ଚେନ୍ନାଇ: ତାମିଲନାଡୁ ରାଜନୀତିରେ ଆସନ୍ତାକାଲି ବଡ଼ ପରିବର୍ତ୍ତନ ହେବାକୁ ଯାଉଛି। ମୁଖ୍ୟମନ୍ତ୍ରୀ ସି ଯୋଶେଫ ନିଜ ମନ୍ତ୍ରିମଣ୍ଡଳର ବିସ୍ତାର କରିବାକୁ ଯାଉଛନ୍ତି, ଯେଉଁଥିରେ କଂଗ୍ରେସ ସାମିଲ୍ ହେବ। ଏହିପରି ଭାବେ ରାଜ୍ୟରେ ପ୍ରାୟ ୫୯ ବର୍ଷ ପରେ କଂଗ୍ରେସ ସିଧାସଳଖ ସରକାରରେ ସାମିଲ୍ ହେବ। ସୂତ୍ର ଅନୁଯାୟୀ, କଂଗ୍ରେସର ଦୁଇ ବିଧାୟକ ମନ୍ତ୍ରୀ ପଦରେ ଶପଥ ନେବେ। ବୁଧବାର ଏହାର ସୂଚନା ଦେଇଛନ୍ତି ପାର୍ଟିର ବରିଷ୍ଠ ନେତା କେସି ବେଣୁଗୋପାଳ।

ସୂତ୍ର ମୁତାବକ କଂଗ୍ରେସ ଓ ଟିଭିକେ ମଧ୍ୟରେ ସିଟ୍ ମନ୍ତ୍ରୀ ପଦ ନେଇ ସହମତି ପ୍ରକାଶ ପାଇଛି। ଏହି ଅନୁସାରେ କଂଗ୍ରେସର ଦୁଇ ଜଣ ବିଧାୟକଙ୍କୁ ବିଜୟଙ୍କ କ୍ୟାବିନେଟରେ ସ୍ଥାନ ମିଳିବ। ଏହି ପଦକ୍ଷେପ ରାଜ୍ୟ ରାଜନୀତିରେ ଏକ ନୂତନ ସମୀକରଣ ସୃଷ୍ଟି କରିପାରେ।

Also Read: ବିଚାରପତିଙ୍କ ବିବାଦରୁ ସୃଷ୍ଟି ହେଲା ‘କୋକ୍ରୋଚ୍ ଜନତା ପାର୍ଟି’ ୩ ଦିନରେ ସାମିଲ ହେଲେ ହଜାର ହଜାର ଯୁବକ

ଡିଏମକେର ସହଯୋଗୀ ଥିଲା କଂଗ୍ରେସ

କଂଗ୍ରେସ ଦୀର୍ଘ ସମୟ ଧରି ତାମିଲନାଡୁରେ ଡିଏମକେ ସହ ମେଣ୍ଟ ସହଯୋଗୀ ଭାବେ ରହି ଆସଥିଲା। ହେଲେ ଦଳକୁ କେବେ ବି ସରକାରରେ ସାମିଲ୍ ହେବାର ସୁଯୋଗ ମିଳି ନ ଥିଲା। ଦ୍ରାବିଡ଼ ଦଳଗୁଡ଼ିକର ଦବଦବା ଥିବା ଏହି ରାଜ୍ୟରେ ପ୍ରଥମ ଥର କଂଗ୍ରେସ ସରକାରର ଅଂଶ ବିଶେଷ ହେବାକୁ ଯାଉଛି।

୫୯ ବର୍ଷ ପରେ କ୍ଷମତାକୁ ଫେରିଲା ଦଳ

ତାମିଲନାଡୁରେ କଂଗ୍ରେସ ଶେଷ ସରକାର ୧୯୬୦ ଦଶକରେ ଗଠନ କରିଥିଲା। ଏହାପରେ ପ୍ରାୟ ସବୁ ସମୟରେ ଦଳ ଆଞ୍ଚଳିକ ଶକ୍ତି DMK କିମ୍ବା AIADMK ସହ ମେଣ୍ଟ କରି ନିର୍ବାଚନ ଲଢ଼ିଥିଲେ ମଧ୍ୟ ସରକାରର ଅଂଶବିଶେଷ ହୋଇପାରିନଥିଲା। ଏବେ ସି. ଜୋସେଫ୍ ବିଜୟଙ୍କ ସରକାରରେ କଂଗ୍ରେସର ଏହି ଏଣ୍ଟ୍ରି ଦକ୍ଷିଣ ଭାରତୀୟ ରାଜନୀତିରେ ଏକ ବଡ଼ ପରିବର୍ତ୍ତନର ସଙ୍କେତ ଦେଉଛି।

Also Read: ​​​​​​​ମୁଖ୍ୟମନ୍ତ୍ରୀ ଭାବରେ ଶପଥ ନେଲେ ଭିଡି ସତୀଶନ୍, ମନ୍ତ୍ରିମଣ୍ଡଳରେ ୨୦ ବିଧାୟକ, ଯୁବ ନେତାଙ୍କୁ ଗୁରୁ ଦାୟିତ୍ୱ

ଅନ୍ୟ ସହଯୋଗୀଙ୍କୁ ମଧ୍ୟ ନିମନ୍ତ୍ରଣ

କେବଳ କଂଗ୍ରେସ ନୁହେଁ, ଶାସକ TVK ନିଜର ଅନ୍ୟ ସହଯୋଗୀ ଦଳଗୁଡ଼ିକୁ ମଧ୍ୟ ମନ୍ତ୍ରୀମଣ୍ଡଳରେ ସାମିଲ ହେବାକୁ ନିମନ୍ତ୍ରଣ ପଠାଇଛି। ଟିଭିକେ ର ବରିଷ୍ଠ ନେତା ତଥା ମନ୍ତ୍ରୀ ଆଧବ ଅର୍ଜୁନ କହିଛନ୍ତି ଯେ, ଭିସିକେ (VCK) ମୁଖ୍ୟ ଥୋଲ ଥିରୁମାଭାଲାଭନ ମଧ୍ୟ ମନ୍ତ୍ରୀମଣ୍ଡଳର ଅଂଶ ହୁଅନ୍ତୁ ବୋଲି ମୁଖ୍ୟମନ୍ତ୍ରୀ ଚାହୁଁଛନ୍ତି। ଏହାସହ ଇଣ୍ଡିଆନ ୟୁନିୟନ ମୁସଲିମ ଲିଗ୍ (IUML) କୁ ମଧ୍ୟ ସରକାରରେ ଯୋଗଦେବାକୁ ପ୍ରସ୍ତାବ ଦିଆଯାଇଛି ଏବଂ ଏ ନେଇ ଦଳର ଶୀର୍ଷ ନେତୃତ୍ୱଙ୍କ ସହ ଆଲୋଚନା ଚାଲିଛି।

କଂଗ୍ରେସର ଏହି ଇନିଂସର ମାନେ କ’ଣ?

ମନ୍ତ୍ରିମଣ୍ଡଳ ସମ୍ପ୍ରସାରଣ ଏବଂ ସରକାରରେ କଂଗ୍ରେସର ଏହି ଏଣ୍ଟ୍ରିକୁ ଚଳିତ ୨୦୨୬ ମସିହାର ରାଜନୈତିକ ସମୀକରଣ ଦୃଷ୍ଟିରୁ ବେଶ ଗୁରୁତ୍ୱପୂର୍ଣ୍ଣ ମନେ କରାଯାଉଛି। ଏହା ଦ୍ଵାରା ମୁଖ୍ୟମନ୍ତ୍ରୀ ବିଜୟ ନିଜ ସରକାରକୁ ସ୍ଥିରତା ଦେବାକୁ ଚାହୁଁଥିବା ବେଳେ, କଂଗ୍ରେସ ମଧ୍ୟ ଦକ୍ଷିଣ ଭାରତରେ ନିଜର ସ୍ଥିତିକୁ ଆହୁରି ମଜବୁତ କରିବାକୁ ପ୍ରୟାସ କରୁଛି।