ୱାସିଂଟନ: ଆମେରିକାର ଏକ ସଂଘୀୟ କୋର୍ଟ ରାଷ୍ଟ୍ରପତିଙ୍କ ଅଧିକାରୀକ ବାସଭବନ ଓ କାର୍ଯ୍ୟାଳୟ ‘ହ୍ୱାଇଟ୍ ହାଉସ୍’କୁ ଏକ ଝଟକା ଦେଇଛି। କୋର୍ଟ କହିଛି ଯେ ରାଷ୍ଟ୍ରପତି ଟ୍ରମ୍ପଙ୍କ ଦ୍ୱାରା ଲାଗୁ କରାଯାଇଥିବା ୧୦% ବୈଶ୍ୱିକ ଶୁଳ୍କ ‘ଅବୈଧ’ ଓ ଆଇନ ଦ୍ୱାରା ‘ଅନଧିକୃତ’। ଏଣୁ କୋର୍ଟ ଏ ନେଇ ସରକାରଙ୍କ ଆବେଦନକୁ ଅଗ୍ରାହ୍ୟ କରିଦେଇଛି। ଟ୍ରମ୍ପଙ୍କ ଦ୍ୱାରା ପୂର୍ବରୁ ଲାଗୁ କରାଯାଇଥିବା ବ୍ୟାପକ ଶୁଳ୍କକୁ ଖାରଜ କରିବାକୁ ଉଚ୍ଚତମ ନ୍ୟାୟାଳୟଙ୍କ ନିଷ୍ପତ୍ତି ପରେ ଆମେରିକା ପ୍ରଶାସନ ଫେବୃଆରୀ ୨୪ ତାରିଖରେ ଭାରତ ସମେତ ସବୁ ଦେଶଙ୍କ ଉପରେ ୧୫୦ ଦିନ ଲାଗି ଏକ ନୂଆ ଶୁଳ୍କ ଲାଗୁ କରିଥିଲା।

ଉଚ୍ଚତମ ନ୍ୟାୟାଳୟ କହିଥିଲେ ଯେ ଅନ୍ତର୍ଜାତୀୟ ଜରୁରିକାଳୀନ ଆର୍ଥିକ ଶକ୍ତି ଅଧିନିୟମ (ଆଇଇଇପିଏ) ଶୁଳ୍କ ଲାଗୁ କରିବାକୁ ଅନୁମତି ଦିଏ ନାହିଁ। ଆମେରିକା ଅନ୍ତର୍ଜାତୀୟ ବାଣିଜ୍ୟ ନ୍ୟାୟାଳୟ ଗୁରୁବାର ରାୟ ରେ କହିଛି ଯେ ଟ୍ରମ୍ପ ୧୦% ଶୁଳ୍କ ଲାଗୁ କରିବା ପାଇଁ ୧୯୭୪ ବାଣିଜ୍ୟ ଅଧିନିୟମର ଯେଉଁ ପ୍ରାବଧାନ ଉପଯୋଗ କରିଛନ୍ତି ତାହା କେବଳ ପୈଠ ସନ୍ତୁଳନ ସଂକଟ ପରିସ୍ଥିତିରେ ପ୍ରଭାବୀ ହୋଇ ପାରିବ। କୋର୍ଟ ଗୋଟିଏ ବଦଳେ ଦୁଇ ବହୁମତରେ କହିଛନ୍ତି ଯେ ଟ୍ରମ୍ପ ସେହି ଶୁଳ୍କ ଅଧିନିୟମ ଅତିକ୍ରମଣ କରିଛନ୍ତି ଯାହା ସଂସଦ ରାଷ୍ଟ୍ରପତିଙ୍କୁ ଆଇନରେ ପ୍ରଦାନ କରିଛି।

ବହୁମତ ତାଙ୍କ ରାୟରେ କହିଛନ୍ତି ଯେ ଶୁଳ୍କ ଅମାନ୍ୟ ଓ ଆଇନ ଦ୍ୱାରା ଅନଧିକୃତ। ବିଚାରପତି ଜଷ୍ଟିସ୍ ମାର୍କ ଏ ବାର୍ଣ୍ଣେଟ୍ ଓ ଜଷ୍ଟିସ୍ କ୍ଲେୟାର ଆର. କେଲି ତାଙ୍କ ରାୟରେ କହିଛନ୍ତି ଯେ ଯଦି ରାଷ୍ଟ୍ରପତିଙ୍କୁ ପୈଠ ସନ୍ତୁଳନ ଘାଟା ଚିହ୍ନଟ ପାଇଁ କ୍ଷମତା ମିଳେ, ତେବେ ଯେଉଁ ପର୍ଯ୍ୟନ୍ତ ସବ ଆକାଉଣ୍ଟ ସନ୍ତୁଳିତ ନ ହୋଇଛି ସେ ପର୍ଯ୍ୟନ୍ତ ରାଷ୍ଟ୍ରପତି ପୈଠ ସନ୍ତୁଳନ କ୍ଷତି ଦେଖାଇ ପାରିବେ।