ବଲାଙ୍ଗୀର: ୨ ଘଣ୍ଟାର ଭୟଙ୍କର ଚିତ୍ର ଏବେ ବି ଲୋକଙ୍କ ମନରେ ରହିଛି । କାରଣ ସେହି ସମୟରେ ନା ଘରେ ନା ବାହାରେ। ମଣିଷ ଠାରୁ ଗାଈଗୋରୁ ସମସ୍ତେ ହୋଇଗଲେ ଅସ୍ତବ୍ୟସ୍ତ। ବଲାଙ୍ଗିର ପାଟଣାଗଡ଼ ବିଭିନ୍ନ ଅଞ୍ଚଳରେ କାଳବୈଶାଖୀ ତାଣ୍ଡବ ଯେତିକି ଭୟଙ୍କର ଥିଲା କୁଆପଥର ମାଡ଼ ସବୁ କିଛି ସାରିଦେଇଯାଇଛି।

କିଏ ନିଜ ଘର ସେଜ ଖଟ ସୁଖାଉ ଛି ତ ଆଉ କିଏ ନିଜ ବ୍ୟବସାୟ ମହୁଳ ଫୁଲ ଗୋଟାଉଛି। ପିଲା ଠୁ ବୁଢା ସମସ୍ତେ ଏବେ ସେହି ଘର ସଜଡା କାମରେ ବ୍ୟସ୍ଥ। ଏ ହେଉଛି ବଲାଙ୍ଗିର ଜିଲ୍ଲା ପାଟଣାଗଡ଼ ଅଞ୍ଚଳ ରେଙ୍ଗାଲଜୁରୀ ଓ ଚାଙ୍ଗରିଆ ଗାଁ ଚିତ୍ର। ଭାତ ହାଣ୍ଡିରୁ ଗୋଟିଏ ଚାଉଳ ପରି ଏହି ଦୁଇତିଗାଁ ଦୃଶ୍ୟ ଆମେ ଆପଣଙ୍କୁ ଦେଖାଉଛୁ। ଦୃଶ୍ୟ ଏମିତି ଯେ ଆପଣ ଙ୍କୁ ଯେତିକି ଆଶ୍ଚର୍ଯ୍ୟ କରିବ ସେତିକି କଷ୍ଟଦାୟକ ମଧ୍ୟ। ଗୋଟିଏ କି ଦୁଇଟି ନୁହେଁ ଗୋଟିଏ ପଞ୍ଚାୟତ ରେ ୩ ଶହ ରୁ ଅଧିକ ଘର ର ପରିସ୍ଥିତି ଏବେ ଏଭଳି।

Also Read: ସପ୍ତାହେ ଯାଏଁ ବଢିବନି ତାତି, ୧୦ ଯାଏଁ ରହିବ କାଳବୈଶାଖୀର ପ୍ରଭାବ

ନା ମୁଣ୍ଡଉପରେ ଛାତ ରହିଲା। ନା ଗାଈ ଗୋରୁଙ୍କ ଗୁହାଳ। ନା ଖାଇବା ପାଇଁ ବ୍ୟବସ୍ଥା ରହିଲା ନା ପିନ୍ଧିବାକୁ ଥିବା ପୋଷାକ ସୁଖା ରହିଲା। ସେତିକି ରେ ସାରିନଥିଲା ଦୁଃଖ। ଜୀବନ ଯାପନ ଅନ୍ନ ଯୋଗାଉଥିବା ସମସ୍ତ ଚାଷ କାରଣ ଗାଁ ରେ ସମସ୍ତେ ଚାଷୀ। କିଏ ଅନିପରିବା ତ ଆଉ କିଏ ମହୁଲ, କିଏ ଆମ୍ବ ତ ଆଉ କିଏ ଧାନ ଚାଷ କରି ଗୁଜୁରାଣ ମେଣ୍ଟାଉ ଥିଲେ ହେଲେ ଏବେ ସେ ସବୁ ମଧ୍ୟ ସମ୍ପୂର୍ଣ୍ଣ ନଷ୍ଟ। ଗତ କାଲି ପ୍ରସାସନ ପକ୍ଷରୁ ଚୂଡ଼ା ଚିନି ବିସ୍କୁଟ ମିଳିଥିଲା। ଯେ ଆଜି ପର୍ଯ୍ୟନ୍ତ ତାହା ଖାଦ୍ୟ ପାଇଁ ସାହା ଭରସା। ଶୁଣନ୍ତୁ କଣ କହୁଛନ୍ତି ଲୋକ।

ଗତକାଲି ଦିନ ୧ ସମୟରେ ପବନ ବହିବା ସହ ଆରମ୍ଭ ହୋଇଥିଲା ବର୍ଷା ସାଙ୍ଗକୁ କୁଆପଥର ମାଡ଼। ଧୀରେ ଧୀରେ ତାହା ବଢି ଚାକିଥିଲା। ୨ ଘଣ୍ଟା ଧରି ଗୋଟିଏ ଧାରାରେ କୁଆପଥର ମାଡ଼ ହୋଇଥିଲା। ଛପର ଓ ଆଜବେଷ୍ଟର ଘରେ ଥିବା ଲୋକ ଏପଟ ସେପଟ ଦୌଡ଼ି ପଳାଇ ଥିଲେ ହେଲେ ଲୁଚିବାକୁ ଜାଗା ନଥିଲା। ଏତେ ଭୟଙ୍କର ଥିଲା ଯେ କୁଆପଥର ଗୋଟିଏ ରୁ ଦୁଇ କିଲୋ ଓଜନ ର ପଡିବାରେ ଲାଗିଥିଲା। ଯାହା ଫଳରେ ଘର ଛପର ସମ୍ପୂର୍ଣ୍ଣ ନଷ୍ଟ ହୋଇଯାଇଛି। ମଣିଷ ସହ ଗାଈ ଗୋରୁଙ୍କ ଗୁହାଳରେ ପଡି ନଷ୍ଟ ହୋଇଥିଲା ଆଘାତ ମଧ୍ୟ ହୋଇଥିଲା।

ବେଶ ୨ ଘଣ୍ଟାରେ ଲୋକଙ୍କ ଘର ଭିତରେ ମଧ୍ୟ ଆଣ୍ଠୁଏ ବରଫ। ଯାହା ଆସବା ପତ୍ର ଥିଲା ସବୁକିଛି ପାଣିରେ ଭିଜି ନଷ୍ଟ। ତା ସାଙ୍ଗକୁ ବାଇଗଣ ଚାଷ , ଟମାଟୋ ଚାଷ , କୋବି ଭଲି ଅନ୍ୟ ପନିପରିବା , ଧାନ , ତରଭୁଜ ଚାଷ , ଆମ୍ବ ଚାଷ ସବୁକିଛି ନଷ୍ଟ ହୋଇଯାଇଛି। ଏନେଇ ପ୍ରଶାସନିକ ଅଧିକାରୀ ଯାଇ ଲୋକଙ୍କୁ କିଛି ଖାଇବା ଵ୍ୟଵସ୍ଥା କରିଥିବା ବେଳେ ଜରିପାଲ ଦେବାକୁ କହିଛନ୍ତି। ପ୍ରଥମିକ କ୍ଷୟକ୍ଷତିର ଆକଳନ କରିଛି ହଟିକଲଚର ବିଭାଗ। ୧୦୦ ପ୍ରତିଶତ କ୍ଷୟକ୍ଷତି ହୋଇଥିବା ସୂଚନା ଦେଇଛନ୍ତି ବିଭାଗ ଅଧିକାରୀ।

ତା ସହ ୬ ହେକ୍ଟର ଜମିରେ ଆମ୍ବ ଚାଷ ହୋଇଥିବା ବେଳେ ତାହା ଆଉ ପତ୍ର ଟିଏ ମଧ୍ୟ ନଥିବା କାହିଛନ୍ତି।କାରଣ ଏହି ଅଞ୍ଚଳରୁ ଟ୍ରକ ଯୋଗେ ଆମ୍ବ ଭିଭିନ୍ନ ସ୍ଥାନକୁ ଯାଉଥିବା କହିଛନ୍ତି ଅଧିକାରୀ। ଏବେ ସମ୍ପୂର୍ଣ୍ଣ ଆକଳନ କରି ସରକାର ଙ୍କୁ ରିପୋର୍ଟ ଦେବେ ବୋଲି ମତ ଦେଇଛନ୍ତି। ସେହିପରି ଲୋକଙ୍କ ରହିବା ଖାଇବା ଵ୍ୟଵସ୍ଥା ତୁରନ୍ତ କରାଯିବ ବୋଲି କହିଛନ୍ତି ଉପଜିଲ୍ଲାପାଳ।

ସେପଟେ ଲୋକଙ୍କୁ ତୁରନ୍ତ କ୍ଷତିପୂରଣ ଦାବିରେ ଆଜି ପାଣ୍ଡେଲ ଛକ ପାଟଣାଗଡ଼ ପଦ୍ମପୁର ରାସ୍ତା ଅବରୋଧ କରିଥିଲେ ଲୋକ। ନା କେବେ ଦେଖିଥିଲା ନା ଶୁଣିଥିଲେ । ହେଲେ ସବୁ ଦେଖାଇ ଦେଲା ପ୍ରକୃତି। ୨ ଘଣ୍ଟାରେ ସବୁ କିଛି କରିଦେଲା ଛାରଖାର। ଏବେ ପ୍ରଶାସନ କେବେ ଏମାନଙ୍କ ଥଇଥାନ କରୁଛି ତାହା ଦେଖିବା ବାକି ରହିଲା।