ନୂଆଦିଲ୍ଲୀ: ବେଙ୍ଗାଲୁରୁରେ ଏସଆଇଆର୍ ବିରୋଧ ପ୍ରତିବାଦରେ ସାମିଲ ହୋଇଥିବା ୟୁଟ୍ୟୁବର ଧ୍ରୁବ ରାଠୀ ଆଇନଗତ କାର୍ଯ୍ୟାନୁଷ୍ଠାନର ସାମନା କରିପାରନ୍ତି । ବେଙ୍ଗାଲୁରୁର ପୂର୍ବତନ ପୋଲିସ କମିଶନର ଭାସ୍କର ରାଓ କେନ୍ଦ୍ର ଗୃହ ସଚିବଙ୍କୁ ଏକ ଚିଠି ଲେଖିଛନ୍ତି । ଏଥିରେ ସେ ଧ୍ରୁବ ରାଠୀଙ୍କ ନାଗରିକତ୍ୱ, ଇମିଗ୍ରେସନ ଷ୍ଟାଟସ୍ ଏବଂ ଭିସା ସର୍ତ୍ତ ଯାଞ୍ଚ କରିବାକୁ ଅନୁରୋଧ କରିଛନ୍ତି । ଉଲ୍ଲେଖଯୋଗ୍ୟ ଯେ ଧ୍ରୁବ ରାଠୀ ଜର୍ମାନ ନାଗରିକତା ରଖିଥିବା ବିଭିନ୍ନ ମିଡିଆ ରିପୋର୍ଟରେ ଅନେକ ସମୟରେ ଦାବି କରାଯାଇଛି ।

ଭାସ୍କର ରାଓ ନିଜ ଚିଠିରେ ମିଡିଆ ରିପୋର୍ଟ ଆଧାରରେ ଦାବି କରିଛନ୍ତି ଯେ ଧ୍ରୁବ ରାଠୀଙ୍କ ପାଖରେ ଜର୍ମାନୀ ନାଗରିକତା ରହିଛି । ସେ ପ୍ରଶ୍ନ ଉଠାଇଛନ୍ତି ଯେ କଣ କୌଣସି ବିଦେଶୀ ନାଗରିକ ଭାରତରେ ରାଜନୈତିକ ପ୍ରଦର୍ଶନର ଅଂଶ ହୋଇପାରିବ କି ? ଉଲ୍ଲେଖଯୋଗ୍ୟ ଯେ ପୂର୍ବତନ ପୋଲିସ ଅଧିକାରୀ ଜର୍ମାନ ନାଗରିକ ନେଇ ସ୍ପଷ୍ଟ ଦାବି କରିନାହାନ୍ତି ଏବଂ ଏହାର ତଦନ୍ତ ପାଇଁ ଗୃହ ମନ୍ତ୍ରଣାଳୟକୁ ଅନୁରୋଧ କରିଛନ୍ତି । ସେ ଚାହୁଁଛନ୍ତି ଯେ ଧ୍ରୁବ ରାଠୀ କେଉଁ ଆଧାରରେ ଭାରତ ଆସିଥିଲେ । ଅର୍ଥାତ୍ ସେ କେଉଁ ଭିସା ନେଇଥିଲେ ନାଁ ଅନ୍ୟ କୌଣସି ଅନୁମତିରେ ସେ ଦେଶରେ ପ୍ରବେଶ କରିଥିଲେ ।

 

ଏହି ଚିଠିରେ ଏକ ଗୁରୁତ୍ୱପୂର୍ଣ୍ଣ ପ୍ରଶ୍ନ ମଧ୍ୟ ଉଠାଯାଇଛି । ରାଓ ମନ୍ତ୍ରଣାଳୟକୁ ସ୍ପଷ୍ଟ କରିବାକୁ କହିଛନ୍ତି ଯେ ଜଣେ ବିଦେଶୀ ନାଗରିକ ଭାରତରେ ରାଜନୈତିକ ପ୍ରତିବାଦରେ ଅଂଶଗ୍ରହଣ କରିପାରିବେ କି ନାହିଁ । ସେ ଅଧିକାରୀମାନଙ୍କୁ ଏହା ମଧ୍ୟ ତଦନ୍ତ କରିବାକୁ କହିଛନ୍ତି ଯେ ରାଠୀ ତାଙ୍କର ପୂର୍ବ ଭାରତ ଗସ୍ତ ସମୟରେ ଏପରି ରାଜନୈତିକ କାର୍ଯ୍ୟକ୍ରମରେ ଯୋଗ ଦେଇଥିଲେ କି ନାହିଁ । ଭାସ୍କର ରାଓ ଚିଠିରେ ସମ୍ଭାବ୍ୟ ଆଇନ ଉଲ୍ଲଂଘନ ବିଷୟରେ ମଧ୍ୟ ଉଲ୍ଲେଖ କରିଛନ୍ତି । ତାଙ୍କ ଅନୁସାରେ ଏହି ମାମଲାରେ ବିଦେଶୀ ଆଇନ, ଭିସା ଆବଶ୍ୟକତା ଏବଂ ପ୍ରବାସନ ନିୟମର ଉଲ୍ଲଂଘନ ହୋଇପାରେ । ତେଣୁ, ସେ ଦାବି କରିଛନ୍ତି ଯେ ରାଠୀଙ୍କ ଭାରତ ଯାତ୍ରା ଏବଂ ଭାରତରୁ ଯାତ୍ରାର ରେକର୍ଡ ସଂରକ୍ଷଣ କରାଯାଇ ପୁଙ୍ଖାନୁପୁଙ୍ଖ ତଦନ୍ତ କରାଯାଉ ।