ଭୁବନେଶ୍ବର ୩୦।୧: ବାଲି ମାଫିଆଙ୍କୁ ନିସ୍ତାର ନାହିଁ । ବାଲି ମାଫିଆଙ୍କୁ ଘେରିଛି ଇଡି । ଇଡିରେ ହାଜର ହେଲେ ବାଲି ମାଫିଆ ବିଶ୍ବଜିତ ପାତ୍ର । ଇଡିରେ ହାଜର ହେବାକୁ ବାଲି ମାଫିଆ ବିଶ୍ବଜିତ ପାତ୍ରଙ୍କୁ ସମନ ଜାରି କରାଯାଇଥିଲା । ପୂର୍ବତନ ଯୁବ କଂଗ୍ରେସ ନେତା ହେଉଛନ୍ତି ବିଶ୍ୱଜିତ ପାତ୍ର । ଗତ ୧୬ ତାରିଖରେ ଗଞ୍ଜାମର ୬ ବାଲି ମାଫିଆଙ୍କ ଘରେ ରେଡ୍ କରାଯାଇଥିଲା । ଚଢ଼ାଉ ବେଳେ ୨ କୋଟି ୬୩ ଲକ୍ଷ ନଗଦ ଟଙ୍କା, ୧୦ ଦାମୀ ଗାଡି ଜବତ ହୋଇଥିଲା । ଏକକାଳୀନ ୨୫ଟି ସ୍ଥାନରେ ରେଡ୍ କରିଥିଲା ଇଡି ।

ସୂଚନାଯୋଗ୍ୟ ଯେ, ଗତ ୧୬ ତାରିଖରେ ସାରା ରାଜ୍ୟରେ ୨୫ଟି ସ୍ଥାନରେ ପ୍ରବର୍ତ୍ତନ ନିର୍ଦ୍ଦେଶାଳୟ ଚଢ଼ାଉ କରିଥିଲା । ବାଲି ମାଫିଆ ଓ ଗ୍ୟାଙ୍ଗଷ୍ଟାରଙ୍କ ବିଭିନ୍ନ ଠିକଣାରେ ରେଡ୍ କରିଥିଲା ଇଡି । ବେଆଇନ ଅର୍ଥ କାରବାର ନେଇ ରେଡ୍ ହେଉଥିବା ନେଇ ସୂଚନା ରହିଥିଲା । ବ୍ରହ୍ମପୁର, ଗଞ୍ଜାମ, ଆସିକା, ଭୁବନେଶ୍ୱର, କଟକ, ଖୋର୍ଦ୍ଧା ଭଳି ବିଭିନ୍ନ ସ୍ଥାନରେ ଚାଲିଥିଲା ରେଡ୍ । ଏହି ସର୍ଚ୍ଚ ଅପରେସନ ବେଳେ ପ୍ରାୟ ୨.୬୩ କୋଟି ନଗଦ ଟଙ୍କା ସହ ଫର୍ଚୁନର, ସ୍କର୍ପିଓ, ଥାର୍ ଭଳି ଅନେକ ଦାମୀ ବିଳାସପୂର୍ଣ୍ଣ ଗାଡ଼ି, ଗୁରୁତ୍ୱପୂର୍ଣ୍ଣ କାଗଜପତ୍ର ଓ ସମ୍ପତ୍ତିର ଦଲିଲ ଜବତ କରାଯାଇଛି । ଏହି ମାମଲାରେ ବିଶ୍ୱଜିତ୍ ପାତ୍ର ଏବଂ କିଛି ସ୍ଥାନୀୟ ରାଜନୈତିକ ନେତାଙ୍କ ସଂପୃକ୍ତି ଥିବା ସନ୍ଦେହରେ ସେମାନଙ୍କ ଘର ଓ କାର୍ଯ୍ୟାଳୟ ଉପରେ ରେଡ୍ ହୋଇଥିଲା ।