ଅଗୁଗୋଳ ୬।୪: ପାଖେଇ ଆସୁଛି ଅକ୍ଷୟ ତୃତୀୟା, ମହାପ୍ରଭୁଙ୍କ ରଥକାଠ ଅନୁକୂଳ ହେବ । ଏହି ସମୟରେ ମହାପ୍ରଭୁଙ୍କ ରଥ ନିର୍ମାଣରେ ଲାଗିବ ଅନୁଗୋଳ ଫାଶି କାଠ । ଜେଜେ ବାପା ଲଗାଇଥିଲେ, ଆଜି ତାଙ୍କ ସ୍ଵପ୍ନ ସାକାର ହେଲା । ଭକ୍ତିମୟ ପରିବେଶ ମଧ୍ୟରେ ହୋଇଛି ଗଛ ଛେଦନ ।

ଅକ୍ଷୟ ତୃତୀୟା ଆଉ କିଛି ଦିନ ବାକି, ମହାପ୍ରଭୁଙ୍କ ରଥକାଠ ଅନୁକୂଳ ହେବ । ଆଉ ଏଭଳି ସମୟରେ ମହାପ୍ରଭୁଙ୍କ ରଥ ନିର୍ମାଣ ପାଇଁ ଅନୁଗୋଳରୁ ଯାଉଛି ଫାଶି କାଠ । ଅନୁଗୋଳ କୁଲାଡ଼ ଗ୍ରାମରୁ ଯାଇଛି ଦୁଇଟି ଗଛ । ଏଥିପାଇଁ ଭକ୍ତିମୟ ପରିବେଶ । ନାମ ସଂକୀର୍ତ୍ତନ କରି ଗଛକୁ ପୂଜାର୍ଚ୍ଚନା କରିଛନ୍ତି ଗ୍ରାମବାସୀ । ଡାକ୍ତର ସୋମ୍ୟକାନ୍ତ ବିଷୋୟୀଙ୍କ ବାଡିରୁ ଯାଉଛି ଏହି ଦୁଇଟି ଗଛ । ଜେଜେବାପା ଗଛ ଲଗାଇ ଥିଲେ, ଆଜି ଏହି ଗଛ ମହାପ୍ରଭୁଙ୍କ କାମରେ ଲାଗୁଛି । ତେଣୁ ଧନ୍ୟ ହେଲା ଜେଜେ ବାପାଙ୍କ ପରିଶ୍ରମ ବୋଲି ନାତି ଡାକ୍ତର ସୋମ୍ୟକାନ୍ତ ବିଷୋୟୀ କହିଛନ୍ତି ।

Also Read:- Sundarpada Blast: ସନ୍ଦେହ ବଢ଼ାଇଲା RDXର ବ୍ୟବହାର, ଅପରାଧିକ ଲିଙ୍କ୍ ଆଉ ଆତଙ୍କୀ ହମଲା ସମ୍ପର୍କିତ ତଦନ୍ତ କରିବ NIA

କେବଳ ସୋମ୍ୟକାନ୍ତ କାହିଁକି ସାରା କୁଲାଡ଼ ଏବଂ ଆଖପାଖ ଗାଁ ଆଜି ଧନ୍ୟ ହେଲା ବୋଲି ସ୍ଥାନୀୟ ଲୋକ କହିଛନ୍ତି । ଏତେ ବଡ଼ ଭାଗ୍ୟ କେବେ ହୋଇଥାନ୍ତା , ମହାପ୍ରଭୁ ନ ଚାହିଁଥିଲେ ଆଜି ଏହି ସୌଭାଗ୍ୟ ମିଳିନଥାନ୍ତା ବୋଲି କହିଛନ୍ତି ଗ୍ରାମବାସୀ । ଆଉ ଦୁଇ ଦିନ ପରେ ଭକ୍ତିମୟ ପରିବେଶ ମଧ୍ୟରେ ଏହି କାଠ ଶ୍ରୀକ୍ଷେତ୍ର ଅଭିମୁଖେ ଯାତ୍ରାକରିବ ବୋଲି ସୂଚନା ରହିଛି ।