ନୂଆଦିଲ୍ଲୀ୨୬। ୦୫; ମଧ୍ୟପ୍ରାଚ୍ୟ ଯୁଦ୍ଧରେ ଘାଣ୍ଟି ହେଉଛି ଭାରତ । ଯୁଦ୍ଧ ଥମୁନି କିନ୍ତୁ ଦର ବଢି ବଢି ଚାଲିଛି । ଲୋକଙ୍କୁ ନାକେଦମ କଲାଣି ମହଙ୍ଗାମାଡ଼ । ରାତି ପାହିଲେ ବୃଦ୍ଧି ପାଉଛି ଦର। ଲୋକଙ୍କୁ ପରିବାର ଚଳାଇବା ମସ୍କିଲ ହୋଇପଡିଛି । ଦିନକୁ ଦିନ ଇନ୍ଧନ ଦର ଉପରମୁହାଁ ହେଉଛି ।  ୧୧ ଦିନରେ ୪ ଥର ପଟ୍ରୋଲ୍-ଡିଜେଲ ଦର ବଢିବା ପରେ ପୁଣି ସିଏନଜି ଦର ବଢିଛି । ୧୫ ଦିନରେ ଚତୁର୍ଥ ଥର ୨ ଟଙ୍କା ବଢିଛି ସିଏନଜି । ପେଟ୍ରୋଲ ଏବଂ ଡିଜେଲ ସହିତ, CNG ଦର ମଧ୍ୟ କ୍ରମାଗତ ଭାବରେ ବୃଦ୍ଧି ପାଉଛି । ନୂଆ ଦର ଦର ସହିତ ରାଜଧାନୀରେ ନୂତନ CNG ଦର ଏବେ ପ୍ରତି କିଲୋଗ୍ରାମ ପିଛା ୮୩.୦୯ ଟଙ୍କା ରହିଛି । ୨ ସପ୍ତାହରେ ୫ ଟଙ୍କା ମହଙ୍ଗା ହେଇଛି ଦର ।

ପୂର୍ବରୁ, ଦିଲ୍ଲୀରେ CNGର ମୂଲ୍ୟ ପ୍ରତି କିଲୋ ୮୧.୦୯ ଥିଲା । ୨ ଟଙ୍କା ବୃଦ୍ଧି ପରେ ଶ୍ରମିକ ବର୍ଗଠାରୁ ଆରମ୍ଭ କରି ବାଣିଜ୍ୟିକ ଯାନବାହାନ ଚାଳକଙ୍କ ପର୍ଯ୍ୟନ୍ତ ସମସ୍ତଙ୍କ ମାସିକ ବଜେଟକୁ ବାଧା ଦେଇଛି । ଗତ କିଛି ଦିନ ମଧ୍ୟରେ ମୂଲ୍ୟ ଗ୍ରାଫ୍ କେତେ ଦ୍ରୁତ ଗତିରେ ବୃଦ୍ଧି ପାଇଛି ତାହା ସ୍ପଷ୍ଚ । ଗୋଟିଏ ମାସ ମଧ୍ୟରେ ୪ଥର ମୂଲ୍ୟ ସଂଶୋଧନ କରାଯାଇଛି । ପ୍ରତ୍ୟେକ ଥର ଜଣେ ଗ୍ରାହକ ନିଜ ଗାଡ଼ିର ଟାଙ୍କି ଭରିବାକୁ ପେଟ୍ରୋଲ ପମ୍ପକୁ ଯାଆନ୍ତି, ସେମାନଙ୍କୁ ଅଧିକ ବିଲ୍ ଦେବାକୁ ପଡ଼େ । ଏହି ନିରନ୍ତର ବୃଦ୍ଧି ମଧ୍ୟବିତ୍ତ ବର୍ଗଙ୍କୁ ଚିନ୍ତାରେ ପକାଇଛି । ଯେଉଁମାନେ ଦୈନନ୍ଦିନ ଇନ୍ଧନ ଖର୍ଚ୍ଚ ବଞ୍ଚାଇବା ପାଇଁ ପେଟ୍ରୋଲ ଏବଂ ଡିଜେଲ ବଦଳରେ CNG ଯାନ ବ୍ୟବହାର କରିଥିଲେ।

କହିବାକୁ ଗଲେ ଗତକାଲି ପେଟ୍ରୋଲ-ଡିଜେଲ ଦର ବଢିଥିଲା । ୧୧ ଦିନରେ ୪ ଥର ଦରରେ ବୃଦ୍ଧି ହୋଇଥିଲା । ଲିଟର ପିଛା ଉଭୟ ଇନ୍ଧନ ଅଢେଇ ଟଙ୍କାରୁ ଅଧିକ ମହଙ୍ଗା ହୋଇଥିଲା । ଏହି ଭଳି ପେଟ୍ରୋଲ-ଡିଜେଲ ପ୍ରାୟ ୮ ଟଙ୍କା ବଢିଗଲାଣି । ଏଭଳି ସ୍ଥିତିରେ ଆଗକୁ ପରିବହନ ଖର୍ଚ୍ଚ ସହ ଆହୁରି ମହଙ୍ଗା ମାଡ଼ରେ ଖାଉଟି ଏକପ୍ରକାର ଚେପା ହୋଇଯିବା ଥୟ । ଇନ୍ଧନ ଦର ବଢିବା ଦ୍ୱାରା ଟ୍ରକ୍ ଏବଂ ବସ୍ ଭଡ଼ା ବଢିବ । ଫଳରେ ଅନ୍ୟ ରାଜ୍ୟରୁ ଆସୁଥିବା ପନିପରିବା, ଫଳ ଏବଂ ରାସନ୍ ଆଦି ମହଙ୍ଗା ହୋଇଯିବ ।  ଆନ୍ତର୍ଜାତୀୟ ଚାପ ସିଧାସଳଖ ଘରୋଇ ଖୁଚୁରା ମୂଲ୍ୟକୁ ପ୍ରଭାବିତ କରିଛି। ଏହି କାରଣରୁ କମ୍ପାନୀ ଏହାର ବର୍ଦ୍ଧିତ ଇନପୁଟ୍ ଖର୍ଚ୍ଚକୁ ପୂରଣ କରିବା ପାଇଁ ବାରମ୍ବାର ମୂଲ୍ୟ ସଂଶୋଧନ କରିବାକୁ ବାଧ୍ୟ ହେଉଛି ।

Also Read-Petrol Diesel Price Hike 4th Time in 10 Days: ୧୦ ଦିନରେ ୪ର୍ଥ ଥର ବଢ଼ିଲା ତେଲ ଦର, ଭୁବନେଶ୍ଵରରେ ୧୦୮.୮୩ ପେଟ୍ରୋଲ ରେଟ