ମୁମ୍ବାଇ ୦୬। ୦୮: ଟିଭିର ଜଣାଶୁଣା ଅଭିନେତା ଗୌରବ ଖାନ୍ନାଙ୍କ ପତ୍ନୀ ଅଭିନେତ୍ରୀ ଆକାଂକ୍ଷା ଚାମୋଲା ଲାଇମ୍‌ ଲାଇଟ୍‌ରେ ଅଛନ୍ତି । ଲକଅପ୍ ୨ ରେ ଏଣ୍ଟ୍ରି କରିବା ସମୟରୁ ହିଁ ତାଙ୍କ ପର୍ସନାଲ ଲାଇଫକୁ ନେଇ ଚର୍ଚ୍ଚାକୁ ଆସିଛନ୍ତି।  ରିଆଲିଟି ଶୋରେ ଏଣ୍ଟ୍ରି କରିବା ସମୟରେ ସେ ଘୋଷଣା କରିଥିଲେ ଯେ ସେ ଏବଂ ଗୌରବ ଛାଡପତ୍ର ନେଉଛନ୍ତି। ଏହି ଖବର ପ୍ରଶଂସକ ମାନଙ୍କୁ ଆଶ୍ଚର୍ଯ୍ୟ କରିଥିଲା। ଅଭିନେତ୍ରୀ ଶୋ’ରେ ଗୌରବଙ୍କ ବିଷୟରେ କହିଥିଲେ ଯେତେବେଳେ ସେ ତାଙ୍କୁ ଭେଟିଥିଲେ, ଆକାଂକ୍ଷା ଖୁସି ନଥିଲେ। ତଥାପି, ସେମାନଙ୍କ ଛାଡପତ୍ର ଘୋଷଣା କରିବା ପୂର୍ବରୁ, ଉଭୟଙ୍କୁ ସବୁବେଳେ ଏକାଠି ଦେଖା ଯାଉଥିଲା। ଏହା ଦ୍ୱାରା ଅନେକ ଲୋକ ଦମ୍ପତିଙ୍କୁ ଟ୍ରୋଲ୍ କରିଥିଲେ ଏବଂ ଛାଡପତ୍ର ଖବରକୁ କେବଳ ପବ୍ଲିସିଟି ଷ୍ଟଣ୍ଟ୍ ବୋଲି କହିଥିଲେ ।

ଏବେ, ଆକାଂକ୍ଷା ଏହି ବିବାଦ ଉପରେ ତାଙ୍କ ନୀରବତା ଭାଙ୍ଗିଛନ୍ତି । ଏବଂ ଛାଡପତ୍ର କଥା ସତ କି ନା ତାହା ପ୍ରକାଶ କରିଛନ୍ତି । ଅଭିନେତ୍ରୀ କହିଛନ୍ତି ଯେ ସେ କେବଳ ଟିଆରପି ପାଇଁ ଏତେ ଗୁରୁତ୍ୱପୂର୍ଣ୍ଣ ବିଷୟ ବିଷୟରେ କହିପାରିବେ ନାହିଁ । ସେ ତାଙ୍କ ପକ୍ଷରେ ଆହୁରି ଅନେକ ବୟାନ ଦେଇଛନ୍ତି । ଆସନ୍ତୁ ଜାଣିବା।ଛାଡପତ୍ର ଖବର ବିଷୟରେ କ’ଣ କହିଲେ ଆକାଂକ୍ଷା ?

ଏବେ ଏକ ସାକ୍ଷାତକାରରେ ଆକାଂକ୍ଷାଙ୍କୁ ପଚରାଗଲା ଯେ, ଛାଡପତ୍ର ଘୋଷଣା କେବଳ ଟିଆରପି ପାଇଁ କରାଯାଇଛି କି ? । ଏହାର ଉତ୍ତରରେ ସେ କହିଥିଲେ, 'ମୁଁ ଭାବୁନାହିଁ ଯେ କୌଣସି ମହିଳା ଏତେ ବଡ଼ ମଞ୍ଚରେ ଯାଇ କେବଳ ଟିଆରପି ପାଇଁ ତାଙ୍କର ଛାଡପତ୍ର ଘୋଷଣା କରିବ । ଯଦି ଲୋକମାନେ ଏବେ ବି ଏପରି ଅନୁଭବ କରନ୍ତି, ତେବେ ମୁଁ କ’ଣ କହିବି ? ସେମାନେ ମୋ ଘରକୁ ଆସି ମୋ ଟିମ୍ ସହ କଥା ହୋଇପାରିବେ । ମୁଁ ଟିଆରପି ପାଇଁ କିଛି କରୁନାହିଁ'... '। ବର୍ତ୍ତମାନ କେବଳ ଫାଇନାଲ୍ କାଗଜପତ୍ରରେ ସ୍ୱାକ୍ଷର କରିବା ବାକି ଅଛି '।  'ମୁଁ 'ଲକ୍ ଅପ୍ ୨'ରେ ଦେଖାଯିବା ପୂର୍ବରୁ ଆମର ଲିଗାଲ ଟିମ ଏହି ବିଷୟରେ କାମ କରୁଥିଲେ । ସମ୍ପୂର୍ଣ୍ଣ ପ୍ରକ୍ରିୟା ପୂର୍ବରୁ ସମାପ୍ତ ହୋଇ ସାରିଛି । ତେଣୁ, ଏହା କହିବା ଭୁଲ ଯେ ଆମେ TRP ପାଇଁ ଏସବୁ କରୁଛୁ। '

ଆକାଂକ୍ଷା ଆହୁରି କହିଛନ୍ତି ଯେ 'ଜଣେ କଳାକାର ହେବାର ଅର୍ଥ ନୁହେଁ ଯେ ତାଙ୍କ ଜୀବନର ପ୍ରତ୍ୟେକ ନିଷ୍ପତ୍ତି କେବଳ ଟିଆରପି ପାଇଁ ନିଆ ଯାଇଥାଏ । 'ସେ ଆହୁରି କହିଥିଲେ ଯେ, 'ଆମେ ବିବାହ କରିବା ସମୟରେ ମଧ୍ୟ ଲୋକମାନେ କହୁଥିଲେ ଯେ ଏହା ପ୍ରଚାର ପାଇଁ, ଯାହା ଆଦୌ ସତ ନଥିଲା । କେବଳ ଆମେ ଅଭିନେତା ହୋଇଥିବାରୁ ଏହାର ଅର୍ଥ ଏହା ନୁହେଁ ଯେ ଆମର ସମସ୍ତ ବ୍ୟକ୍ତିଗତ କଥା ଦେଖେଇବା ପାଇଁ ।

 

ଆକାଂକ୍ଷା ଏବଂ​​​​​​​ଗୌରବଙ୍କ ଛାଡପତ୍ର କେବେ ହେବ ?

ଆକାଂକ୍ଷା କହିଛନ୍ତି ଯେ,' ସେ ଏବଂ ଗୌରବ ପରସ୍ପର ସହ ମିଶି ଅଲଗା ହେବାକୁ ନିଷ୍ପତ୍ତି ନେଇଛନ୍ତି । ସେମାନେ ଗତ ବର୍ଷେ ଧରି ଅଲଗା ରହୁଛନ୍ତି ଏବଂ ଦୀର୍ଘ ସମୟ ଧରି ଏହି ନିଷ୍ପତ୍ତି ବିଷୟରେ ଆଲୋଚନା କରୁଛନ୍ତି '। ସେ ଆହୁରି ବି ଜଣାଇଛନ୍ତି 'ଆମ ମଧ୍ୟରେ କୌଣସି ତିକ୍ତତା ନାହିଁ । ଆମେ ଏବେ ବି ପରସ୍ପର ସହିତ କଥା ହେଉଛୁ, କିନ୍ତୁ ଆମେ ଅନୁଭବ କରୁଛୁ ଯେ, ଜୀବନସାଥୀ ଭାବରେ ଆମେ ପରସ୍ପର ପାଇଁ ଉପଯୁକ୍ତ ନୁହେଁ । କାରଣ ଆମ ଦୁହିଁଙ୍କର ଜୀବନରୁ ଭିନ୍ନ ଭିନ୍ନ ଆଶା ଅଛି ।