ଲକ୍ଷ୍ନୌ: ମଙ୍ଗଳବାର ଲକ୍ଷ୍ନୌର ଏକାନା ଷ୍ଟାଡିୟମରେ କ୍ୟାପ୍ଟେନ୍ ଶ୍ରେୟସ ଆୟରଙ୍କ ସୁପର ଶୋ ଦେଖିବାକୁ ମିଳିଛି। ୱେଷ୍ଟଇଣ୍ଡିଜ୍ ବୋଲିଂକୁ ନିର୍ଘାତ ପ୍ରହାର କରି ମ୍ୟାଚ୍ ଜିତାଇଛନ୍ତି କ୍ୟାପ୍ଟେନ୍। ମ୍ୟାଚ୍‌ରେ ବିସ୍ଫୋରକ ବ୍ୟାଟିଂ କରି ମାତ୍ର ୪୩ ବଲ୍‌ରେ ୧୦୨ ରନ୍ ହାସଲ କରିଥିଲେ ଶ୍ରେୟସ। ଏହା ତାଙ୍କର ପ୍ରଥମ ଟି-୨୦ ଅନ୍ତର୍ଜାତୀୟ ଶତକ ଥିଲା। ଏହି ସଫଳତା ପରେ କ୍ରିକେଟର ଏଲିଟ ଗ୍ରୁପରେ ସାମିଲ ହୋଇଛନ୍ତି ଶ୍ରେୟସ। ଟି-୨୦ ଅନ୍ତର୍ଜାତୀୟ ମୁକାବିଲାରେ ଦ୍ରୁତ ଶତକ ହାସଲ କରିଥିବା କ୍ୟାପ୍ଟେନଙ୍କ ତାଲିକାରେ ସେ ସ୍ଥାନ ପାଇଛନ୍ତି।

ପୂର୍ଣ୍ଣ-ସଦସ୍ୟ ଦଳର ଅଧିନାୟକଙ୍କ ଦ୍ୱାରା ଦ୍ରୁତତମ ଟି-୨୦ ଅନ୍ତର୍ଜାତୀୟ ଶତକ

୩୩ - ସିକନ୍ଦର ରାଜା (ଜିମ୍ବାୱେ) ବନାମ ଗାମ୍ବିଆ, ନାଇରୋବି, ୨୦୨୪
୩୫ - ରୋହିତ ଶର୍ମା (ଭାରତ) ବନାମ ଶ୍ରୀଲଙ୍କା, ଇନ୍ଦୋର, ୨୦୧୭
୪୨ - ହ୍ୟାରି ବ୍ରୁକ୍ (ଇଂଲଣ୍ଡ) ବନାମ ଶ୍ରୀଲଙ୍କା, ସାଉଥାମ୍ପଟନ୍, ୨୦୨୬
୪୨ - ଶ୍ରେୟସ ଆୟର (ଭାରତ) ବନାମ ୱେଷ୍ଟ ଇଣ୍ଡିଜ୍, ଲକ୍ଷ୍ନୌ, ୨୦୨୬
୪୬ - ଫାଫ୍ ଡୁ ପ୍ଲେସିସ୍ (ଦକ୍ଷିଣ ଆଫ୍ରିକା) ବନାମ ୱେଷ୍ଟଇଣ୍ଡିଜ, ଜୋହାନ୍ସବର୍ଗ, ୨୦୧୫

କେବଳ ସେତିକି ନୁହେଁ ଟି-୨୦ ଅନ୍ତର୍ଜାତୀୟ ମ୍ୟାଚ୍‌ରେ ରନ୍ ଚେଜ୍ କରି ଶତକ ହାସଲ କରିଥିବା ଭାରତୀୟ ବ୍ୟାଟରଙ୍କ ତାଲିକାରେ ମଧ୍ୟ ଶ୍ରେୟସଙ୍କ ନା ସାମିଲ୍ ହୋଇଛି।

T20I ମ୍ୟାଚ୍‌ରେ ଲକ୍ଷ୍ୟ ପିଛା କରି ଭାରତୀୟ ଖେଳାଳିଙ୍କ ଶତକ

୧୧୭ - ସୂର୍ଯ୍ୟକୁମାର ଯାଦବ ବନାମ ଇଂଲଣ୍ଡ, ଟ୍ରେଣ୍ଟ ବ୍ରିଜ୍, ୨୦୨୨
୧୧୦* - କେ.ଏଲ୍. ରାହୁଲ ବନାମ ୱେଷ୍ଟଇଣ୍ଡିଜ୍, ଲଡରହିଲ୍, ୨୦୧୬
୧୦୨* - ଶ୍ରେୟସ ଆୟର ବନାମ ୱେଷ୍ଟଇଣ୍ଡିଜ୍, ଲକ୍ଷ୍ନୌ, ୨୦୨୬
୧୦୧* - କେ.ଏଲ୍. ରାହୁଲ ବନାମ ଇଂଲଣ୍ଡ, ଓଲ୍ଡ ଟ୍ରାଫର୍ଡ, ୨୦୧୮
୧୦୦* - ରୋହିତ ଶର୍ମା ବନାମ ଇଂଲଣ୍ଡ, ବ୍ରିଷ୍ଟଲ୍, ୨୦୧୮

ମଙ୍ଗଳବାର ଲକ୍ଷ୍ନୌରେ ଖେଳାଯାଇଥିବା ଟି-୨୦ ସିରିଜ୍‌ରେ ପ୍ରଥମ ମ୍ୟାଚ୍‌ରେ ୱେଷ୍ଟ ଇଣ୍ଡିଜ୍ ଟସ୍ ହାରି ପ୍ରଥମ କରି ୧୭୨ ରନ୍ ଟାର୍ଗେଟ୍ ଦେଇଥିଲା। ଜବାବରେ ଭାରତ ମାତ୍ର ୧୪.୪ ଓଭରେ ଦୁଇ ୱିକେଟ ହରାଇ ଟାର୍ଗେଟ ହାସଲ କରି ନେଇଛି। ଫଳରେ ୱେଷ୍ଟ ଇଣ୍ଡିଜ ଆଜିର ମ୍ୟାଚ୍ ୮ ୱିକେଟ୍‌ରେ ପରାସ୍ତ ହୋଇଛି। ଏହି ବିଜୟ ସହିତ ଭାରତ ଟି-୨୦ ସିରିଜ୍‌ରେ ୧-୦ରେ ଅଗ୍ରଣୀ ରହିଛି। ଏବେ ଦୁଇ ଦେଶ ମଧ୍ୟରେ ସିରିଜର ଦ୍ୱିତୀୟ ଟି-୨୦ ମ୍ୟାଚ୍ ଶୁକ୍ରବାର ଅର୍ଥାତ୍ ୯ ଅକ୍ଟୋବରରେ ରାଞ୍ଚିରେ ଖେଳାଯିବ।

ଆଜିର ମ୍ୟାଚ୍ରେ ଶ୍ରେୟସ ଆୟର ୨୪୦.୫ ଷ୍ଟ୍ରାଇକ୍ ରେଟରେ ବ୍ୟାଟିଂ କରି ଟି-୨୦ ଅନ୍ତର୍ଜାତୀୟରେ ପ୍ରଥମ ଶତକ ହାସଲ କରିଛନ୍ତି। ୪୩ ବଲ୍‌ରେ ସର୍ବାଧିକ ୧୦୩ ରନ୍ କରିଥିଲେ ଶ୍ରେୟସ ଆୟର। ସେ ତାଙ୍କ ଇନିଂସରେ ୧୦ଟି ଚୌକା ଓ ୬ଟି ଛକା ମାରିଥିଲେ। ଶ୍ରେୟସଙ୍କ ବ୍ୟତୀତ ଆଜି ଇସାନ କିଶନ ୩୭ ରନ୍ ଓ ଓପନର ଅଭିଷେକ ଶର୍ମା ୨୧ ରନର ଯୋଗଦାନ ଦେଇଛନ୍ତି।

ଭାରତୀୟ ବୋଲରମାନେ ମଧ୍ୟ ଆଜି ଜବରଦସ୍ତ ବୋଲିଂ କରିଥିଲେ। ଡେବ୍ୟୁ କରିଥିଲା ନମନ ଧୀର-ସର୍ବାଧିକ ୩ ୱିକେଟ୍ ନେଇ ଯାତ୍ରାର ଶୁଭାରମ୍ଭ କରିଥିଲେ। ସେହିପରି କୁଲଦୀପ ଯାଦବ ଓ ଅକ୍ଷର ପଟେଲ ୨ଟି ଲେଖାଏ ୱିକେଟ୍ ନେଇଛନ୍ତି। ଅର୍ଶିଦୀପ ଓ ମୟଙ୍କ ଯାଦବ ଗୋଟିଏ ଲେଖାଏ ୱିକେଟ୍ ହାସଲ କରିଛନ୍ତି।