• ମୋଦିଙ୍କ ୩.୦ ମନ୍ତ୍ରିମଣ୍ଡଳର ପ୍ରଥମ ଓ ସମ୍ଭବତଃ ଶେଷ ସମ୍ପ୍ରସାରଣ ହୋଇପାରେ
  • ମନ୍ତ୍ରିମଣ୍ଡଳ ପ୍ରଥମଥର ସମ୍ପୂର୍ଣ୍ଣ କ୍ଷମତା ଅର୍ଥାତ ୮୦-୮୧ ମନ୍ତ୍ରୀଙ୍କ ପର୍ଯ୍ୟନ୍ତ ପହଞ୍ଚିବାର ସମ୍ଭାନା ରହିଛି
  • ଏହି ସମ୍ପ୍ରସାରଣକୁ ଦୀର୍ଘ ସମୟରୁ ଅପେକ୍ଷା କରାଯାଉଥିଲା

ନୂଆଦିଲ୍ଲୀ: ନରେନ୍ଦ୍ର ମୋଦି ମନ୍ତ୍ରିମଣ୍ଡଳର ବହୁ ପ୍ରତୀକ୍ଷିତ ସମ୍ପ୍ରସାରଣ ଦୁର୍ଗାପୂଜାର ଶୁଭ ଅବସର ସମ୍ଭତଃ ଅକ୍ଟୋବର ୨୦ ତାରିଖ ସୁଦ୍ଧା ହୋଇପାରେ। କେନ୍ଦ୍ର ସୂଚନା ଓ ପ୍ରସାରଣ ରାଜ୍ୟମନ୍ତ୍ରୀ ଏଲ.ମୁରୁଗନଙ୍କ କେନ୍ଦ୍ର ମନ୍ତ୍ରିମଣ୍ଡଳରୁ ଓ ରାଜ୍ୟସଭାରୁ ଇସ୍ତଫାକୁ ଏହାର ସଂକେତ ଭାବେ ଏବେ ଦେଖା ଯାଉଛି। ଏପରି ମଧ୍ୟ ଆକାଳନ କରାଯାଉଛି ଯେ ରାଜ୍ୟସଭାରେ ମୁରୁଗନଙ୍କ ସ୍ଥାନରେ ଏପରି କୌଣସି ଜଣେ ବ୍ୟକ୍ତିଙ୍କୁ ନିଯୁକ୍ତି କରାଯାଇ ପାରେ ଯିଏ ଶିକ୍ଷା ଭଳି ଗୁରୁତ୍ୱପୂର୍ଣ୍ଣ ମନ୍ତ୍ରାଳୟର ଦାୟିତ୍ୱ ତୁଲାଇ ପାରିବେ।

ଏହା ମୋଦିଙ୍କ ୩.୦ ମନ୍ତ୍ରିମଣ୍ଡଳର ପ୍ରଥମ ଓ ସମ୍ଭବତଃ ଶେଷ ସମ୍ପ୍ରସାରଣ ହୋଇପାରେ। ଏଥର ସମ୍ପ୍ରସାରଣରେ ମନ୍ତ୍ରିମଣ୍ଡଳ ପ୍ରଥମ ଥର ନିଜର ସମ୍ପୂର୍ଣ୍ଣ କ୍ଷମତା ଅର୍ଥାତ ୮୦-୮୧ ମନ୍ତ୍ରୀଙ୍କ ପର୍ଯ୍ୟନ୍ତ ପହଞ୍ଚିବାର ପ୍ରବଳ ସମ୍ଭାନା ରହିଛି। କେନ୍ଦ୍ର ମନ୍ତ୍ରିମଣ୍ଡଳରୁ ଏ ପର୍ଯ୍ୟନ୍ତ ୩ ଜଣ ମନ୍ତ୍ରୀଙ୍କ ଇସ୍ତଫା ହେଲାଣି। ତେବେ ଏଥିରେ ଧ୍ୟାନଦେବାଯୋଗ୍ୟ କଥାଟି ହେଉଥି ପେଟ୍ରୋଲିୟମ ମନ୍ତ୍ରୀ ହରଦୀପ ସିଂହ ପୁରୀ ଓ ବି.ଏଲ.ବର୍ମାଙ୍କୁ ଏଥର ପୁନଃ ମନୋନୀତ କରାଯାଇ ନାହିଁ। ଏହାର ଅର୍ଥ ହେଉଛି ମନ୍ତ୍ରିମଣ୍ଡଳ ସମ୍ପ୍ରସାରଣ ପର୍ଯ୍ୟନ୍ତ ଦୁଇଜଣ ମନ୍ତ୍ରୀ ହୋଇ ରହି ପାରନ୍ତି।

ସେହିପରି ପଙ୍କଜ ଚୌଧୁରୀ ଓ ହର୍ଷ ମଲହୋତ୍ରା ଯେଉଁମାନେ ଯଥାକ୍ରମେ ଉତ୍ତରପ୍ରଦେଶ ଓ ଦିଲ୍ଲୀର ରାଜ୍ୟସଭାପତି ନିଯୁକ୍ତ ଥିଲେ ସେମାନେ ମଧ୍ୟ ମନ୍ତ୍ରିମଣ୍ଡଳ ସମ୍ପ୍ରସାରଣ ପର୍ଯ୍ୟନ୍ତ କେନ୍ଦ୍ର ମନ୍ତ୍ରିମଣ୍ଡଳରେ ରହି ପାରନ୍ତି। ତେବେ ଏଥର ମନ୍ତ୍ରିମଣ୍ଡଳ ସମ୍ପ୍ରସାରଣ କାଳରେ ମଧ୍ୟପ୍ରଦେଶରୁ ମୁରୁଗନଙ୍କ ଦ୍ୱାରା ରିକ୍ତ ରାଜ୍ୟସଭା ଆସନରେ କାହାକୁ ମନ୍ତ୍ରୀ ନିଯୁକ୍ତ କରାଯିବ ସମସ୍ତଙ୍କ ଧ୍ୟାନ ଏହା ଉପରେ ରହିବ। ବର୍ତ୍ତମାନ କେନ୍ଦ୍ର ଖାଦ୍ୟମନ୍ତ୍ରୀ ପ୍ରହ୍ଲାଦ ଯୋଶୀଙ୍କୁ ଶିକ୍ଷାମନ୍ତ୍ରାଳୟର ଅତିରିକ୍ତ ଦାୟିତ୍ୱ ଦିଆଯାଇଛି। ଏହା ଛଡା ଏନଡିଏ ସହଯୋଗୀ ଦଳରୁ ମଧ୍ୟ କିଛି ସାଂସଦଙ୍କୁ ମନ୍ତ୍ରୀପଦ ମିଳିପାରେ।

କେନ୍ଦ୍ର ମନ୍ତ୍ରିମଣ୍ଡଳ ସମ୍ପ୍ରସାରଣର ଆଉ ଏକ ଦିଗ ମଧ୍ୟ ଏବେ ଚର୍ଚ୍ଚାରେ ରହିଛି। ତାହା ହେଉଛି ଏହି ସମ୍ପ୍ରସାରଣକୁ ଦୀର୍ଘ ସମୟରୁ ଅପେକ୍ଷା କରାଯାଉଥିଲା। ଆଶା କରାଯାଉଛି ଏହା ଦ୍ୱାରା ନା କେବଳ ସରକାରଙ୍କ କାର୍ଯ୍ୟରେ ପରିବର୍ତ୍ତନ ଆସିବ ବରଂ ରାଜନୈତିକ ବିମର୍ଷରେ ମଧ୍ୟ ପରିବର୍ତ୍ତନ ଆସିବ। ଗତ ୧୦ ଦିନ ହେଲା ବିରୋଧୀ ଦଳ ଲଗାତାର ସଡ଼କକୁ ଓହ୍ଲାଇ ପ୍ରଦର୍ଶନ କରୁଛନ୍ତି। ଏହା ଛଡା ସୋସିଆଲ ମିଡିଆରେ ଦେଶର ନିର୍ବାଚନୀ ପାରଦର୍ଶିତାକୁ ନେଇ ପ୍ରଶ୍ନ ବଢିବାରେ ଲାଗିଛି। ଏଣୁ ମନ୍ତ୍ରିମଣ୍ଡଳ ସମ୍ପ୍ରସାରଣ ହେଲେ ଏକ ନୂଆ ଦୃଷ୍ଟିକୋଣ ସାମ୍ନାକୁ ଆସିବ।