ନୂଆଦିଲ୍ଲୀ: ସରକାରୀ ଦୂରସଂଚାର କମ୍ପାନି ବିଏସ୍‌ଏନ୍‌ଏଲ୍ ଆଗାମୀ ପାଞ୍ଚ ବର୍ଷରେ ୭୭,୦୦୦ କୋଟି ଟଙ୍କାର ବଡ଼ ନିବେଶ ପାଇଁ ପ୍ରସ୍ତୁତି କରୁଛି । ମନିକଣ୍ଟ୍ରୋଲରି ରିପୋର୍ଟ ଅନୁସାରେ, ଏହି ବଡ଼ ପୁଞ୍ଜିକୁ ଏକାଠି କରିବା ପାଇଁ କମ୍ପାନି ନିଜ ଜମି ଏବଂ ଅନ୍ୟ ସଂପତ୍ତି ବିକ୍ରି କରିବାକୁ ଚାହୁଁଛି । ଚଳିତ ଏବଂ ଆଗାମୀ ଆର୍ଥିକ ବର୍ଷରେ ପୁଞ୍ଜି ପ୍ରତ୍ୟାହାର ମାଧ୍ୟମରେ ମୋଟା ଅର୍ଥରାଶି ଏକାଠି କରିହେବ ବୋଲି ଆଶା ରଖିଛନ୍ତି । ଏହାଦ୍ୱାରା 4G ଏବଂ 5G ନେଟୱାର୍କ ବିସ୍ତାରରେ ଗତି ମିଳିବ ।

ଦୂରସଂଚାର ବିଭାଗର ଯୋଜନା ଅନୁସାରେ, ବିଏସଏନଏଲ୍ ୨ ଲକ୍ଷ ନୂଆ 4G ଟାୱାର ଲଗାଇବାକୁ ଯାଉଛି । ଏହା ବ୍ୟତୀତ ନେଟୱାର୍କକୁ ମଧ୍ୟ ମଜଭୁତ କରାଯିବ । ଅଧିକ ଟ୍ରାଫିକ୍ ଏବଂ ରଣନୈତିକ ଅଞ୍ଚଳରେ 5G ସେବା ବୃଦ୍ଧି କରାଯିବ । ବର୍ତ୍ତମାନ କମ୍ପାନି ପାଖରେ ମୋଟ ୧.୨୫ ଲକ୍ଷରୁ ଅଧିକ ଟେଲିକମ୍ ଟାୱାର ଅଛି । ଅଧିକାରୀଙ୍କ କହିବା କଥା, ଏହି ସଂଖ୍ୟା ଆଗକୁ ଆହୁରି ବଢ଼ିବ ।

ବିଏସଏନଏଲ୍ ଚଳିତ ଆର୍ଥିକ ବର୍ଷରେ ଜମି ଏବଂ ସମ୍ପତ୍ତି ବିକ୍ରି କରି ୮ ହଜାର କୋଟି ସଂଗ୍ରହ କରିବାକୁ ଲକ୍ଷ୍ୟ ରଖିଛି । ଏହି ଟଙ୍କା ସିଧାସଳଖ ପୁଞ୍ଜି ଖର୍ଚ୍ଚରେ ବିନିଯୋଗ କରାଯିବ । ବିଏସଏନଏଲ୍ ଫ୍ଲାଟ୍ ଏବଂ ମୁମ୍ବାଇରେ ଏକ ପ୍ରମୁଖ ସମ୍ପତ୍ତିକୁ ନେଇ କ୍ରେତା ଆଗ୍ରହ ଦେଖାଇଛନ୍ତି । ଏମଟିଏନଏଲ୍ ପାଖରେ ଦିଲ୍ଲୀ ଏବଂ ମୁମ୍ବାଇରେ ମଧ୍ୟ ଅନେକ ମୂଲ୍ୟବାନ ରହିଛି ।

ସରକାର ଆଶା ରଖିଛନ୍ତି ଯେ ଏହି ନିବେଶ ଯୋଜନା ବିଏସଏନଏଲକୁ ଆର୍ଥିକ ବର୍ଷ ୨୦୨୯ ସୁଦ୍ଧା ବ୍ରେକ-ଇଭେନ୍ ହାସଲ କରିବାରେ ସାହାଯ୍ୟ କରିବ । ଅର୍ଥାତ୍ ପରିଚାଳନା ରାଜସ୍ୱ ଏବଂ ଖର୍ଚ୍ଚ ସମାନ ହେବ । ଏହା ବ୍ୟତୀତ, କମ୍ପାନିର ଦେଶବ୍ୟାପୀ କଭରେଜ୍ ୯୮%କୁ ବୃଦ୍ଧି ପାଇପାରେ ।

ଟ୍ରାଇ ତଥ୍ୟ ଅନୁଯାୟୀ, ଜୁନ୍ ତ୍ରୈମାସିକ ଶେଷ ସୁଦ୍ଧା ବିଏସଏନଏଲର ମୋବାଇଲ୍ ଗ୍ରାହକ ସଂଖ୍ୟା ୯୩ ନିୟୁତକୁ ବୃଦ୍ଧି ପାଇଛି, ଯାହା ପୂର୍ବ ତ୍ରୈମାସିକରେ ୯୨.୯ ନିୟୁତ ଏବଂ ଏକ ବର୍ଷ ପୂର୍ବେ ୯୦.୫ ନିୟୁତ ଥିଲା । ବିଏସଏନଏଲ୍ ଆର୍ଥିକ ବର୍ଷ ୨୦୨୫ରେ ୨୬,୦୨୨ କୋଟି ଟଙ୍କାର ପୁଞ୍ଜି ବିନିଯୋଗ କରିବାକୁ ପ୍ରତିଶ୍ରୁତି ଦେଇଥିଲା, ଯାହା କମ୍ପାନିର ଇତିହାସରେ ସର୍ବବୃହତ ନିବେଶ । ଏହି ଖର୍ଚ୍ଚ ମୁଖ୍ୟତଃ ଭାରତନେଟ୍ ପାଇଁ 4G ନେଟୱାର୍କ, ବିଦ୍ୟୁତ୍ ଭିତ୍ତିଭୂମି ଏବଂ ଫାଇବର ନେଟୱାର୍କ ପାଇଁ ଥିଲା ।