ଭୁବନେଶ୍ବର ୩୦।୧୧: ସରକାରକୁ ଜଙ୍କ୍ ଫୁଡ୍ ଚିନ୍ତା । ତେଲ ବୋର୍ଡ ଲଗାଇବେ ସରକାର । କେଉଁ ଖାଦ୍ୟରେ ଅଛି କେତେ ତେଲ, ତାକୁ ଖାଇଲେ କ’ଣ ହେବ, ସେ ନେଇ ତେଲ ବୋର୍ଡ ଜରିଆରେ ସଚେତନ କରାଯିବ । ଏନେଇ ସବୁ ଜିଲ୍ଲପାଳଙ୍କୁ ମହିଳା ଓ ଶିଶୁ ବିକାଶ ବିଭାଗ ପକ୍ଷରୁ ଚିଠି କରାଯାଇଛି ।

ତେବେ ସମସ୍ତ ଅଙ୍ଗନଓ୍ବାଡି ସେଣ୍ଟର, ଶିଶୁ ଯତ୍ନ କେନ୍ଦ୍ର, ୱାନ ଷ୍ଟପ ସେଣ୍ଟର, ଶକ୍ତି ସଦନ, ଶକ୍ତି ନିବାସ ସହ ଘରୋଇ ପ୍ରତିଷ୍ଠାନରେ ଲାଗିବ ତେଲ ବୋର୍ଡ । ଯେଉଁଥିରେ ରହିବ କେଉଁ ଖାଦ୍ୟରେ କେତେ ପରିମାଣର ତେଲ ରହିଛି । ଯେମିତି କି ସିଙ୍ଗଡ଼ା, ପକୋଡ଼ି, ଆଳୁଚପ, ଛଣା ସେଉ, ମୁଡୁକିରେ କେତେ ପରିମାଣର ତେଲ ରହିଛି । ଯାହାକୁ ଖାଇଲେ ହୃଦ ରୋଗ, ମୋଟାପଣ, ଯକୃତ ରୋଗ ସହ ଉଚ୍ଚ ରକ୍ତ ଚାପ ହେବାର ସମ୍ଭାବନା ରହିଛି । ଉଭୟ ଓଡ଼ିଆ ଏବଂ ଇଂରାଜୀରେ ଏହି ତେଲ ବୋର୍ଡ ଲାଗିବ ।