ୍ଧ ଅପରାଧ ଏବଂ ମାନବତା ବିରୋଧୀ ଅପରାଧ ଅଭିଯୋଗରେ ନେତାନ୍ୟାହୁ ଏବଂ ତାଙ୍କ ପୂର୍ବତନ ପ୍ରତିରକ୍ଷା ମନ୍ତ୍ରୀ ୟୋଆବ ଗେଲେଣ୍ଟଙ୍କ ବିରୋଧରେ ଗିରଫ ଓ୍ବାରେଣ୍ଟ ଜାରି କରିଥିଲେ। ଏମିତିରେ ରୋମ ଚୁକ୍ତିର ଅନୁଚ୍ଛେଦ ୮୯ ଅନୁସାରେ ଆଇସିସିର ସବୁ ସଦସ୍ୟ ବ୍ୟକ୍ତିଙ୍କ ଗିରଫଦାରୀ ଏବଂ ଆତ୍ମସମର୍ପଣ ଅନୁରୋଧ ପାଳନ କରିବା ପାଇଁ ଆଇନତଃ ବାଧ୍ୟ।

ହଙ୍ଗେରୀରେ ଗିରଫ ହେବେକି ନେତାନ୍ୟାହୁ ?

ଆଇସିସିରୁ ହଟିବା ନିଷ୍ପତ୍ତିକୁ ନେଇ ଗଣମାଧ୍ୟମରେ ହଙ୍ଗେରୀର ନୂଆ ପ୍ରଧାନମନ୍ତ୍ରୀ ମେଗ୍ୟାର କହିଥିଲେ ଯେ, ଏକଥା ଇସ୍ରାଏଲ ପ୍ରଧାନମନ୍ତ୍ରୀଙ୍କୁ ମଧ୍ୟ ସ୍ପଷ୍ଟ କରାଯାଇଛି ଟିସଜା ସରକାର ଦୃଢ଼ ସଂକଳ୍ପବଦ୍ଧ। ଏହାକୁ ରୋକା ଯାଉ ଏବଂ ସୁନିଶ୍ଚିତ କରାଯାଉ ଯେ, ହଙ୍ଗେରୀ ଆଇସିସିର ସଦସ୍ୟ ହୋଇରହିବ। ଯଦି କୌଣସି ଦେଶ ଆଇସିସିର ସଦସ୍ୟ ଏବଂ ଆଇସିସି ଦ୍ବାରା ବଞ୍ଚିତ ଆଉ ସେ ଆମ କ୍ଷେତ୍ରରେ ପ୍ରବେଶ କରନ୍ତି ତାଙ୍କୁ ହେପାଜତକୁ ନିଆଯିବା ଦରକାର।

Also Read: ଇରାନରେ ସରିନାହିଁ ଅଭିଯାନ, ଇସ୍ରାଏଲ ଗୁଇନ୍ଦା ସଂସ୍ଥା ମୋସାଦର ପୁଣି ଧମକ

ଏପ୍ରିଲ ୧୫ରେ ହୋଇଥିବା ସୌହାର୍ଦ୍ଦ୍ୟପୂର୍ଣ୍ଣ ସାକ୍ଷାତକାର ସମୟରେ ମେଗ୍ୟାର ନେତାନ୍ୟାହୁଙ୍କୁ ଦେଶ ଗସ୍ତ ପାଇଁ ନିମନ୍ତ୍ରଣ ଦେଇଛନ୍ତି। ନେତାନ୍ୟାହୁ ୨୦୨୬ ଅକ୍ଟୋବରରେ ୧୯୫୬ର ହଙ୍ଗେରିଆନ ବିଦ୍ରୋହର ୭୦ତମ ବାର୍ଷିକ ସମାରୋହରେ ସାମିଲ ହେବେ। ଅବଶ୍ୟ, ଇସ୍ରାଏଲ ପ୍ରଧାନମନ୍ତ୍ରୀଙ୍କ ଗିରଫାଦାରୀ ଉପରେ ମେଗ୍ୟାରଙ୍କ ପ୍ରତିକ୍ରିୟା ନେତାନ୍ୟାହୁଙ୍କ ଯୋଜନାରେ ପରିବର୍ତ୍ତନ ହୋଇପାରେ। ସେ ୨୦୨୫ ଏପ୍ରିଲରେ ବୁଡାପେଷ୍ଟ ଗସ୍ତ କରିଥିଲେ। ଯେତେବେଳେ ଓର୍ବନ ତାଙ୍କୁ ଗିରଫ କରିବାକୁ ମନା କରିଥିଲେ ଆଉ କହିଥିଲେ ଯେ, ସେ ଆଇସିସିରୁ ହଟିବା ଘୋଷଣା କରିଥିଲେ।

ଅବଶ୍ୟ ଅନେକ ଦେଶ ଆଇସିସିକୁ ରୋମ ଆଇନର ଅନୁଚ୍ଛେଦ ୮୯ର ପାଳନ କରିବାକୁ ମନା କରିଛନ୍ତି। ଆଇସିସି ଆଇନର ଧାରା ୮୯ର ଉଦାହରଣ ଦେଇ ଫ୍ରାନ୍ସ ଯୁକ୍ତି ରଖିଛି ଯେ, ନେତାନ୍ୟାହୁଙ୍କ ଗିରଫଦାରୀ ଇସ୍ରାଏଲ ସହ ତାଙ୍କ ଅନ୍ୟ ବୁଝାମଣାର ଉଲ୍ଲଘଂନ କରିବ। ଧାରା ୯୮ରେ କୁହାଯାଇଛି ଯେ, କୌଣସି ଦେଶ କୌଣସି ବ୍ୟକ୍ତିଙ୍କ ରାଜନୈତିକ ପ୍ରତିରକ୍ଷା ସମ୍ପର୍କରେ ଅନ୍ତର୍ଜାତୀୟ ଆଇନ ଅନୁସାରେ ନିଜ ଦାୟିତ୍ବର ବିପରୀତ କାର୍ଯ୍ୟ କରିପାରିବେ ନାହିଁ। ଜର୍ମାନୀ ଏବଂ ଇଟାଲି ମଧ୍ୟ ଇସ୍ରାଏଲ ନେତାଙ୍କୁ ପ୍ରତିରକ୍ଷା ପ୍ରଦାନ କରିଛନ୍ତି।