ଅଭିଜିତ୍ ଦୀପକେଙ୍କୁ ଆମେରିକାରୁ ହେଉଛି ଫଣ୍ଡିଂ, ୟୁଏସ୍ କଣ୍ଠଶିଳ୍ପୀ କହିଲେ ଭିତିରି କଥା

ନୂଆଦିଲ୍ଲୀ: କକ୍ରୋଚ୍ ଜନତା ପାର୍ଟି ମୁଖ୍ୟ ଅଭିଜିତ୍ ଦୀପକେ ବିରୁଦ୍ଧରେ ସଙ୍ଗୀନ ଅଭିଯୋଗ ଆଣିଛନ୍ତି ଆମେରିକୀୟ କଣ୍ଠଶିଳ୍ପୀ ମେରି ମିଲବେନ୍ । ସେ ଅଭିଯୋଗ କରିଛନ୍ତି ଯେ ଦୀପକେଙ୍କୁ ଆମେରିକାକୁ ଫଣ୍ଡିଂ ହେଉଛି । ସେ କହିଛନ୍ତି ଯେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୁଦ୍ଧରେ କାମ କରୁଥିବା ଲୋକ ତାଙ୍କୁ ଆର୍ଥିକ ସାହାଯ୍ୟ କରୁଛନ୍ତି । ତେବେ ସେ କୌଣସି ଦାତାଙ୍କ ନାଁ ନେଇ ନାହାନ୍ତି ।

ଗୁରୁତ୍ୱପୂର୍ଣ୍ଣ କଥା ହେଉଛି, ମେରି ମିଲବେନଙ୍କ ବୟାନ ଏପରି ସମୟରେ ଆସିଛି, ଯେତେବେଳେ ସିଜେପି ଦିଲ୍ଲୀରେ ଆନ୍ଦୋଳନ ପାଇଁ ଚେତାବନୀ ଦେଉଛି । କଟକଣା ସତ୍ତ୍ୱେ ଜନ୍ତରମନ୍ତର ଭିତରେ ପଶି ଧାରା ୧୬୩ର ଉଲ୍ଲଂଘନ ମାମଲାରେ ସିଜେପି ନେତା ଆଶୁତୋଷ ରାଙ୍କା ଏବଂ ସୌରଭ ଦାସଙ୍କୁ ବୁଧବାର ପାଞ୍ଚ ଦିନ ପାଇଁ ନ୍ୟାୟିକ ହେପାଜତରେ ପଠାଯାଇଛି ।

ଆମେରିକୀୟ କଣ୍ଠଶିଳ୍ପୀ କହିଛନ୍ତି, ଭାରତର ସମସ୍ତ ଯୁବ ଦେଶଭକ୍ତଙ୍କ ପାଇଁ । ଏହି ସମୟ ଚୁପ୍ ରହିବାର ନୁହେଁ । ଅଭିଜିତ୍ ଦୀପକେ ଏବଂ କକ୍ରୋଚ ଜନତା ପାର୍ଟିକୁ ଆମେରିକାର ପୁଞ୍ଜିପତି ପାଣ୍ଠି ଯୋଗାଉଛନ୍ତି, ଯେଉଁମାନେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ବିରୋଧରେ ଅଛନ୍ତି । ଭାରତରେ ୨୫ ବର୍ଷ ସେବା କରିଥିବା ବ୍ୟକ୍ତି, ୧୨ ବର୍ଷ ପ୍ରଧାନମନ୍ତ୍ରୀ ଏବଂ ତିନି ଥର ନିର୍ବାଚିତ ଆପଣଙ୍କ ପ୍ରଧାନମନ୍ତ୍ରୀ ମୋ ଦେଶର ବିଭାଜନକାରୀ ଶକ୍ତି ଆଗରେ ନଇଁବେ ନାହିଁ ।

To all the beautiful young patriots in India: This is not the time to be silent. @abhijeet_dipke and the @Cockroachisback are being funded by donors in the U.S. who are against Prime Minister @NarendraModi and your future under his leadership. Do not fear, my young patriots. Your Prime Minister, who has served India for 25 years, 12 years as Prime Minister, elected three consecutive terms, is not going to bow to disruptive forces from my country. And these select donors have a pattern globally - target conservative global leaders, find an U.S. educated person from the country, radicalize them, send them back to the country, and fund them to start chaos and destruction. None of them have been successful but have impacted the development and governance of the country. It is time for a new voice in #India, born, raised, educated on the soil of India, to RISE UP, organize, and peacefully protest the disruptive spirit of the Cockroach Party. There should always be a counter movement to uphold democracy and freedom. Rise up, young patriots! Rise up!

— Mary Millben (@MaryMillben) October 14, 2026

ସେ ଜୋର ଦେଇ ଲେଖିଛନ୍ତି, କିଛି ନିର୍ଦ୍ଦିଷ୍ଟ ପୁଞ୍ଜିପତି ଦୁନିଆରେ କଞ୍ଜରଭେଟିବ୍ ନେତାଙ୍କୁ ଟାର୍ଗେଟ୍ କରିବା ପାଇଁ ସେହି ଦେଶର ଏପରି କିଛି ଯୁବକଙ୍କୁ ଖୋଜନ୍ତି ଯେଉଁମାନେ ଆମେରିକାରେ ପଢ଼ିଥିବେ । ସେମାନଙ୍କୁ କଟ୍ଟର କରିବା, ନିଜ ଦେଶକୁ ପଠାଇବା ଏବଂ ଅରାଜକତା ପାଇଁ ପାଣ୍ଠି ଦେବା ଏକ ପ୍ୟାଟର୍ଣ୍ଣ ପାଲଟିଛି । ଏ ପର୍ଯ୍ୟନ୍ତ ଏଥିରେ କେହି ବି ସଫଳ ହୋଇନାହିଁ କିନ୍ତୁ ଦେଶର ବିକାଶ ଏବଂ ଶାସନ ଉପରେ ପ୍ରଭାବ ପକାଇଥାଏ ।

ମେରି ମିଲବେନ୍ ଭାରତୀୟ ଯୁବପିଢ଼ିଙ୍କୁ ଗଣତନ୍ତ୍ର ଏବଂ ସ୍ୱାଧୀନତାର ରକ୍ଷା ପାଇଁ ଏକତ୍ରିତ ହେବାକୁ ଆହ୍ୱାନ ଦେଇଛନ୍ତି । ସେ ଭାରତରେ ଜନ୍ମିତ, ପାଳିତ ଏବଂ ଶିକ୍ଷିତ ଏକ ନୂତନ ସ୍ୱର ଉଠିବାର ଆବଶ୍ୟକତା ଉପରେ ଗୁରୁତ୍ୱାରୋପ କରିଛନ୍ତି । ତାଙ୍କ ମତରେ, ଯୁବକମାନେ ଶାନ୍ତିପୂର୍ଣ୍ଣ ଭାବରେ ସେମାନଙ୍କର ମତାମତ ପ୍ରକାଶ କରିବା ଉଚିତ ଏବଂ ଦେଶର ସ୍ୱାର୍ଥ ବିରୋଧୀ କାର୍ଯ୍ୟକଳାପକୁ ବିରୋଧ କରିବା ଉଚିତ ।

ମେରି ମିଲବେନ କିଏ ?

ମେରି ମିଲବେନ ଜଣେ ଆମେରିକୀୟ ଗାୟିକା ଏବଂ ଅଭିନେତ୍ରୀ । ଭାରତରେ ସେ ଜାତୀୟ ସଙ୍ଗୀତ "ଜନ ଗଣ ମନ" ଏବଂ ଭକ୍ତି ଗୀତ "ଓମ୍ ଜୟ ଜଗଦୀଶ ହରେ"ର ପରିବେଷଣ ପାଇଁ ବିଶେଷ ଭାବରେ ପରିଚିତ । ସେ ୨୦୨୩ ମସିହାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା ଗସ୍ତ ସମୟରେ ଏକ କାର୍ଯ୍ୟକ୍ରମରେ ଭାରତୀୟ ଜାତୀୟ ସଙ୍ଗୀତ ଗାଇଥିଲେ । ମିଲବେନ ତାଙ୍କର ଗୀତ ଗାଇବା ଏବଂ ଭାରତୀୟ ସାଂସ୍କୃତିକ କାର୍ଯ୍ୟକ୍ରମ ଯୋଗୁଁ ଭାରତୀୟଙ୍କ ମଧ୍ୟରେ ଲୋକପ୍ରିୟତା ହାସଲ କରିଛନ୍ତି । ସେ ପ୍ରଧାନମନ୍ତ୍ରୀ ମୋଦୀ ଏବଂ ଭାରତ ସହିତ ଜଡିତ ପ୍ରସଙ୍ଗ ଉପରେ ଅନେକ ସମୟରେ ମତାମତ ରଖନ୍ତି । ଏଥର ସିଜେପି ଏବଂ ଆମେରିକା ପାଣ୍ଠି ଅଭିଯୋଗ ଉପରେ ତାଙ୍କର ମନ୍ତବ୍ୟ ଏକ ନୂତନ ରାଜନୈତିକ ବିତର୍କ ସୃଷ୍ଟି କରିଛି।