ନୂଆଦିଲ୍ଲୀ ୦୫।୦୯; ଓଟିଟି ପ୍ଲାଟଫର୍ମ ପ୍ରାଇମ୍ ଭିଡିଓର ସବୁଠୁ ଲୋକପ୍ରିୟ ତଥା ହିଟ୍ ୱେବ୍ ସିରିଜ୍ 'ମିର୍ଜାପୁର'। ଏବେ ବଡ଼ ପରଦାରେ ଏକ ନୂତନ ଅଧ୍ୟାୟ ଯୋଡ଼ିଛି। 'ମିର୍ଜାପୁର: ଦି ମୁଭି' ଭାବରେ ସିନେମା ହଲ୍ରେ ପ୍ରଥମ ଥର ପାଇଁ ପ୍ରବେଶ କରିବା ମାତ୍ରେ ଫିଲ୍ମଟି ବକ୍ସ ଅଫିସରେ ଧମାକା କରିଛି। ପ୍ରଥମ ଦିନରୁହିଁ ଦର୍ଶକଙ୍କଠାରୁ ଜବରଦସ୍ତ ପ୍ରତିକ୍ରିୟା ପାଇଥିବା ଏହି ଫିଲ୍ମଟି ବକ୍ସ ଅଫିସରେ ରେକର୍ଡ ଭାଙ୍ଗିଛି।

'ମିର୍ଜାପୁର: ଦି ମୁଭି'ର ଓପନିଂ କଲେକ୍ସନ କେତେ ଥିଲା ?

  • ଫିଲ୍ମ:ମିର୍ଜାପୁର: ଦି ମୁଭି (ଆକ୍ସନ୍-କ୍ରାଇମ୍ ଥ୍ରୀଲର୍)
  • ପ୍ରଥମ ଦିନର ନେଟ୍ କଲେକ୍ସନ:୨୫.୧୫ କୋଟି ଟଙ୍କା
  • ହିନ୍ଦୀ ଭର୍ସନରୁ ୨୫ କୋଟି ଏବଂ ତେଲୁଗୁ ଭର୍ସନରୁ ୧୫ କୋଟି (ମୋଟ ଭାରତୀୟ କଲେକ୍ସନ ୩୦.୮ କୋଟି)
  • ନିର୍ଦ୍ଦେଶକ ଓ ପ୍ରଯୋଜକ:ଗୁରମିତ ସିଂହ (ନିର୍ଦ୍ଦେଶକ), ରିତେଶ ସିଧୱାନୀ ଏବଂ ଫରହାନ୍ ଅଖତର (ପ୍ରଯୋଜକ)

୨୦୨୬ ମସିହାର ଏହି ବହୁପ୍ରତୀକ୍ଷିତ ଫିଲ୍ମଟି ମୁକ୍ତିଲାଭ କରିବା ମାତ୍ରେ ସୋସିଆଲ ମିଡିଆରେ ବେଶ୍ ପ୍ରଶଂସା ସାଉଁଟିଛି ଏବଂ ଏକ ଚମତ୍କାର ଓପନିଂ ହାସଲ କରିଛି। 'ମିର୍ଜାପୁର: ଦି ମୁଭି' ପ୍ରଥମ ଦିନରେ ୨୫.୧୫ କୋଟି ନେଟ୍ କଲେକ୍ସନ ସହିତ ବକ୍ସ ଅଫିସରେ ଦମ୍ଦାର ପ୍ରଦର୍ଶନ ଆରମ୍ଭ କରିଛି। ଏହି ଫିଲ୍ମଟି ୨୦୧୮ର ଆମାଜନ ପ୍ରାଇମ୍ ଭିଡିଓ ସିରିଜ୍ ଉପରେ ଆଧାରିତ। ପୁନୀତ କୃଷ୍ଣଙ୍କ ଦ୍ୱାରା ଲିଖିତ ଏବଂ ଏକ୍ସେଲ୍ ଏଣ୍ଟରଟେନମେଣ୍ଟ ବ୍ୟାନରରେ ଏହା ନିର୍ମିତ ହୋଇଛି।

ଷ୍ଟାର୍ କାଷ୍ଟ୍ ଓ ନୂଆ ଏଣ୍ଟ୍ରି 

ଫିଲ୍ମରେ ପୁରୁଣା କଳାକାର ଯେପରିକି ଅଲି ଫଜଲ୍, ପଙ୍କଜ ତ୍ରିପାଠୀ, ଦିବ୍ୟେନ୍ଦୁ, ରସିକା ଦୁଗଲ୍, ଅଭିଷେକ ବାନାର୍ଜୀ, ଶ୍ୱେତା ତ୍ରିପାଠୀ ଏବଂ ହର୍ଷିତା ଶେଖର ଗୌର ସେମାନଙ୍କର ସୁପରହିଟ୍ ଭୂମିକାକୁ ପୁନର୍ବାର ପ୍ରଦର୍ଶନ କରିଛନ୍ତି। ଏହାସହିତ ଜିତେନ୍ଦ୍ର କୁମାର, ସୋନଲ ଚୌହାନ ଏବଂ ରବି କିଶନଙ୍କ ନୂଆ ଏଣ୍ଟ୍ରି ଫିଲ୍ମର ଦର୍ଶକଙ୍କ କ୍ରେଜ୍କୁ ଆହୁରି ବଢ଼ାଇ ଦେଇଛି।

ସିକ୍ୱେଲ୍ କୁ ନେଇ ଚର୍ଚ୍ଚା

ଫିଲ୍ମର ସଫଳତା ପରେ ଏହାର ସିକ୍ୱେଲ୍ ଅର୍ଥାତ୍ ପରବର୍ତ୍ତୀ ଭାଗକୁ ନେଇ ମଧ୍ୟ ଚର୍ଚ୍ଚା ଆରମ୍ଭ ହୋଇଯାଇଛି। ଫିଲ୍ମର ଶେଷରେ ଆସିଥିବା ପୋଷ୍ଟ-କ୍ରେଡିଟ୍ ସିନ୍ରେ ଦିବ୍ୟେନ୍ଦୁ ଏବଂ ଅଲି ଫଜଲଙ୍କୁ ନେଇ ଏକ ଲଭ୍ ଟ୍ରାଏଙ୍ଗେଲ୍ (ଉଭୟ ସ୍ୱିଟିଙ୍କ ପ୍ରେମରେ ପଡ଼ିଛନ୍ତି) ଦର୍ଶାଯାଇଛି। ଯାହା ସିକ୍ୱେଲ୍ ପାଇଁ ବାଟ ଫିଟାଇପାରେ। ହେଲେ ନିର୍ମାତାମାନେ ଏପର୍ଯ୍ୟନ୍ତ ଦ୍ୱିତୀୟ ଭାଗ ନେଇ କୌଣସି ଆନୁଷ୍ଠାନିକ ଘୋଷଣା କରିନାହାଁନ୍ତି।